العصر جنت كاعده اني اختي يم باب المطبخ .. فجأه نسمع صوت عركه برا !!!
طلعنا نشوف اكو عركات برا ورمي صاير والطائرات الامريكيه فوك روسنا بذاك اليوم ولا انسى .. من نهدم بيتنا، يي بيتنا نهدم لان جانت العركه قريبه ع بيتنا فالامريكان ضلوا يقصفون بالمكان حتى يفضوها ومن اثر هذا القصف بيتنا نهدم تعرفون شكد صعبه واني جنت صغيره عمري كله ٥سنوات واليقهر واليقطع الكلب اكثر ماما 💔 جانت حامل بذيج الفتره فحيل تأذت بوقتها .. المهم دخلوا علينا الامريكان ... وجانت اكثر شي منهدم بالبيت غرفه امي تفلشتت فنحبسنا كلنا بالحمام وامي رادت تنضرب من قبل الامريكان بس الله ستر مضربوها وبابا جانت بذاك الوقت جان يشتغل منتسب فيعني ميدري شديصر بينا ميصير .. بعدين اخذونه لبيت جيرانه ضلينا يمهم يوم كامل بس تالي رجعنا لبيتنا ... بكل هاي الاحداث التصير واني اباوع لعيون امي واشوف كميه الخوف والرهبه الي بعيونها .. خوفها علينا .. خوف من انو يكتلونا .. من رجعنا لبيتنا ورجع ابويه عرف بالصاير وحاولوا يرممون غرفه امي وطبعاً كل هاي الاحداث والامريكان محاوطينه من كل مكان البيت كله محاوط لمده اسبوع بالبدايه ضلينا خايفين ومنطلع وحتى ماما متخلي اخواني يطلعون تخاف عليهم وحتى كوه رمموا غرفه امي .. بس همه ضلوا بمكانهم واحنا هم اتأقلمنا ويا الموضوع بس المكان يضل يخوف ومرعب تخيلوا انكم عايشين بمنطقه بس امريكان مررعبه فبابا مخلانه بهل البيت وشلنا من هذاك البيت ورحنا كعدنا ببيت بمنطقه الدجيل .. وطبعاً كبرت وصرت مدرسه بس مستوايه مو شي لان محد يقريني محد يشوف شجيب درجه محد مهتم لان الاحداث العايشيها احنه متسمح انهم يركزون على دراستي من غير المعلمات الي جانوا بمدرستي يعاملونا بشكل يخووف ليكول وحوش ولا كانو احنا طلاب صغار منفتهم ..
.....................................................................................
طبعاً بظل ذيج الظروف منو جان يكعد ببيت واحد ؟ كل يوم مكان نشرد باروحنا خوفاً من انو يصير بينا شي.. فاحنا بعد تنقل باكثر من بيت انتقلنه لمنطقه اسمها النهروان وجانت هالمنطقه من المناطق البعيده ومحد يعرفها
وبنينا هناك بيت جان جبيررر.. بس عمره البيت مو بحجمه او اثاثه او فخامته لا اهمشي الراحه بالبيت النعيشه بس هالشي مجان موجود بهل البيت ! هذا البيت شكد ما جان جبير بس منه بدت نقطه لمخاوفي واحلام مخيفه وموت بنت اخويه الربيتها على ايدي من هيه وصغيره !!!!!
.....
عندي اخويه الوسطاني .. وضاح ... متزوج من بنت عمتي وعده بنات ثنين منها لي هنه بنين الجبيره وعمرها سنتين ونور عمرها ١١ شهر ... فبعد اسبوع من انتقالنه للبيت الجديد جان اخويه عده دوره تدريب .. والصبح من ودعنه جان يوصي امي ببناته ومرته وماما هم تودعه وتدعي الله يحفظه ومرته كذلك ودعته .. وبوسنا وهوا يوصي ماما ببناته ومرته .. وراح
.. و خلال هالفتره بيوم من الايام اجت اختي الجبيره يمنا باتت فنمنا كلنا بالهول .. ساعه ٦ الصبح حسيت ؟!!!!!!!!
...................................................................................
