كسران الهوى

البارت ١٣

.
.
انته دمرت العشك والحب دمار
ما وفيت وخاين وما تفتهم
.
.

.
الدكتورة..يالله بس لا ،اتوفت
كلبه وكف وضغط صفر ممرضه شهد جيبي جهاز موجات كهربائيه خل احاول وياهه جابت جهاز مرة اثنين اتلاثه ما فادن وياهه ماتت مع الاسف خسرنه المريضه اخذن الطفله للأب
سفير ..واكف على حيلي متخبل على ليالي ألي راح تخسر حياته قبل متبدي ومنتضر الدكتورة تطلع ورة وقت طلعت الممرضه وكالت انته السيد سفير كتله اي كالت هذة الطفله انطتنياهه وتبجي كتله والام اشون صارت وجان تطلع الدكتور وايده مدمايه وصدريه هم وكالت
الدكتورة..المريضه اتوفت البقيه بحياتكم كلبه ما اتحمل بس طلع الطفل الام ماتت
سفير...هنا الصدمه كمت ابجي عليه هسه اتكولون رجال يبجي اي يبجي من ايشوف بنت اوانكول طفله بدايه عمرهه وشبابه ما شافت شي بهاي اللحظه حسيت انو الوقت وكف ساعه الصفر لحضه ما انساهه كمت اصيح ليش ليالي ضحيتي بحياتج هيج هيج حياتج رخيصه زين هاي الطفله سنو ذنبه شنو متكليلي اتعيش بله ام مافكرتي بيه
سفير..هاج يمه اخذي طفله انطيته الامي طفله وطبيت اشوف ليالي على امل اشوفه كاعده على أمل اتكلي حلم اكد منه هذا كابوس لا الكابوس ارحم طبيت لغرفه الولاده ورحت للسديه عبالك نايمه وجه اصفر وحلكه ابيض كمش ايدهه ايدهه بارده ليش هيج اتسوين ليالي لييييش متي ليييش سويتيه صدك ليش وهاي الطفله عفتيه يتميته ليشش اوف يا وكت هذا الموقف اكبر رجال ايهزهه وبعدين اتنعلت الشيطان وكمت وكلت لا اعتراض على حكمك يا رب العالمين وانا الله وانا اليه راجعون وغطيت وجهه وطلعت كبرت للطفله بأذنه وسميته سمرة وبعدين امي طلعت من المستشفى وراحت للبيت هيه بنتي بعد ما اشتريلته حليب وممه واني اخذت ليالي غسلته وكفنته وديته للوادي ..وادي النجف واجو ربعي وياي
..اباوع للوادي واكول اشكد اندفنو بيك اعزاز وبعد اشتاخذ مني وبعد وقت وصلنه لمكان دفن ودفنته بلمكان البي ابويه مدفون وقريتله الفاتحه وقريت لبويه الفاتحه وكتله بويه دير بالك على ليالي خطيه هاي انضلمت وانحرمت من بته ومن شبابه وما عاشت مرتاحه وبعدين رجعت من الوادي منهار وتعبان والله حته البيت كرهته وكرهت النومه بي احسه فارغ وهدوء بشكل مو طبيعي طبيت للبيت رحت لغرفه امي لكيته امنيمه طفله وعماتي حضرن العشه كتلهن ما اريد ترة والله المر عليه مو هين وحته بغرفتي ما صعدت كتله لمي اريد اليوم انام بغرفتج
ام سفير..سوده عليه وليدي شجاج هيج اتسوي ابروحك هذا قضاء الله وقدرة وانته مؤمن والمؤمن مبتلا ونام هنا الغرفه غرفتك
سفير..بعد تفكير طويل افكر باليالي واشون جانت هادئة واشون اذيته واشون ماتت ماتت من وراي اني اي المجرم الحقير ولك وين جان عقلك متكلي وسويت وياهه علاقه يا علاقه انته هتكت حرمه جسمه واخذته وين جان عقلك كل إلي اتذكرة جنت ويه عشق مو ليالي اشجاب ليالي والله راح اتخبل

...بعد مرور ٣ سنوات...

عشق..نفس نفسسس اشدسوين
نفس..ماما دا ارسم بابا شوفي حلو
عطر..ماما بابا اشوكت يجي والله اشتاقيت لبابه
عشق..ما ادري
دك تلفون عشق
عشق ..اكعدن لتأذن هاي بيبي ادك احاجيه واجيجن
عشق..الو
ام عشق..اشونج يمه
عشق..زينه
ام عشق..اكلج يمه اجو خطابه على بلقيس وهذا الاسبوع خطبه تعالي وياي ساعديني
عشق..يمه منو خطبهه
ام عشق..ما اعرفه ابوج ايعرفه من شايف بلقيس اتودي الاكل اله وعجبته وخطبهه لبنه بس الولد متزوج ومرته متوفيه وعده بنيه ولد
عشق..يمه اشون تنطون لرجال متزوج واشعجب قبلتو
ام عشق..والله ولد خوش ولد وابوج ايعرفه وبعدين حالته الماديه فوك النخل صح متزوج بس مرته ميته وعنده طفلين بنيه سنتين والولد اتلاثه سنين يعني هم اتربيهم هم خطيه ذوله يتامه
عشق ..زين بلقيس قابله
ام عشق..ما كالت اي ولا لا يعني ساكته
عشق ..اشعجب تسكت غير تنطي رأيه
ام عشق..مدري اشبيه اهواي اتشوف كوابس الكاهه اتصير لا بليل واجي اشوفه اتكول كابوس شفت

عشق ..خاف جيف اتنام وحده
ام عشق ..اي اني هم كلت ومن اجو عليه خاطبه كلت احسن تزوج ورجل اينام يمه احسن وتتونس ويا ولبس ومكياج واتحير بلجهاله
عشق ..مامه وين عايش
ام عشق..عايش بلديوانيه وناس اهل خير والولد تاجر يشتغل يعني يشتري  بضاعه لناس وايدزلهميا ( مثل ايروح لدوله يشتري بضاعه منه وايدزهه للعراق وهذا شغله خير من الله وهوه خيرج كليه تجارة)
عشق ..ماشي مامه اجي مع السلامه اروح لبناتي
ام عشق..الله وياج
عشق..سديت التلفون من مامه وجيت لذني لاعبات طوبه بألوان وحده ترسم بوجه الخ واخذهن  غسلت اديهن
وجوهن وكتلهن روحن اكعدن كافي اريد اقرة طبعا اني هسه ادرس سادس واريد ادخل معهد معلمات وجان الباب تندك ورحت فتحته
سفير ..تعبت نفسي بهاي الفترة هواي اشتاق لعشق ولبناتي والمصبرني اجي اشوفه واشوف بناتي طبعا بلفترة الراحت عمتي هند اتزوجت وعمتي داليا اتزوجت والبيت فرغ بقت امي ومسرة بنت مرحومه ليالي وهسه اني كاعد بلمكتب كلت خل امر اشوف عشق وبناتي واكول بلكي كلبه ايحن ورحت ركبت سيارتي وكبل لبيته ودكيت الباب وطلعت
عشق ..اتفضل ابو نفس
( طبعا تدري هوه ايحب اسمه يطلع من حلكه من سمته بلقب هوه ضاج لن تحجي برسميه ويا)

سفير..والله غثتني من تحجي برسميه وبعدهه طبيت للهول لكيت نفس وعطر ايباوعن كارتون وبس شافني كمزن اجني ايركضن وايكولن اجه بابه اجه بابه
عشق..اباوع من باب الهول اشون طببن ابوهن وكعدنه 
نفس..بابه عدي مفاجئ الك هسه جايه
سفير ..اجتي نفس شايه ورقه  رسم واتكول بابه حلو رسمي رسمتك
سفير ..اتجنن الله انتي فنانه
عطر..بابه واني هم فنانه هسه جايه
سفير..هههههه روحي بابه وراحت جابت ورقه واجت وكالت
عطر..اني ارسم احله منه هسه ارسمك واشوف اروح اصيح ماما وارسمه وياك
عشق..اني واكفه بلباب واشوف بناتي اشون وحده اتغار من الخ وجان تجي عطر وكالت ماما تعاي بسرعه وجرتني من ايدي وكالت
عطر..ماما اكعدي هنا يم بابا خل ارسمج ويا
عشق..مامه عيب روحي ارسمي ابوج
عطر..ما اله انتي ويا
عشق ..فشلتني وكعدت يم سفير مو لزك يعني مسافه شبر وذني امخبلات اله ايرسمنه طبعا ميعرفن وضعنه اني ويا شنو فكعدت امري لله
..وعطر كامت  ترسم وكالت بوس مامه
سفير..يابعد كلب ابوج اتحسين بيه ههههههه  طبعا من كعدت عشق يمي روحي احسه ردتلي واحس عطرهه مله ريتي واكول افيش يا ريحه الجنه
..احجي ابكلبي..وكتله تعاي عشق خل ابوسج
عشق ..اشون اشو انته كيفت
سفير..انتي بالج راح بعيد هيه بوسه للرسمه هههههه
عشق ..ولجن كافي وتعالن اشويه يم ابوجن واني اروح اقرة وعفتهم واطلعت ورحت لغرفتي
..اوف يا سفير اشكد كلبي ايحبك بس كلمات اتذكرك انته وليالي اتخبل وهسه هوه متزوج اشون اقبله على روحي وعيوني ذني خاينات ادري ليش ادمعن متكللي وكلما اتشوفنه

...طبعا عشق متدري ليالي ماتت ..

...عده هذا الاسبوع واجه يوم الخطوبه بلقيس...
.
.
.

ازل مراد