* ام ايه:النفاس تعبني حيل واذاني
* بناتي تبهذلو بدوني محد يحن عليهم ويداريهم
* صح ايه حست بالمسوئليه وشايله خواته بس ابقه اني اعاين عليهن
* صرت اسمه مناوشات من حمويني
* وحمواتي
* دخلت عليه حماتي رباب
* رباب:بالخير ماجاج ولو انتي ممحتاجه بنات عدج كومه بس يله كمل درزنج
* ام ايه:عدلت كعدت واني اتلوه من الم الخياط
* كتله الحمدلله عله كل حال
* رباب:اني جايتج من الباب ماحب الف وادو نريد
* نعقدلج عله اخويه الجبير
* ام ايه:شنو بصدمه مستحيل شتحجين انتي هذه اخويه اخويه تعرفين يعني شنو وزوجته بت عمي
* شلون ترظينه
* ولله هذه العدنه احنه
* قابل تظلين بكومه لحم بنات لا حسيب ولا رقيب
* ام ايه:صيحيلي عمتي وكمت اعيط
* واعيط
* وعمتي :طبت شبيج شصابج
* ام ايه:ترظينه عمه يردون يزوجني
* لاخو ولج ماحله بعيويني بعده رجال
* عمتي:ولج يمه اخذي واسكتي قابل اني فرحانه نار موجره بكلبي بس شسوي قابل يصرف عليج احسن منا ظاله. هيج
* كومت بزر عدج وين تروحين بروحج منو يحملج
* بيت بيه خمس عوائل وبندام عظمه خشن
* ام ايه:كمت ادك والطم واتحسب عليهن
* وعله حماي
* اني مارخلصت من ظيم اله اجاني الاكشر
* بت عمي عادتني وتسمني بالحجي طابه طالعه بس هيه تخاف من زوجهه متحجي اي شي
* اجاني رظا:اخو زوجي الوسطاني
* حمويني ٤
* وزوجي الخامس
* فياض الجبير
* وكمال الاصغر
* ورظا
* وبسام
* وعلي
* رظا :خيه ام ايه لا تتهتمين انتم بركبتي ليوم الدين واني راح اجر بيت المج بيه انتي وبناتج
* ام ايه:الله يرظه عليك خويه ماتقصر نشمي من يوم يومك
* رظا:بس هسه ماريد احد يدري خلي ارتب اموري وانتي الزمي السكوت
* ام ايه :ابد
* ومرت اسابيع
* وعمتي تلح وحماي ماشفته فياض ابد
* وبت عمتي زهريه موتتني بسمه ولا ليكول ذيج الجانت تحبني
* صدك مراره المره مره تظرهه وتاخذ رجلهه
* هيج الانسان يبين معدنه
* ياقوته كبرت شويه نشنت
* وبناتي بده دوامهم مال مدرسه كعدن الصبح
* ببدلتهن جاي يطلعن وماحس اله توثيه نشمرت من السطح عله راسي
* واني جاي افتح باب الشارع
* وحسيت شي حار نزل عله
* وجهي بناتي يعيطن وصوت بده يروح ويجي
* عيوني غاشت
* وكعت بالكاع
* كعدت عله عياط فياض ورظا
* وهو يصيح متدخل راح تصير زوجتي
* تريد تسربت البنات بكيفهه وتديحيهن بشوارع
* شحال لو ما زهريه شافته واجت كعدتني
* ورظا يكله متخلف رايحات للمدرسه
* يتعلمن وياخذن شهاده احسن من البيت
* شلون تمد ايدك عله مرت اخوك
* وعمتي تفاكك بينهم
* ومااحس اله رظا كومني
* وفتح الجيب او الواز بكولتكم
* جان بذاك الوكت وازات وجيبيات نادر من يشتري سياره برازيله
* وكعدني
* وراح حط خاولي عله راسي
* حته الدم يوكف ولم بناتي كلهن ليوره
* وراح جاب مرته وبته العمره سنه توه
* مرته اجتي شايله جنطه بته وشايله ياقوت بكماطه
* وركب
* كله هذه كدام عيون فياض
* ساله وين عله الله
* جاوبه رظا
* رظا:كعده بهذه البيت بعد مالنه اني كافل بنات اخوي ومرته وحدكم لهنا الي يحجي حجايه احط الحربه بكلبه افتهمت وامي كامت تووولول يمه اخذنه مني وراح حنين كلبي يمه رظا عايفني
* فتحت الباب
* واني جنت ماجر بيت بعد كيلوين عليهم
* وجهزته كله ردت اليوم افاتحهم بس سبقني فياض بعملته
* ام ايه اهله تعبانين ومو مال ترىح تعيش عدهم ابوهه سكير وامه فقيره
* وخوته كومه جهال
* بيتهم جاي يوكع عليهم شفت هذه احسن حل اخذه واعزل بيه
* جهزت جهاز بسيط ورتبت غرفه الهه وبناته وكنتور بقه بس تشتري ملابس وحتيجات اله وبنات
* وزوجتي اني نجرت اله غرفه لان اني شغلي نجاه وكملته
* حته كاونتر وبوفيه كله اشتغلته بيدي بدينه بدايه بسيطه
* فوك زوجتي
* وجو البيت لام ايه
* ام ايه:خويه احطك بعيوني مانسه وكفتك وياي طول العمر هاي
* رظا :لا ام ايه انتي ربيتني وسبحتيني وكلتيني ما نسه فظلج ابد عليه
* ام ايه:بسره همزين ويه رظا ولا ويه غيره زوجته حبابه
* اسمه ياسه وبت خيراجتي الذهب تارسه ومحل عده وارده يجيهه
* وبته حلوه ونظيفه
* وهيه مو صاحبه مشاكل جان فياظ وزهريه يخبثون عليهه
* وحته عمتي تحيل برظا عليه
* مره اتذكر حالته عله الحصه شلون ماخذه الحليب مال حصه مبدلته بحليب غير ومشتريه صوبه
* وراح كتله كتله الهسه اتذكر كسر الماعون بوجهه وخشمه تظرر
* وتهسترت هيه
* وراحت زعلانه بس ابوه رجال خير دز عليه وصالحهم وشرط يطلع بيه بيت
* وهو مارفض لان تعب
*
ياسه :ام ايه اشك اني حامل ادعيلي بلكت هلمره ولد اريد اسويهم اثنين وهاهيه
ام ايه:انشالله يستاهل رظا
وماحس اله عيطت بته يقين
واروح الكه زهراء عاظته ومخرمشته ماذيته حيل
وهذيج مايعه مفرفحه بجي
ام ايه:كمت كتلت زهراء
وياسه منعتني كالت بروح كمال عوفيه جهال خطيه
زهراء:ليش ليش هيه ابوه يجيب الهه حلويات ليش عده واني ماعدي
حته البنات بالفرع يظحكن عليه يكليلي البله اب
وهاي توه تحجي يقين وتكله مامه اوه اوه
خطيه مزوركه ايده
اجتي ايه اخذت زهواء ويقين وكالتهم اتباوسن يله
مرت الايام
ام ايه:اني قررت اصير دلاله
واشتغل بلبيت
اروح للشورجه اتسوك
وعندي محل كمال بسوك بس ميكفي ايجاره ولله خلفله عله رظا الي ساعدنه
ومخليني لا ادفع ايجار ولا ادفع فلوس اكل
ومنانه بده طمع ام ايه في خلق بيت خاص بيهه بدت تاخذ فلوس من رظا اتصرفه عله بناته وتلم الفلوس الي تجيهه
الشيطان شاطر
رظا انسان فقيره كلبه طيب عايش عله حب الله
ايه شبت وكبرت وصار عمرهه١٩سنه
والبقيه كلهن كبرن
بس اكو مشكله جانت ياقوته انولدت عده نسبه متلازمه داون نسبه بسيطه بس ماثره عله شكله واسيتعاب عقله
وعايشين عله حب الله كلهم
ياسه عايشه فوك هيه وبته
وام ايه جو هيه وبناته
الي يجمعهم بس خبز التنور فصلن كلشي بيهن حته متصير مشاكل
ياسه طلعت حامل بولد وجابته
سمو محمد
وبدت نيران الغيره
عد ام ايه وبناته
من ابن ياسه
انولد طفل جميل بمعنه الكلمه
حمودي كبر وصار عمره سنه توه يمشي
وامه تخاف عليه لان حرك
وعيون البيت كله مفتحته عليه ولد بنص البنات
احنه نكول ماكو عين ومدري شنو
بس ثقو بالله ثلثين المكابر من العيون
الله سبحانه وتعالى كال من شر حاسد اذا حسد
ونزل سور قرانيه تدا عله الحسد ورقيه منه
ياسه رابطه ابنه بدرج ويلعب ويناغي
راحت حته تخز
بترك الي وره البيت ومطمئنه اخته يقين يمه دير باله عليه تخاف عليه من ياقوت تاذي
ايه وهيه تشوف امهه تتلوع من تشوف حمودي وتتحسر عليه
* وحارت شسوي حته تبرد كلب امه
* بعقل مراهقه
* ونست كل العادات والتقاليد الي تعلمته بحترام الكبير
* اتبعت مرت عمه ياسه
* وهيه جاي تخبز
* مرت عمه اخذت المنظم الي معلك بشباك وجاي تريد تشكله حته تسحب قنيته وتشغل التنور مال خبز
* صاحت بيه ايه
* ايه :هي انتي هذه منظمنه روحي شوفي منظمج وينه
* ياسه:بصدمه هاي عليه اني احترمي اني بمكان امج
* عيب ميصير هيج
* ايه :احترمي نفسج انتي مو شفتي نفسج جبتي ولد شختي عليه وصرتي شيخه
* وماحست ياسه اله ايه جرته من شعره وتسحل بيه بترك
* وعله عياط ياسه اجه رظا مفزوع
* لان الدكان مالت نجاره غرفه من البيت حوروه عشارع ويشتغل بيه
* ويكله مرت مسحلوه من شعره
* ومن بت اخو
* فقدت اعصابه وجر بت اخو وكتله كتله من هاي الزينه علمود متفكر ترجع تعيده
* وطلعت ام ايه تصيح تكتل بتي رظا تكتل بتي
* علمود مرتك
* وياسه :بصدمه لعد متحاجين بتج اني مره بعمر امه تكلي متمدين ايدج هذه منظمنه
* وتسحلني من شعري
* ام ايه:بصدمه
* ايه صح مرت عمج الي تكوله
* ايه:بحقاره اي منظمنه متاخذهه
* وطلعت فرقان من الحمام لافه الخاولي ومتدري بالي صار تدندن وشايله المنظم تعلكه بترك
* فاتت شافتهم كلهم مشتمعين واحته بالكاه كالت شكو
* فرقان:شكو شصاير
* ام ايه:هذه وين جان
* المنظم
* فرقان:مامه جنت اسبح حميت مي عله البريمز
* ماكو سخان مابي مي
* ايه :ببكاء ولله موقصدي
* ولله موقصدي عبالي مالتنه جاي تاخذه
* رظا:تفل عليه وكله بله تربيه
* هسه تبوسين راس مرت عمج
* وخلي اشوفج ترفعين عينج عليه مو ايدج
* ياسه :اجته ايه
* دارت وجه باسته من راسه
* وكالتله اسفه عمه
* وشردت للبيت
* ام ايه:عذروني ولله مادري شبيه هليام حته بدراسته ممهتمه
* وسنه اول جامعه الهه وتنقهر من البنات ولبسهن
* كامت تلزك بالسالفه
* رظا اخذ ياسه وصعد فوك
* للعصر اندكت بابهم حيل
* جانت بوقته الشعبانيه
* كالو الرظا امك توفت بالزياره
* وماخذه وياهه بنات فياض رسل ورونق
* رجعوهم الناس
* كام رظا يدك عله راسه يمه يالحنينه
* يمه ما تحملتي افرك كمال تونين عليه ليل ونهار
* ولج يمه وين رحتي
* وهاي بنات اخوي منو يعيني عله تربيتهن
* وراحو كلهم للبيت الجبير
* ولبسو لون الحزن
* طبو لكت حمواته الثنين يدكن ويلطمن
* واخوته يتعايطون
* فياض وبسام رايحين يجيبون امه
* وره تقريباً ساع
* جابو امه
* وبده العياط يباوع الوجهه ابيض شاحب والدك ماخذ مكان بكل شبر بيه
* زهريه شلحت وكالت اني اغسل عمتي
* وفوتته للحمام غسلته
* واخذوهه للنجف
* جانت وصيته تندفن بصف كمال
* رجعو اخذوه غسلوه.مره ثانيه
* وكفنوهه وحفرو الكبر
* الي جانو يكلون مستحيل هذه يصير كبر بيوم من الايام نحفر وصار اشوسعه
* وندفنت امهم
* ورجعو ليام الفاتحه فياض واخوته لابسين غترهم
* صح همه كبار بس امهم عزوتهم
* هيه سوتهم زلم
* هيه جانت عايشه رجال ومره بان واحد
* جانت بيتهم مايخله من الفلوس
* ولمتهم لم
* الشي الوحيد الي
* غلطت بيه سجلت البيت
* باسم فياض
* ومن هنا راح تبدي المعانا
* لام ايه
* ورظا
بلسان رظا
طبعچ وآنه اعرفچ ملگه للخطار
خطارچ عزيز وماتفشليني
انفضي تراب گبرج كسري السرداب
وبطيبت كلامچ يمه حاچيني
محتاج النصيحه وداعتچ محتار
شوريني ياأمي ارجوچ انصحيني
اعرفچ انتي دومچ ماطبگتي الباب
شنهو الغيرچ يحبيبه فهميني ؟
مو چنت آنه أأمر وحدي بهالكون
ولوخلص حليبچ ، دم ترضعيني
ولو مرني الكدر والآه والاحزان
بعيونچ ييمه انتي التشافيني
اسمعيني ياأمي ارجوچ اسمعيني
اريد اليوم اوفي شويه من ديني
****
الكاتبه يسر
#يسر
يتبع......
