عشق في بلاد حروبها لا تنتهي ( الفتنه و الثأر)

البارت 18

_
_
#عشق_في_بلاد_حروبها_لا_تنتهي
   الحلقة  18
(الياقوت)
في الحلقة السابقة
تاني يوم الصبح طلع محمد من الدوش وهوا يجبد في وشاح غالية لغسله ونشره لين جف ورجع ربط بيه كتفه ولبس التيشرت وفوقه توب رقيق صيفي اسود ، ومشي لداره اللي ستملكتها غاليه وماطلعتش منها بكل طق عليها بس ماردتش زاد من قوة طقاته لين غالية نخلعت وناضت مقعمزه وهيا تشبح للباب:مني
محمد:جحي
.
قراءة ممتعة 💛
#البارت_التامن_عشر
.
نزلت غالية من السرير وهيا تلبس في متع الصلاة وتمتم:وقت خفت دمه الدماغول هدا
ومشت وقفت ورا الباب وقالت:شن تبي
محمد:افتحي
غاليه:لا مش فاتحه
نفخ محمد:كم مقاس كراعك
شبحت غالية لرجلاها:37 علاش
محمد:اطلعي افطري نا طالع
فتحت غالية الباب طول وقالت:وين طالع ومخليني رجلي علي رجلك
مردش محمد عليها ومشي لبس سبيدروه ولبس طاقيته وفوقها البرنوس ونظاراته ، وهوا يسكر في الباب من برا زين ، شك انه مرات تهرب وتعرض روحها للخطر ، قعد واقف قدام الباب وهوا يفتح في تليفونه ، حس بمنيلية الباب تتحرك بتسم وخبط علي الباب بالقوة وقال:اعقلي ياطشه
نخلعت غاليه وولت تجري لدار بخوف .
زاد محمد تأكد من الباب انه مسكر زين ونزل من الدروج وهوا يكلم في سفيان اللي رد عليه طول:الو
محمد:وصلتو
سفيان عرفه انه محمد:اي يافندي واني توا طالع من حوشكم ومولي لطرابلس
محمد وقف قدام العمارة:لالا خليك غادي لين نجي نا
سفيان شبح لسالم لواقف جنبه:تمام يافندي
__
عائشة:كلا نا قلبي مش مريحني اكيد فيه شي
ميسم:ماتقوليش هكي مرات مش فاضي
عائشة:لالا محمد ونعرفه مستحيل لو مافيش حاجه كبيرة يدز غيره يجيبنا هنا تعرفي خوك كيف حريص وااجد ومايبيش حد يعرف سكنته وين
تنهدت ميسم:والله الحق حتي نا مش متريحه ان شاءالله خير
عائشة:ان شاءالله ياارب
سمعو صوت رقيه تنادي من الصالة:عيشة ياااعيشة
جتها عيشة وهيا تقعمز جنبها:نعم ياعمتي
رقيه:اتصلي ب محمد وعطيه ليا كيف مخلي راجل براني جايبكن كنه سالم مايعرفش الطريق
عيشة:والله مانعرف ياعمتي ورقمه خارج الخدمه مايشدش معايا
رقيه:نا قلبي مش مريحني هضا الولد بجيب اخرتي ياربي هديه يااارب ونجيه
عائشة:ان شاءالله يااارب
__
خش محمد مقر الحبس وأول ماشافوه الشباب طول وقفو وهما مستغربين .
خش محمد للمبني وهوا يسأل في الأمن:علي جوا
هز متع الأمن راسه ومحمد قرب بيفتح الباب صيح عليه واحد من الشباب اللي طلع من الغرفه التانيه:هي انت وين تحساب روحك في فندق خاش هكي
تلفتله محمد اللي اول ماشبحه عرفه طول كان الشاب نفسه اللي يومها جي بيرفع احمد للحبس وتلفت وفتح الباب من غير مايعدل عليه لين الشاب لحقه طول .
الشاب:نكلم فيك اني
خش محمد علي عَليِ اللي اول ماشافه وقف طول:محمد
الشاب:اسف يافندي تو نطلعه
وأول ماالشاب شد محمد من يده تلفتله محمد وضربه علي خشمه لين الشاب طاح علي الباب:صبرت عليك واااجد
علي طلع من ورا مكتبه:مايعرفكش يامحمد وخلاص اطلع انت ياباسم
وقف باسم وهوا يمسح في خشمه لنزل منه الدم وشبح لمحمد اللي بياكله ماكله من عصبيته
طلع وسكر علي الباب وهوا يشبح لمحمد:خيرك جاي هني ماتعرفش انه خطر عليك
حول محمد البرنوس:نبي نقابل سجين عندك ضروري
علي:من هوا
محمد:احمد عبد السلام ###
علي:هدا عندا قضية تجارة حبوب وبعد غدوه محكمته
محمد:لا لا اجلهالا لين نا نيسر اموري
علي:لكن خلاص سجلو وقت المحكمه
محمد:لالا تقدر تغيرها عارفك نا قدها
علي:مش عارف بس غدوه بحولوه لحبس الجديده
محمد:تمام عادي
علي:هوا قريبك
محمد قال وهوا مخنس:لا بس نبي اربيه
وقبل مايمشي تلفت لعلي وكمل:قبل اليوم طالعين لمداهمه في الحارة عدي انت نا عارف ماعاش نقدر نتحرك علي راحتي
علي:ولا يهمك
محمد وهوا يفتح في الباب:قول لزياد هوا يعرف المعلومات
علي:تمام
واول ماطلع محمد شاف باسم واقف يمسح في خشمه ، سكر الباب ومشي جيهته وهوا يوقف قدامه لين باسم رفع راسه بستغراب وقبل ماينطق اي حرف ، سبقه محمد وقال بتسهويك وهوا يحط في يديه في جيوبه:حسيتها
ضيق باسم عيونه وماردش
محمد بتسم:المره هدي نزلو قطيرات دم منه بس مره اخري انطيره لكي من مكانه
وطبطب علي كتفه:وكان ماتعرفش من هوا الطقه
ضحك بهزوه وكمل وهوا يتخطي فيه ويمشي:اسأل الصقر عليه
تلفت باسم وقعد يشبح لمحمد لين ختفي من ممر السجون وخش الداخل وقال بهمس:كلب وربي اردهالك
__
صفاء:باه يابابا افتح محضر بالك يلقوها
مفتاح:كان واخدها يابنتي الصقر حق ولو كان نفتحو مية محضر مش ح نستفيدو
هيام:ياناري علي بنتي وين ولد عمها ولا ولد عمتها
مفتاح:ولد خالتها ختفي حتي هوا قد مادورنا عليه اني وايمن في المستشفي وحتي رقمه اللي عطاه لأيمن طلع خارج الخدمه
صفاء شهقت وهيا تدكر وين شافت محمد:حي عرفته هدا الولد مش ولد خالتها هدا ولد لمرأة لحكيتلك عليها ياماما المقعده لجت تعزي
مفتاح شبح لصفاء:وكيف عرفتيه ولدها انتي
صفاء:هداكا اليوم طلعت وصلتها لباب الجنان شبحته كيف نزل وركبها لسيارة
هيام خبطت علي خدودها:يانهار لحرف خيرك ماقلتيش لما شوفناه في الجنان
صفاء:والله نسيته من الرعشه هدا وين ادكرته
مفتاح:ضحك علينا ولد الكلب مايكون الا هوا لخاطفها ولد لحرام
هيام:حسبي الله ونعم الوكيل فيه حسبي الله ونعم الوكيل فيه
__
خش محمد للحوش وهوا يحط في شكاره علي الطاوله وعقابهم مشي بيهم جيهت دار غالية اللي اول ماطقها ردت:خيرك شن تبي مني مسكر عليا الباب تقول حابسني وتقولي خطر خطر تحسابني مصدقاتك ومانعرفش انك خاطفني ياكلب
شد محمد علي سنونه وقال:ورب العزة كان ماتمسكي السانك لنكون عطيك امها الطريحه
جت غالية ووقفت ورا الباب وهيا متشجعه انه مستحيل يديرلها حاجه وهيا مسكره الباب وقالت وهيا تخبط علي الباب:حسبي الله ونعم الوكيل فيك ربي ينتقم منك ويحرقلك قلبك يامجرم ياظالم روح بيا لحوشنااااا
قبض محمد يده وخبط علي الباب تلاته مرات بقوة قوته لين غالية وخرت وهيا ترعش مع بعضها وسمعاته:تي اما حوش يامريضه للنحرق امانا
غالية زمطت ريقها وهيا تقرب تفتح في الباب:شني انحرق؟؟؟
ستاقط محمد بروحه ولوح الشاكاير وقال:البسي الدبش هضا واطلعي بنعدو لبنغازي
ومشي وخلاها تلحق فيه وتعيط:بنغاااااازي ؟! ؟! ؟! ، مستحيل نتزحزح من هني روح بيا لحوشنا قتلك
محمد تلفتلها:نا من حقيتك متحلفلك في طريحه ترقدك في الطبي بس قعد ماسك روحي بالغصب عدي ديري لقت لكي عنه خيرلك
غالية:واني قتلك مانبيش نمشي معاااك روح بيا توا توا توا
خدي محمد نفس كبير وضرب الكرسي برجله لين تنطر ، لين غالية وخرت وهيا تقيم في يدها فوق وتشبحله بخوف
محمد:تعدي من قدامي ولا نقتلك
ضيقت غالية عيونها وقالت:مجرم
شد محمد علي قبضة يده وقرب منها خطوتين وخرت غالية وتلفتت وهيا تقيم في متع الصلاة وتجري بشويه علي خاطر جروح رجليها لين خلت محمد يضحك عليها وهوا يمسح علي لحيته لطاوله .
مشت غالية لدار وهيا اطبس تاخد في الشكاير وخشت سكرت الباب ، قعمزت علي السرير وهيا تفتح في الشكاير لكان فيهم عباية وسبيدرو ووشاح
رفعت حاجبها وتلفتت للبلكونه وقالت:نلبسهم ونهرب من البلكونه
ووقفت وهيا تمشي للبلكونه اللي اول مره تخشلها واول ماشدت في حديد الحماية وشافت لوطه شهقت وهيا تبعد وتشبح فوق تشوف كم طابق مزال بس لقت انه اخر طابق:حيوان ياربي اووووف
رجعت خشت وهيا تسمع دقات الباب وصوته:هيااااا
حولت غالية ملاية الصلاة وحدفتها علي السرير بغيظ ولبست العباية اللي جتها واسعه ههههه ولبست الوشاح وطلعت السبيدرو في يدها وهيا تشبح فيه يلود في المظبخ وياكل في تفاحه وأول مشافها جاية ضحك
رفعت غالية حاجبها من غير ماتشبحله:مش ماشية معاك لبنغازي ره وصلني لحوشنا كان مزال عندك شوية كرامه
حط محمد التفاحه وهوا يطلع من المظبخ ويخد في السلاح اللي علي الطاولة وسحبه ، نخلعت غالية ووخرت وهيا تحسابه بيقتلها بيه:خ...خي.رك
زادت بتسامة محمد لحط السلاح في خصره وهوا يحاول يحرك يده المصابه ويلبس شنطت الظهر متعه وقالها:البسي كويشك
غالية:شن هوا
محمد:السبيدرو البسيه
رفعت غاليه راسها:اه
وبعدين رجعت ضيقت عيونها:قتلك مش ماشيه وقسم بالله ماني متحركه من هني ياتروح بيا يا برا اقلب وجهك
قرب منها محمد بسرعه وشحها من يدها وهوا يقعمز فيها علي الكرسي بالقوه لين عيطت عليه:حول ماعاش تمسني يامقرف
رخي محمد يدها وهوا يبعد عليها ويمشي لطاوله ويشبح لتليفون ليشرين وتلفت لغالية:البسي
شبحتله غالية بعناد:لا
قلها محمد وهوا ياخد في التليفون اللي خلاص المكالمه بتتسكر:ينعنفيتك
فتحت غالية عيونها ووقفت وهيا تشبح فيه يرد علي التليفون:ها
قربت وكيف بتعيط عليه شد محمد التليفون بيده المصابه بشويه ولفها بيده التانيه بسرعه و لصقها فيه وسكرلها فمها بكف يده .
سفيان:يافندي اطلع بسرع عرفو مكانك
محمد ضيق عيونه:كيف
سفيان:الافندي علي جسوس الصقر قلهم علي مكانك الكلب توا زياد اتصل بيا قالي نقولك اطلع توا من الشقه لانه اكيد وصلو فيك
محمد ستك وهوا يسكر علي سفيان ويدف في غاليه اللي تضرب بداها ورجلاها باش يفكها بعيد عليه وهوا يمشي للبلكونه يشبح بس ماشاف شي من بين زحمة الناس رد خش وهوا ياخد في مفاتيح السيارة من علي الطاوله ويفتح في قجر المدخل وخدي سلاح تاني .
غالية:ماتحلمش نطلع من هني
تلفتلها محمد وشحها من يدها بالقوة:البسي قتلك
وقفها علي الحيط ومشي جاب السبيدرو ونزل عند رجلاها وكشخ:البسي
مبتش غالية ترفع رجلاها بس محمد شد رجلها بسيف وجبدها لين فقدت توازنها وسندت يداها علي ظهرة
ولبسهولها وهيا تنق وتبي تفك رجلها منه
بس صيح عليها لين تبتت في مكانها من الخوف ، وقف محمد وشد السلاح بيد ويده المصابه شد بيها يدها وهوا يشح فيها
غالية:حول مانبيش نمشي مش بسيف حول
فتح محمد الباب وطلع وشحها ، طلعت وسكر الباب وهوا يقرب من الأسانسير وشبح انه راكب لعنده تلفت ومشي بسرعه جيهت الدروج وهوا قعد يشح في غالية ونزلو لدور السادس وشدها وهوا يلف فيها عكسه ولف يد علي خصرها ويده التانيه سكرلها بيها فمها وخلاها تشبح فوق ، واول ماشبحت غالية رجال طالعين من الاسانسير وفي يدهيهم سلاح ويطقو علي الباب بالقوة شهقت
لفها محمد ليه وكان وجهه قريب هلبااا من وجها وقال بتوشويش:لو طحنا في يديهم تأكدي من موتي ومن انك في وحد من حيشان الدعاره
رعشت غالية ودموعها نزلو وردت عليه بنفس الصوت الواطي:خ..خلينا نمشو خلاص مش ح نتكلم وعد
بعد محمد من عليها وشد يدها اللي مسكت فيها زين ونزلو من الدروج وهما يحاولو يسرعو واول ماوصلو لدور التاني شبح محمد لوطه لقي رجالة الصقر علي الباب تلفت لغالية اللي قربت منه وشدت فيه بخوف وهيا تتكلم:شوف فوق هدو لاحقينا
شبح محمد فوق وشبحهم نازلين يجرو بس ماشافوهمش
تلفت يمين شبح دار الضي اللي فيها التاكوات مردوده جبد غالية وخش وهوا يسكر في الباب لخلا غالية تتكه عليه وهوا وقف قدامها ويسمع في انين بكاها .
تنهد محمد وشبحلها وقال:بأذن الله نطلعك من هنا لو كان نسلم روحي
شدت غالية في تيشرته:لا ماتسلمش روحك اني نخاف بروحي مانعرفش شي باللهي عليك ماتسيبنيش خليك معاي خلينا نهربو مع بعضنا
رفع محمد يده ومسح دموعها وقال:باهي بطلي بكي بيش مايفطنوش بينا
كمدت غالية بكاها وهيا تزيد تشد في تيشرت محمد اللي يده توجع فيه ومتحمل بسيف .
بعد غالية عليه وهوا يرجع فيها التالي بس كبشت في دراعه وهيا خايفه لين محمد تلفتلها وهوا ينحي في يدها من دراعه وقرب بيده ودخل صوابعه بين صوابعها وتلفت وهوا يفتح في الباب بشويه وقعد يسمع فيهم .
الشاب:الصقر ح يجيب اخرتنا كان ماشديناشي
رد عليه التاني:جمع الشباب بسرعه اكيد في المطار توا حتي سيارته مهناش
قعد محمد يسمع فيهم لين طلعو بكل فتح الباب بشويه وهوا يبي يطلق يد غالية بس هيا زادت تغظت عليها:وين ماشي
تلفتلها محمد:نبي نحقهم عدو ولا لا خليكي
غالية:لا نطلع معاك
نفخ محمد وطلع قبلها وهيا وراه ، واول ماتأكد انه مشو طلعو يجرو لسيارة .
ولع محمد السيارة وتصل بزياد اللي رد طول:الو من معاي
فتح محمد المايك وحط التليفون فوق وهوا يحول في شنطه بشويه بسبب جرحه ويطلع منها في السلاح اللي حطه فيها والرصاص وهوا يتكلم وغالية تشبح وتسمع وهيا ساكته .
محمد:عدي للمقر لاخر وطلع احمد بأي شكل من الأشكل
زياد عرفه من صوته وختصاره في الدوه:هوا يافندي ، الصراحه ماعاش نقدرو نمشو للمقر هداكا
وقف محمد علي تعبي الرصاص في السلاح وشبح لتليفون:عليش؟
زياد:الافندي علي ساعد الصقر يخش ويهجم علي المقر وخداه
ضرب محمد الستيرسو بيده:خاين
زياد:وهوا لقاللهم علي مكانك ماقدرتش نتصل بيك اتصلت ب سفيان والحمدالله لحق عليك ، بس نموت ونعرف كيف عرف مكانك وحني كلنا مانعرفوشي
محمد:مش مهم دبر جاسوس ولا اعطي فلوس ولا بلي اسود نبي احمد يطلع من غادي مانبيش يمسوه
زياد:حاضر يافندي
سكر محمد التليفون وهوا يسحب في السلاح وحط واحد في خصره والتاني جنب الفودره
غالية:احمد خوي لتدوي عليه
شبحلها محمد كيف شكلها خايفه ودموعها قعدات ينزلو وقال:اها
غالية:بيقتلوه
محمد:لا بس مرات يخلوه معاهم
وتحرك وهوا يسكر في تليفونه
__
فتحت نادين الباب لطق واول مافتحاته شبحت نهي و ناجيه لخشت سلمت عليها .
نفخت نادين وخشت معاهم لدار وهيا تتصل ب امها وخواتها باش يجو .
وقفت نادين:غر نوتي سفرة الشاهي مابين جو امي وخواتي
وقفت نهي:ستني نجي معاك
شبحتلها نادين بربع عين ومشت وهيا تحس بخطواتها وراها
مشو للكوجينه ونهي قعدت شاده تليفونها ومره مره تضحك لين نادين ماعاش تحملت وتلفتتلها:وبعدين نفختيهم ره
نهي شبحتلها بخلعه:خيرك
نادين:شن قلت الادب هدي واقفه عليا وشاده الخربه تضحكي
نهي رفعت حاجبها:عادي نكلم في حد مستااااحشاته هلباااا وتوا كيف رجعلي
حست نادين دماغها بدي يصفر وقربت منها وهيا ترفع في صبعها علي وجها:بعدي علينا فارس راجلي راني ام ولده وحامله في داخلي ولده التاني
ضحكت نهي:لو كان تجيبيله عشر صغار مش ح تربطيه فيك لانه فارس يحبني ويبيني
نادين:انتي انتي كدابه كيف تدوي هكي
نهي:وعلاش ماندويش هكي حبيبتي لو ناسيه انتي لخشيتي علينا الطرف التالت فارس من الاول يبيني
نادين:بس توا يبيني اني واني مرته
نهي:ههههه لو يبيك ره ماكلمنيش
فقدت نادين اعصابها وضربتها كف من الحد لا الحد علي خشت فارس لشبحها كيف تضرب في نهي لي لما شافاته طاحت لوطه وقعدت تبكي
خش فارس طول وناجيه جت للمظبخ تشبح في بنتها طايحه .
قعدت نادين واقفه ودمها نااار تغلي ، وناجيه نزلت لبنتها وهيا تشهق:تي خيرك شن فيه طايحه لوطه
رجعت نهي شعرها التالي وقالت وهيا تبكي:اني متربيه واشرف من الشرف
ضيقت نادين عيونها وهيا مش فاهمه علي نهي شن تدوي وهيا تكمل:نوضي ياماما خلينا اروحو اني مستحيل نقعد في حوش ينقال عليا فيه رخيصه ونبيع في روحي
شهقت ناجيه وشبحت لفارس:لا والله الا بنتي ياولد اختي
وشبحت لنادين وكملت:من الاول تعامل فينا اخي وتلوح في الدوه بس اهو نسكتو علي خاطر عيونك بس توصل فيها تغلط في بنتي لا حوشك ننساه ولا نخطي فيه مره تانيه
فارس:سامحيني ياخالتي حقك علي راسي امسحاها في وجهي
تلفت فارس لنادين المصدومه من لكلام لنحط علي السانها من غير ماتقوله وكشخ بصوت عالي لين نخلعت منه:تأسفي
نادين شبحتله وهزت راسه:علي شن بنتأسف اني ماقلتش هكي
نهي قالت من بين شهقاتها:ماما خلينا نروحو
فارس شد نادين من مرفقها وقربها من نهي:تأسفي قتلك
حاولت نادين تفك يده ودموعها نزلو وقالت بعياط:اني ماقلت شي لا قلتلها لا رخيصه لا من لكلام لقالاته ولو هيا قالاته في روحها عادي فهيا رخيصه اي واهو اني نقولهالها
ومن غير مايحس فارس علي روحه ضربها كف وهوا يدف فيها علي الطاوله لجت علي بطنها بالقوة .
نهي عيطت وهيا تقرب من نادين:لا يافارس مش باهي للعيل علاش درت هكي
حس فارس قداش مانادين تافها ومتع مشاكل لما شاف نهي كيف قربت منها...
.

#يتبع_للبارت_لبعده
____________________________________
بداء كتاب الرواية في 2019 / أبـــ4ٰـــريل / 7
تم وضع قَفلة لـ الرواية في 2019 / سبتــ9ٰـــمبر / 25