محشش كاعد عالشط شاف واحد يغرگ. كلما يرفع ايده يكوله المحشش وعليك السلام ..!!
.
إمريّة ورجال ماعدهم شعر.. اتزوجو.. اجاهم ولد عنده شعرايتين.. سموه ابو كفشة..!
.
اكو عجوز عراقية اشتكت يم الشرطي گلتله الدجاجات مالتي طلعو من الحوش 6 ورجعو بس 5, رد عليها الشرطي: خالة مو مشكلة احنا نطلع دورية 17 و نرجع بس 9..!
.
دكتور يگول لواحد محشش: تخفيف الوزن يحتاج عزيمة! المحشش: صار تتدلل دكتور باچر عشاك عندي..!
.
محشش كعد بفاتحة، التفت يمنة يسرة ... كال شو المرحوم ماكو!!
.
في إحدى الشركات اتصل موظف على تليفون مديره بالغلط و گاله: جيبلي جاي يا ارعن واذا اتأخرت عليه انعل أبو اللي عينك بالشركة, رد عليه المدير: أنت تعرف ويامن دتحجي؟ گال الموظف: لأ ,گاله: أنا مدير الشركة يا حيوان ... رد عليه الموظف: وأنت تعرف منو اني ؟ گاله المدير: لأ ,رد عليه الحمد لله ...... وسد التلفون بوجه.!!
.
وحدة سمعت صوت بالليل گعدت رجلها گلتله: گوم شوف يمكن حرامي.. گلها ما تگومين انتي يجوز حرامية!!
.
فد يوم سعودي راح زيَن يم سوري طلع اكرع ليش...؟ كلما يگله السوري شو رأيك؟ ..يجاوب السعودي ...ما كصرت!!
.
واحد محشش انكسرت رجله ،الدكتور گاله : لا تقرب من باب البيت ولا تتحرك لمدة أسبوعين, بعد أسبوعين رجع للدكتور ، الدكتور گله : ها طمني شلون صرت هسه؟ المحشش گله: دكتور طلعت روحي صارلي اسبوعين اطلع من الشباك..!!
.
وحدة سألت جارتها: شنو تستعملين لغسل المواعين؟ گالتلها والله جربت هواية بس احسن من زوجي ما شفت..!!
.
بخيل فتح محل اسواق, ابنه حط عينه على الشامبو وكله اريد واحد ؟؟ الاب زينه صفر حته ميحتاجه بعد ! الولد راح على امه يشكيلها وكللها ابويه زيني صفر لان ردت شامبو.. الام كلتله: وليدي احمد ربك محطيت عينك على معذون الاثنان..!!
.
فد يوم سألو بخيل شنو الفرق بين الشدة والفرج؟ گال الشدة من يجيك خطار والفرج من يكلك متغدي..!!
.
اب يسأل ابنه! لو خيروك بين المال والعقل شنو تختار؟ الابن : گال المال, الاب ابتسم وگال: أنا اختار العقل, الولد ابتسم ايضآ و گال: والله كل واحد يختار اللي ناقصه..!!
.
عراقي سأل لبناني گاله شنو جان اهلك يدلعوك لمن جنت صغير؟ گاله: سوسو, گاله وانت؟ گاله ابو خشم ...!!
.
اكو واحد اثول گاعد على سكه القطار:اجه القطار دك هورن طوووطط يمعود ططوووط! ولاچنه يسمع...فداسه القطار ومات .. راحوا اهله يدفنوه, اجه الدفان ايصيح عليه ويگله: اذا جاءك الملكان فقل لهم الله ربي ومحمد نبيي وبدا يردد هالجملة مرتين وثلاثه فأهل الميت گلّوله للدفان عمي ادفنه ادفنه هو هورن القطار ماسمعه اتريده ايسمعك..!!
.
أكو طالبة خلصت ادارة واقتصاد ورادت تعيين ملكت, فد يوم قرت بالجريدة أگو تعيين بـ حديقة الحيوانات, فراحت الـبنيه گلولها يابه انريدچ أتصيرين مرت الأسد! يعني تلبسين لبس مرت الأسد وبليل ترجعين وراح انخلي بينج وبين الأسد حاجز زجاجي حتى يحميچ,كَالت موافقة! بعد فترة انكسر الحاجز الموجود بينها وبين الأسد وگامت تركض ويركض وراها الأسد! .. بالأخير وكفها وسلم عليها كلها :احمد خريج علوم حاسبات .. اتشرفت بيچ ...!!!
.
مظلي جاي من الخارج و جاي يدرب شباب على كيفية السقوط بالمظلة فكاللهم شباب اذا تريدون تصيرون مضبوطين سمعوا كلامي شكللكم تسون. وافقوا الشباب فقفزوا من الطيارة على ارتفاع 2000 متر كالوله نفتح المظلات؟ كاللهم لا بعد وكت . وصلوا الى 1000 متر هانفتح المظلات گاللهم لا بعد وكت, شبيكم مستعجلين! وصلوا عشر مترات گالوله هسه نفتح المظلات؟ كاللهم متسوه بعد وصلنا ...!!
===========
أنت تقرأ
نكت عراقية مع ألغاز و قصص°•
Humorنكت للتسلية كتابياً و احتمال اضافة بعض الصور💕☄ كما هناك بعض الاسئلة الحزازير ☻🖤 طبعا ادخل على الاجزاء عشان تشوف مين القصص مين الاسئلة مين النكت و كمان اضافة بعض القصص باللغة العامية اي بدون لهجة معينة🖤💥
