كسران الهوى

البارت السابع عشر

الليل موت ايام عاشك

وانه عاشك وانته ليل

طول وخل عمري يكصر

عمري من يكصر عشك يصبح طويل

منين هاي الصدفه جتني غير جانت احله صدفه

جنه مثل احجايت امي اشما قست وياي ترفه

جان عمري هواي بارد

حلم عنده يسمع حجايه دافيه

شفتك ونساني وجهك

شكو نيه  بدنيتي مو صافيه

ليله بيه جروف كلبي

لابسه حساس الشواطي

فوكه اتصبح نوارس غافيه

جنت اسمع عن هوى السبعين

واحلم كون اشوفه

كون الكالي ولف ينزار

من اشتاك اطوفه
.
.
.
بلقيس..راح رااح احجيلك .....
.
.....قبل سنه وخمس اشهر .....

ام عشق...بلقيس بلقيس تعاي
بلقيس...ها مامه
ام عشق..تعاي ابنيتي ودي الاكل لبوج قبل الضهر
بلقيس..يله مامه جيبي الاكل
ورحت وديت الاكل لبابه مثل كل يوم
بس اتفاجأت بابه امشغل عامل ويا وسلمت وانطيت الاكل بس بابه كال ثأئر وصله واني كتله لا بابه اني ارجع بس شفت الولد كام وكال عمي اني اوصله
وصلني ومثل كل يوم اروح اودي الاكل وثائر ايرجعني بس الفرق احس نضرة اعجاب ايباوعلي واني كلته شوف ثأئر اذا اتضل اتباوعلي اكل لبابه عليك فأحترم نفسك وهوه كال
ثآئر ..شوفي يابنت الناس اني ما اقبل اخون الامانه وانتي امانه بركبتي والله شاهد اخاف عليج ومن اتشوفيني اباوعلج فأني انعجبت بي من اول ماشفتج
بلقيس..شوف اني ما اخون
ثقه بابه صح انطاني حريه اطلع واطب بس ما ادور حب وإعجاب واحنه وكتنه غلط ومابي خير وهم مو مال حب افتهم واذا تسمح بعد لتوصلني
ثأئر ..كلامج على عيني وراسي وعجبني بس الايام تثبت كلامي الج
بلقيس.. وضل ايوصلني يوميه ونضراته ألي بس اني ما اكدر أبادله النضرات ولا أحب ادري الحب نهايته الفراق مثل عشق هم حبت وطلكت فكلت ما احب احسن بس ثأئر مصر على رايه وايكلي احبج ادري حبه نضيف بس اني قافله وهوه يوميه نضراته اتزيد وحته مرة رادت السيارة تضربني بس هوه جرني عليه وكال اسم الله عليج شجاج اليوم وصفنت عليه وكتله صدك انته اتحبني وكال
ثأئر...والله اموت عليج واموت على التراب التمشين عليه بس اتقبلبي حبي الج وتدرين الصدك انتي يا بنت الناس صرتي بنفسي احبك والله واتقبليني حته اجي اخطبج
بلقيس..فاجئتني جرئته بس اني ما ادور حب شوف ثأئر انته خوش رجال بس اني واشرت على كلبي هذا قافلته ولا تتوقع مني اكثر ومرت ايام واشهر وثأئر متمسك برايه وما اجذب عليكم اني كمت ارتاحله ونروح ونرجع وايسمعني غزل وصار على معرفتي با ثأئر خمسه اشهر ضبط وبيوم من اني ايريد ايرجعني جان ايكلي اني احبج واموت عليج وديري بالج على روح
كتله هسه انته قابل وين رايح هوه انته راجع يم بابه كلي ما ادري بس اكو شعور بلكبي ما اعرف اوصفه وهذا الشعور تطلع منه ذني الكلمات والله مو بيدي وانتي بنفسي وديري يالج على روحج وجان ايروح ما اكلكم ولا اتكلولي ما وصلني للبيت مثل كل مرة يعني اني راجعه وهوه راح بعد هواي المسافه وصار انفجار من قوته انركعت بلحايط حسيت اكو شي انركع بيه ضليت ارجف وما باوعت من الهبطه وصوت قوي وبعدين فتحت ياااااللله هاي شنو راس ثأئر امدمه ويمي هنا اني اذا تذبحوني متلكون كطرة دم بيه وكعت وبعدين حسيت على روحي بلمستشفى وصوت ضجه مو طبيعيه واباوع ضابط كال صحت وبعدين بابه اجه يركض ايدور عليه لن كالوله على ثأئر ميت وبابه متخبل امأيس مني عباله اني هم ميته واجه بآخر نفس طب للغرفه اني بيه وسالني كلي اشونج واني من الصدمه ما اكدر احجي احس روحي ميته ومنضر راس ثأئر ميروح من بالي ومن ايكلي انتي ابنفسي واريدج واحبج انقهرت عليه كمت ابجي واكله ليششش ليش حبيتني ليش دخلت حياتي  وبابه شبكني ويبجي على ثأئر الراح بندون ذنب ذنبه لن اريد ايعيش سويه البشر ويجي انفجار ايروح وتروح حياته وامنياته وتعبه وكلبه متمسك بلحيات بس مات موته غصب راح شهيد وبعدين طلعني بابه من المستشفى وداني للبيت وامي اتخبلت ابوقته عباله اني هم متت وضليت فترة ما اطلع وما اروح لبابه بس بابه خطيه ايضل جوعان لو يشتري من السوك ومرة من المرات متسمم بأكل ونام بلفراش ومن صار زين كلته بابه اني اجيب اكلك ولتخاف عليه محد ايموت ناقص عمر وبعد توسل ياله قبل بس حياتي من يوم الحادث وصرت اشوف كوابيس كمت اخاف من انام يعني عشق بيته واني وحدي وزحمه انام يم مامه وبابه فبقيت انام وحدي اعلك الايت للصبح اخاف من الكوابس التجيني
.
.،....نرجع للحاضر....
.
بلقيس...وهذا الصار
فهد..هنا اتخلبت على حالته يعني مثل حالتي بس اني احسن هيه شايفه راسه وكله دم ومهبوطه من شوفته بس كتله شنو كوابيس التشوفين لن اريد افتهم
بلقيس...واديه ايرجفن بسس اني حته اخاف اسولفهن
فهد..سولفي ولا اتخافين وصيري سباعيه واني امانج واني احميج واشوفه ترجف خبلتني وهيه بعدهه مريضه بس اريد افتهم شنو بيه علمود اعالجه هاي مهبوطه وهبطه قويه واني لازم اتفهم
بلقيس..ر رررا حح اكللك من انام اشوفه بلحلم وايكلي احبج وانتي بنفسي ومن يمشي مسافه وايصير انفجار واشوف راسه ايحاجيني لو ايدة تلزم شعري واني اكله لا لال لا واصيح بس هوه ايكول اني اريد وكل مرة كابوس شكل لو مرة اشوف مرة لابسه احمر وتركض وراي وشايله راس ثأئر  لو الابسه اسود وتركض وراي واني اركض واركض وخاف ويوميه ثأئر ميروح من بالي وخوف بيه مو طبيعي وكمت ابجي اهئ اهئ أهئ
فهد . كسرت كلبي بس تبجي وكتله كافي بعد لتخافين اني اعالج وجبتلج مفاجأة تعاي عليه
بلقيس..هااااا هنا مرتاحه بمكاني
فهد..لتعبيني ادني عليه لتخافين وادنت عليه لزمت وجهه بثنين اديه ومسحت ادموعهه بصابيعي وكلته غمضي عيونج
بلقيس ..كلي غمضي عيونج وحسيت ويا بأمان وغمضت
فهد ..اخذت بوسه من حلكه ازغيرة وكلته فتحي عيونج وجريت علاكه من يمي  وانطتهيا
طبعا جابته ام علي وانطتنياهه من جنت اسوي كمادات لهمس
بلقيس..من باسني حسيت كلبي كام ايدك اله وعقلي اعلن استسلامه وقلبي فاز بحب فهد وبهاي الحضات معدوده حسيت هذا الشعور وبعدين فتحت عيوني على كيفي وانطاني علاكه فتحته يالله كاكو ودفتر رسم طلعتهن وخلتهن بصفي وانوب اكو باكيت امغلف رأسن اخذته وفتحته طلع تلفون وكفت على حيلي على جربايه
فهد..من اطيته علاكه وفتحته واشوفه اشون فرحانه وطلعت كاكو ودفتر وبعد اكو غراض الوان وانواع من الكاكو اني ما ادري يانوع تاكل بس هيه طلعت الباكيت مال المبايل جذبه جيف غلفته وفتحته واشوفه اشون امكيافه وكفت على الجربايه من الفرحه مالته بس هيه متدري تجذبني بحركاته الطفوليه اكثر واتهيج مشاعري اعترف يا نااااس حبيته بس امتانيه هيه اتحس وتنسه المرت بي
بلقيس..عقلي طار يعني كل الشغلات الاحبهن جابهن فهد من فرحتي وما ادري شسوي وكفت على الجربايه وشايله التلفون واكله شششكررا فهد شششكرا وبله وعي مني شبكته وبسته
وبعدين حسسيت ياللله اشون بيه وخرت على السريع وكتله والله من فرحتي.وهوه كال عادي لتبررين
فهد ..اني صافن عليه واتكول ششكرا  فهد يبوو احس كلبي ويه كل كلمه منه ايموع وانوب شبكتني هههه😈كمت ازخ عرك وخلتني صافن من الحرورة البيه لو ايحطوني بجبل مال ثلج هم ما ابرد ومن وخرت صحت على روحي وكالت ماادري كتله عادي لتبررين واني بلكلبي اكول لو اشويه امطوله شنو هلسرعه البيج وخرتي 👈👿😈ويه هذا الاصلع ابو حواجب البنفسجي كاعد ابراسي اصلان بنه بيت ابراسي
بلقيس..وخرت من فهد على السريع وبعدين باوعت كاكو انواع عاااااا
فهد ..اشبيج اتصيحين
بلقيس..هنا الحب كله الكاكو وفتحت كاكو واكل هم جوعانه مامتعشايه واكل وفهد ايباوعلي كتله اتريد
فهد..والله شهيتيني واني ما ادرور هيج شغلات
بلقيس..من يا نوع تاكل
فهد..من هاي البيدج
بلقيس..هاا بس هاي اني ماكله منه هاك غيرهه
فهد..اله البيدج
بلقيس..هااك اكله
فهد..متدري اني مو بحال الكاكو كله بس اريد من هاي الاكلت منه وانطتنياهه والله حسيته طيبه جيف من حلكه وبعدين كملت اكل وفتحتله التلفون وجايبله سيم كارت وحطتلهيا واخذته امكيفه بي وكتله يله تعاي بحضني
بلقيس..هاا ي ييي عني هنا احس سن بمكااا ني مررتاحه
فهد..ليش كمتي توتوتين اشبيج اني ما اذيج تعاي وجريته وحطيت راسه على صدري حته اتأمن بيه واحسه هيه رأسن خنست وسكتت وبعدين كتله باجر اذا انتي زينه نطلع للنجف ازورج  واشوف وين اوديج بعد 
بلقيس ..كعدت على حيلي وكتله صدك ازور والله مشتيه الزيارة برورح
فهد ..خل استغل الفرصهه ههه احجي بكلبي..وكتله مو بلاش
بلقيس..يعني شنو اتريد افلوس
فهد..اباوع عليه اشون وخرت شعرهه من وجه وحجت بطفوليه حته حجي مالتي ما افتهمته عباله اريد افلوس كتله لا غير شي
بلقيس..فهد والله مدا افتهمك كول انته احسن
فهد..هنا الشي الاريده واشر على حلكه
بلقيس..عااااااا شنو بس ب
بس بس اني اخجل

فهد..مناقشه وياهه فاشله تعاي اني اخذهه جريته واخذت احله بوسه ممزوجه ويه الكاكو وبعدين اباوعله غدت حمرة من الخجل وخنست وجريته بحضني ونيمته وهيه من خجله بعد ما طلعت صوت
بلقيس ..من الخجل كلت بعد ما اباوع بوجه يممه وحط راسي بصدرة وعطرة انمزج ويه انفاسي وسويت روحي نايمه
فهد..احسه كاعده ونفسه يضرب بصدري ورموشه يتحركن احس بيهن بصدري ههههه طاخات عباله ما ادري كاعده بس متتحرك هههه الى ان راسه ثكل وغفت اباوع عليه وكتله والله ماعرفت الحب ابيوم وانتي بطفولتج علمتيني عليه وجنت رافض الحب مع العلم اني جنت متزوج زواج عادي وكلت الحب في تكوين عائله وتربيه الاطفال وجانت حياتي باردة ويه لميس فأنتي حركتي مشاعري وهيجتي ناري وافكر اشون اخلصج من حالتج باجر وبعدين غفيت ...
بلقيس..كعدت الصبح احس ثكل على خاصرتي اباوع لفهد حاط ايدي على خاصرتي كلت هسه اشون اكوم وبعدين اباوع بوجه فهد ايجنن وهوه نايم شعرة متخربط وصاير على وجه ولحيه زايده حلاته وحواجبه وعلي ايخبل من نايم اول مرة اركز بوجه حيل وبعدين شلت اصبعي ومشيته على لحيته وما اباوع لن فتح عيونه ياااا حته اصبعي جمد بمكانه من مفاجئه كاعد وكالي
فهد..جنت كاعد قبله واباوعله اشون نايمه وفاتحه حلكه حطيت ايدي على خاصرته وسويت روحي نايم بس  شفته كامت اتحس بعد ما اتحركت امغمض عيونه بس شنو احس اصبعه اتمشي على لحيتي ورأسن فتحت عيوني وكتله اشو اتعيلين كوه
بلقيس...هااا الا لا لا وطفرت لا والله مو قصدي اكعد خل اكوم اروح اسوي ريوك وركض كمت بله ما اسمع شنو كلي وطلعت لكيت ام علي وكتله صباح الخير
ام علي ..صباح النور ابنيتي اشون صرتي والله البارحه اتخبلت من شفتج اتغركين واني مرة جبيرة وما اعرف اسبح بلمي ضليت اباوعلج واصيحج وبعدين اجه فهد
بلقيس..والله خاله كله مني ما ادري اشون زلكت وكعت وهسه وين الجهال
ام علي ..نايمين رايحه اصيحهم والريوك كملته
بلقيس..خطيه ام علي امكمله الريوك وكلت خل اغسل وافرج سنوني واجي للريوك واصيح فهد بدربي ومشيت للمغسله وجان انطخ اخخ
فهد ..طلعت وراهه رحت للمغسله غسلت وكملت لازم الخاولي بيدي واشوف همس امدنجه واتسولف ويه مامنتبه وانرعت بيه وكالت اخ كتله ها هم متعيلين كوه👈😈الحجي ويه هذا الارعن هم كاعد من الصبح ادري ماعدك عائله مرة اتروحله هسه جاي يمي ليش اتهيج بيه
بلقيس..والله ما ادري ما شفتك
فهد..ههههه هسه لو ازغير وما انشاف اعذرج بس رجال اشطولني وماشفتيني
بلقيس...والله ما منتبه وهوه امجلب واكف يمي كتله روح هسه اغسل والحكك نتريك
فهد..ماشي علمود اتحضرين روحج للزيارة
بلقيس..هسه ما اتأخر.
فهد..اليوم اخذه للأمير ازورهه واشوف حل للهبطه مالته .
.
.
.
.
.
.
ازل مراد