كلشي اسود
فتحت عيني بعد ماصار الانفجار الي بالجامعه
وين اني
وشنو صارلي
ليش مجاي اكدر اتحرك
قلبي جاي ينبض بكل قوته أحسه راح يطلع من مكانه
شنو اني ميته معقوله
مجاي اكدر أتحمل الي اني بي فضليت ابجي
وبعد ساعات من البحي شفت ضوه
كأنوا هالضوه جاي ينقذني ويگلي اني وين
من الصدمة مصدكت اني عايشه وجاي اتنفس واني جوه الانقاظ مال الانفجار والمكان الآني بي متهدم وواكع عليه
كأنو معجزه بين المكتبين مالت الحديد طاح السكف عليهن فضليت بنصهن وما تأذيت من البقيه لان جنت يم الشباك صح متجرحه وراسي يصب دم بس اني عايشه ضليت ابجي من هالمعجزه
ودريت انو ربي لطف بيه وكل إنسان اله يومه وجان تدخل عليه أشعة الشمس ترجع تحييني من جديد بس راسي مغطه بالدم
حاولت اتحرك علمود اخذ تلفوني من الجنطه
وكأنوا رجعتلي الذكريات
شفت اليوم ٢٧ بالشهر وانا اتذكر صار الانفجار يوم ٢٥بالشهر معقوله صارلي يومين مغمي عليه
خوماكو شي زين وأهلي وين ما سألوا عليه
مستحيل انا بنتهم الوحيده على ٤اخوان انا حبية بابا وماما
أكيد اني ميته
ضليت ابجي
خلي اسولفلكم سبب الانفجار
جنت بالكليه بالمكتبة خاله الهتفون بأذني واستمع لأغنيتي المفضلة الي تذكرني بمحمد لو حبنه غلطه اتركنا غلطانين لوائل كفوري احنه ب٢٠٢٢ والمشاكل بين إيران وامريكا عالگه فالي صار انو امريكا ضربت ابران والساحه مالت الحرب كانت البصره محافضتي وجنتي واني جاي اقره اجالي الحارس جر الهتفون وگلي انتي بعدج هنا الناس كلهه طلعت وانتي سارحه بأحلامج
احنه بساحه حرب يالله طلعي قبل لا يجي صاروخ باوعت من الشباك
اول صاروخ وكع ع كلية التربيه الرياضيه وشفت النار من الخوف ماكدرت اتحرك
الحارس ركض من الخوف ومااحس اله الصاروخ الثاني وكع ع كليتي وهدمه لا اراديآ صرت جوه الطاولتين الحديد
وهاي انا هنا بعد يومين محد يمي بين الحياة والموت
مااعرف شنو منتضرني من اطلع من الانقاض هاي اهلي شنو صار بيهم عايشين ميتين
نرجع بالأحداث قبل اربع سنوات .....
اني هاله عمري ٢٢سنه طالبه مرحله رابعه كلية صيدله
عندي ٤اخوان وانا بس بنيه طبعا أكون مميزه
وخاصة اني اصغر وحده
قبل اربع سنوات من جنت مرحله أولى طبعا كرهت الكليه لان جنت أتمنى أصير مهندسه بس أبويه وامي كان حلمهم أصير صيدلانيه فدخلت الخاطرهم حاولت احب الكليه علمود اكدر أتأقلم وياهه
تعرفت ع صديقتي ساره وهي احلى شي بالكليه طبعا مااسولفلكم الشعور اول يوم دخلت يلعب النفس
طبعا اني بنيه ما محجبه وحلوه فأكيد اول يوم دخلت حسيت الكل يباوعلي الصراحه ضجت لان اني مااحب هالشي
خلي اسولفلكم شلون تعرفت ع ساره طبعا تعرفنه يضحك
جنت ضايجه بالكافتريا وجاي اشرب عصير رمان وحدي
وحبيبتي ست سارونه كاعده بصف الحاويه مال الزباله فحان البطل مال العصير ممتالي وشمرته بالحاويه ووكع ع قميصهه الأبيض وصار كله عصير رمان عصبت خطيه
ساره: اووووف ليش ياربي شهالحظ من اول يوم
هاله: اسفه كلش اسفه والله ماقصدي
ساره: عادي ماصار شي تصير هالسوالف بس اني لابسه ابيض ههههه هسه شيگولون هاي وصخه
طبعا رحت ركض جبتلهه كلينكس مرطب وكعدت امسح بقميصهه
كعدت يمهه ع الطاولة وضلينه نسواف وتعرفت ع اختي الي ماجابتهه امي صح هي خبله وشاخطه وثوله بس احبهه ماكو بطيبة گلبهه
رجعت للبيت وانا فرحانه بصديقتي الجديده لان ماجان عندي صديقات ابد
طبعا بيتنه مو كلش بعيد عن جامعة البصره
أبويه دكتور جراح مشهور وامي صيدلانيه
اخواني اربعتهم مخلصين طب وعايشين خارج العراق
مرت اول أيام بالجامعه عادي اني وسارونه بعيدين كل البعد عن بقية الطلاب ندرس وناكل ونضحك كله وحدنه يعني عايشين جونه
خلي اسولفلكم عني شويه علمود ماتنصدمون بشخصيتي
اني كلش مغروره وشايفه روحي وادور مستويات
والي يأذيني اردله الصاع عشره يعني هيج تربيت اني لان مدلله
بس گلبي طيب وأحب اساعد الكل
نرجع نكمل الأحداث
اجه اسوء يوم بحياتي
عندي امتحان Analytical Chemistry
يعني اني وساره دخنه بالمعادله الكيميائيه
وسألنه اغلب الصبايا محد عرف يوازنها
وهالشي زعجني لان متأكدين حتجي بالامتحان والسؤال الأول
كأنو تگلنه (عمي شبينه عمي مانعجبك شو اول سؤال ونسمطه الجدك)
مشيت مثل الثوله وانا خاله الملزمه بوجهي وأمشي سريع ولازمه الصدريه البيضه بأيدي الثانيه
مااحس نفسي اله واكعه بالكاع من الفشله مارفعت راسي عفت الملزمه وشردت للحمامات وساره ورايه تركض
صار وجهي احمر وصخنت من الفشله
ساره: هاله شبيج انتي غير تعتذرين من الولد الي دعمتي بي وهو واكف ياريت يمشي مثلج چا فرينه السالفه علي
هاله: لج سارونه راح ينغمي عليه من الفشله اني ليش هيج غبيه
ساره: لج روحي اعتذري منه خطيه ضل صافن
هاله: جب جب مااكدر مااطلع البوم من الحمام
ساره : ههههه خرب عقلج لوله والامتحان
هاله : لج يا امتحان روحي وحدج مااطلع
جرتني ساره وهي تضحك علمود اطلع من الحمام
اوووووووف ولگيته كدامي يبتسم
ولازم الملزمه مالتي بأيده والقلم بيده الثانيه وخال ضهره ع الحايط
وثاني رجله ع الحايط هم
شفته من الصدمة جاي ارجع للحمام ولزمتني ساره
وجرتني نروح للامتحان وهم اعتذرله ع الموقف السخيف
اعتدل بوگفته وابتسم وگال
وليد : السلام عليكم انا وليد ألي قبل شوووووي وضحك
ساره : الي قبل شوي دعمت بيك هاله وطفرت من الفشله
وليد : هههه اي صح تفضلي هاله هاي ملزمتج ووازنت المعادله
أخذت الملزمه بسرعه وگلت
هاله: شكرا اخويه وأسفه ع الموقف الي يفشل عن أذنك عدنه امتحان
لزمت أيد ساره ورحنه بسرعه اريد ادخل للقاعه ووكفتني ساره
ساره : لج لوله اوكفي مو حل المعادله خلي نقراهه ع السريع وندخل
هاله : عساس ذكي وشوفوني اصلا حلهه غلط اني متأكده
ساره : ميخالف اهم شي انشوف حلهه بكل الحالات مانعرفلهه
إذا صح احنه نستفاد وإذا غلط عادي ما نتندم هج شوفي الموازنه
هاله : يالله قريتهه خلي ندخل لا نترزل
الدكتور : آنسات ولو ازعجتجن بس راح يخلص الامتحان يمته ناويات اتشرفنه
اني وساره : اسفين دكتور
دخلنه وامتحنه طبعا تخيلو ٥٠ سؤال لازم كلهم تحلهم بساعه
هو اني بس افكر يرادلي ساعه
بس احلى شي ١٠اسئله ع المعادله الي حلهه وليد
طلعت من الامتحان احس نفسي طلعت من التعذيب
وميته جوووع فگلت الساره يالله نمشي للكافتريا
احس راح ينغمي عليه من الجوع
جاي ناكل ونسولف
ساره : لج لوله تدرين من طلعت سألت الدكتور عن الحل گال صحيح واحسنتي
هاله : تحجين صدك يعني طلع هذا صدك ذكي
ساره : لج ايييي سألت علي عنه گلي هذا طالب بالثالثة والأول ع القسم
هاله : تحجين صدك وهذا علي منو
ساره : حبي انتي وين عايشه لج غبيه هذا الممثل مالت الدفعه وشافج من طكيتي بي
هاله : اي خوووش سدي السالفه لعبتي نفسي ليش تذكريني
ساره : لوله لوله هذا وليد گومي شكري ع الحل
هاله : جب جب مااريد لو تموتين
ساره : وليد وليد لو سمحت ممكن
اجه وليد للطاوله ووجهي صار احمر من الفشله
هاله : لج شكد حقيره ليش هيج
ساره : سكتي اجه الولد
ساره : مرحبا خويه طبعا اني اريد اشكرك كلش هواي مااعرف شلون اردلك هالمعروف وحتى هاله هم تريد تشكرك
طبعا ساره طكتني برجلهه ع رجلي
واني ابتسمت بالگوه وحجيت
هاله : اي شكرا خويه عن أذنك احنه لازم نطلع لان اجه الخط مالتنه
وليد : تدللين بس مو اعتقد بعد وكت وأنتم الأولى عدكم محاضره
هاله : بيني وبين نفسي أگول اووووف شكد غبيه اني وين اكو خط هسه يطلع ليش هيج نثولت
فرديت علي
هاله: اي خويه مو احنه لازم نطلع اني وساره عدنه كم شغله بالمول
ساره: والله مفتهمنالج مو گلتي باجر نروح نشتري ملابس حفلة التعارف شبسرعه غيرتي وخابرتي السايق
هاله: شنو مگتلج اني نسيت يالله لازم نروح امشي
وليد : هههههه اوكي تدللون وأي شي تحتاجوا اني موجود وتره عندي سياره إذا تردن اخذجن للمول
هاله : شنو اضاهر ماتسمع مو گلنه الخط بالباب
وليد : ااااسف عيني عن أذنجن
هاله : هله وباي
ساره : لوله شكد مليقه انتي ع الأقل جان استحي منه مو ساعدنه بس انتي غبي الي بساعدج
هاله : يالله بله حجي زايد خلي نولي نأجر تكسي للمول ومناك يجي الخط لان حضرته نايم
ساره : لج مو خطيه هالولد طلب يساعدنه ليش رديتي ع الأقل نعرفه شنعرف من التكسي احنه
هاله : لج سارونه شسالفه سويتيهه قضية عنتر عادي لو كل الناس هيج تخاف محد طلع
وجريتهه من ايدهه وطلعنه بره كلية الصيدله نريد ناخذ تكسي
هاله : شوفي شكد تكسيات اختاري ست ساره
ساره : اي عساس جاي اختار ملابس يالله انجبي واختاري اي سايق
هاله : حاضر يا اميره
جاي احاجي أبو التكسي وفتحت الباب الست ساره
وشفته
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.....
_________________________
القصه من وحي الخيال لا تدل على الواقع أيد
يعني ماكو شي اسمه حرب مجرد افكار
الأحداث الجايه رهيبه
أنت تقرأ
حضنك ملاذي
Romanceقصة حب تتحدث عن غزو البصره وسقوطها تحت القوات المحتلة وكيف تصمد تلك الفتاة في هذه الحرب للهروب إلى ملاذها الذي يسكن المحافضه المجاورة
