قيود عشقها

الفصل الأول

"اللي راح مكانش خير، الخير في إنه راح"

         &&&&&&&&&&&

تعريف
ريان هاشم 30 سنه ..عصبي ..قوي عضلات ..عنده غمازه في خده اليمين ..لون عيناه عسلي ..لديه دقن ..شعره أسود وتقيل..ملامحه خمريه ..طويل القامه

رهف هاشم 24 سنه أخر عنقود ..مرحه ..شعرها أحمر وقصير ..تعشق المرح والهزار ..كتومه جامد..عيناها سودا وواسعه ورموشها تقيله..... ملامحها بيضاء..متوسطة الطول

رامي هاشم 26 سنه المتوسط في أخواته.. ملامحه بيضاء ..قوي العضلات مثل أخيه ..عيناه سوداء ..شعره أسود ..متوسط الطول

هاشم سليم الأب 50 سنه ..متقاعد من الشرطه كان رائد في الجيش ..حنون علي الأولاده ولكنه شديد في نفس الوقت

الأم "فريده" 45 سنه ..ربة منزل ..وحنونه علي عيلتها

            &&&&&&&&&

كارمن غسان ..24 سنه ..متخرجه من كلية الأداب ..لون عيناها بني فاتح ..شعرها طويل لنص ظهرها ذو لون بني ..ملامح وجهها خمريه.. جمالها طبيعي ..طولها في المتوسط

كاميليا 24 سنه تؤامتها ..شكلها غير شكل أختها فهي تملك عيناه عسلي ..وشعر قصير أسود كيرلي..وملامح خمريه مثلها..والطول متوسط

الأب غسان محمد 49 سنه ..يشتغل علي تاكسي ..طيب القلب علي عائلته

الأم حنان 48 سنه طيبه وحنونه وشديده عليهم
&&&&&&&&&&

فادي خلف ..صديق كارمن وكاميليا 27 سنه وبيحب واحده منهم نعرفها بعدين ..متوسط الطول ..أقرع ..نحيف

عمان 30 أبن عم ريان ورامي ..بيكرهم وخبيث ..طويل ..شعره بني ..عيناه بني غامق..

-------

صوت العصافير مع صباح يوم جديد وشمس حاميه ياتي صوت صريخ من داخل بيت في الحي بسيط متوسط الحال
أرحمي أمي يا كاميليا  واطفي الصوت ده سيبني أتخمد يا بعيده نايمه الفجرررر
كاميليا وهي تغني بتأثر: عشان تبقي تسهري تاني وكمان مالها  اصاله ها مالها!
كارمن: عليكي وعليها يا بعيده في يوم واحد..ما طفي الزفت عايزه أنام ولا لازم تسمعي أمي صوتنا والنوم يتخرب
قامت كاميليا ونطت علي سرير وشددت الغطاء من عليها: يابت في عريس جاي وعايزكي معايا عشان أطفشه ..قومي بقي عشان تفكري معايا
كارمن بسخريه: - عشان كدا متأثره بأصاله وقال ايه حبة ظروف ..ظروف ايه لسمح الله!
كاميليا:  هتقومي ولا أعلي صوتي أجيب أمك ليكي!
كارمن:  قال أمك كل ده موصلش ليها صوتنا العالي ..أهي هتنادي
وفعلا سمعوا صوت أمهم العالي وهي بتنادي عليهم لتقول كاميليا بشماته:- ما من الأول كنت هقولها نايمه تعبانه أي حجه بس يلا وغصب عنك هتقويلي أطفش العريس أزي.
كارمن حدفتها بالمخده وخرجت بعد ما خلصوا حرب المخدات علي بعض ..كارمن وهي متبهدله من شعرها ولبسها
حنان وهي تراي حالتهم المتبهدله: ايه ده كنتم بتعملوا ايه عشان تتبهدلوا كدا!
كارمن وهي تبص لكاميليا بغيظ: بقولك ايه يا ماما بنتك ديه لو هتفضل تصحيني بطريقه ديه وترخم والمصحف أنسي أنها بنتك وما هصدق أقتلها ..بتصحيني علي اصاله حبة ظروف
ضحكت حنان:  حبة ظروف يخيبك يختي والله كل ده عشان متقدملك عريس أومال لما تجوزي. هتشغلي ايه! .
كارمن بسخريه: هات قلبي
حنان: ضحك:  مخلفه أتنين متخلفين يارب اللهم لا اعترض ..وخلصوا وألبسوا لبس التنضيف عشان هنضف
كاميليا : يختااااااي مبكرهش قد التنضيف مسح وشيل وتقلبي الشقه وتشيلي كله وناقص تشيلي البلاط ونمسح تحتيه
كارمن: ماما أحنا  ماسحين أول أمبارح ده لو فاكره ها!. عايزه نعيده تاني ! هو حد قالك عذابي عيالك ولا لقيتنا في الشارع ولا ايه النظام!
حنان: غنوا وطبلوا لبعض وبردو هتقوموا وتمسحوا ..عايزين الضيوف يقولوا علينا ايه معفنين يا معفنين!  يلا قبل أبوكم ما يجي
كاميليا وهي تبص شمال ويمين لتقول وهي تحط الأكل في بوقها: أها صح الحج فين ..مش ظاهر يعني!
حنان::نزل يشوف حال سبيله ربنا يوقفه يارب ويسهله طريقه
كارمن وهي تقطع العيش وتغمسه في الفول: بقولك ايه يا حنون صح ..ما بابا يسيب شغل التاكسي ويشوف شغل كدا في اي مكان غيره أحسن
حنان:: - وهو التاكسي وحش ده رزق ربنا الحمدلله. وكمان علي يدك مافيش شغل غير بواسطه وعشان الغلابه ملهمش واسطه فمش هيلاقوا شغل..والتاكسي خيره سابق ومستورد
كارمن: مقولتش حاجه يا ماما الحمدلله ..بس بيتعب عليه ليل نهار
كاميليا:  وقال ايه يا ماما بتقول هتكلم وتتفق مع بابا تنزل علي تاكسي مكانه ..اضحكي اضحكي علي بنتك
حنان: ومالو عشان أبوكي يدوس بالعربيه في وشك بمره ..ومن امتي ابوكي يرضي تسوقي عربيه دماغك أتلحست باين
كارمن وهي تبص لكاميليا: بت فتانه درجه أولي ..ما تكتمي في قلبك ياختي وتسكتي تتحرقي بجاز معفن لو كتمتي
كاميليا بضحك:  ههههههه خدي بوسه
حنان: خلصتوا يلا عشان كل واحده تمسك حاجه
كارمن:  مش شايفاني بأكل !. في ايه يا ماما ما تهدي مستعجله ليه!
كاميليا:  والله يا ماما بتمثل ده الطبق خلص وخلصت الطعميه المفجوعه.
كارمن: بقا كدا لتقرب منها وتهمس بصوت واطي: وأهي دقني لو قولتلك ازي تتطفشي العريس يأخدك وتغوري
كاميليا:  يا نهار ابيض أنتي بتاخدي علي كلامي أعتبريني عيله وغلطتت
كارمن:  ما نا معتبراكي كدا فعلا
حنان: أيوه واصلة الكلام أخرها ايه!! ده نشرة أخبار مش بطول زي حضراتكم قومي أتحركي يا زفته منك ليها بدل ما اسيب شبشبي يكلم الوقت بيجري يلا ..دخلوا الطباق وألبسوا لبس التنضيف..وواحده تاخد المطبخ وأوضتين وكل اللي فيهم ينزلوا والحيطان عايزاها بتلمع والبوتجاااز ميتسبش زي ما واحده جزمه بتسيبه وتهرب ها والاوض عايزه مسح بضمير والشباك يتغسل وواحده تاخد الصاله والحمام وتمسح برا باب الشقه عشان يبق شكل البيت بيلمع
كارمن وهي تحط أيديها تحت دقنها: ولما أحنا هنعمل الشقه كلها أنتي هتعملي ايه يا حنون.!. متقوليش هتتفرجي علي رضوي الشرابيني!
حنان:  لا رايحه السوق أرجع ألقي اللي قولت عليه يتعمل سامعين يلا هلبس ونازله
وفعلا لبست عبايتها السوداء وطرحتها وسايبتهم ونزلت بعد ما اكددتت عليهم ..ليقفوا في نص الصاله
كارمن: هتاخدي أنهي جزء مبحبش المطبخ هاخد الصاله والحمام وعليا العوض
كاميليا:  اشطا يلا نجهز بقي
------------