مساء الخير احبتي ❤🌷
بقلم الكاتبه: زهراء البياتي
دخلت وجان الكه البيت مخبوص
هدى و نور ديتعاركن
هدى.. انجبي لج حيوانه اني اعلمج
نور..انتي لتدخلين بحياتي الخاصه
اني بنيه جبيره مو صغيره
ارجوان.. هي هي شكو شهل صياح واصل للشارع
نور وهيه تبجي وحاطه ايدها عل وجهه
..ارجوان تقبليها هدى ترزلني لان اخذت ملابس من صديقتي لا وفوك هذا كوله راحت رجعتهن لصديقتي
هدى..طبعا ارجعهن احنه شوكت كمنا ناخذ ملابس
من الناس
ارجوان.. شكو تاخذين ملابس نور احنه مقصرين وياج بشي كوليلنا واحنه نشتريلج
نور كامت عل حيلها وبصوت عالي
..اي مقصرين ونص
كل ملابسي ماما تروح للحريه من الباله تجيبهن
ومحلوات شنو قابل تكدرون تشترولي نفس مصديقاتي ديلبسن من محلات غاليه وماركات
ههههه لج هنه كل يوم مغيرات القميص
واني بس بقميص واحد لازكه
هيه حجت هيج وجان منشوف اله نور واكعه بالكاع
عل ضربه الراشدي الاخذته من ماما
لان نور مجانت تدري وهيه تحجي ماما وراها ودتسمعها
نهى.. لا ينور اني مربيتج ع هيج اخلاق
انتي تعرفين حالتنه الدنمر بيها وابوج شصاير بي
تجين تعيرينا وتكولين مقصرين
ولج ابوج جان ينكسر ضهره علمود بس يشتريلج كل سنه صدريه جديده لان بس انتي الوحيده التتطلبين
ونكول ميخالف حقها
وخواتج كولهن بالصدريه يبقن ٣ سنوات
بس انتي الوحيده بين الكبار انطيج مصرف للمدرسه
وخواتج هنه الميقبلن ياخذن لان يساعدني بالمصروف
لازم عزت نفسج متقبل تاخذين شي من صديقتج
يجي يوم واذا تتعاركين وياها اول وحده حتعيرج هيه
وتكولج عل ملابسهم
عزه النفس اهم من كولشي نور ديربالج هذا اخر تحضير
لتنجرفيت ويا صديقاتج هذن كل وحده وحياتها وعيشتها وغصبا ما عليج تتقبلين عيشتنه ولي من وجهي وروحي لغرفتج ماريد اشوف وجهج كدامي
راحت نور وهيه تبجي
واني وهدى محبينا نحجي ويا ماما لان نعرف بيها من وره نور نقهرت كولش
دخلت للغرفه وشفت نور تبجي جوه الغطى
ردت اروح اواسيها بس كلت تستاهل خل تتعلم من غلطها
بدلت ونزلت ولكيت هدى وحنين وماما ديتغدون
كعدت وجان محد منهم يحجي واحس ماما بغير عالم
وبالها مو يمنا
كملنا واخذت الصينيه ردت اروح اغسل المواعين
بس ذكرت حوراء ورجعت سألت ماما
..وين حوراء
..كالت حتتأخر تنقل من ملزمه صديقتها
..اها وبابا
..اكل ونام لطلعون صوت اني حطلع
أنت تقرأ
فراشاتي والزمن (مكتمله)
Любовные романыقصه حقيقيه باللهجه العراقيه فراشات في زمن لا يرحم فماذا يكون مصيرهن؟!🌷
