كسران الهوى

البارت 18

هذا الشعر من فهد لهمس
.
🥀وحبيني🥀🥀.
.
حبيني ترة استاهل تحبيني
.انا الما مش بعد تلكين من طيني
انا المحد يععوض بلعشك دوري
واذا اتمرض حبيبي الكاج دكتوري
انا البلغيرة حيل اطلع من طوري
اعذريني من احب بخبال اعذريني
حبيني ترة استاهل تحبيني
انا هادئ بس بلعرك بارع
انا اذبح وصلخ واكطع الشارع
انا رايدلي زلمه لطولج ايباوع
لكطعنه واكطعلج شرايني
حبيني ترة استاهل تحبيني
ابوج اني واخوج وضحكه البخدج
وسند عدج لونج سند ماعدج
اضل وحدي ولا اعوفنج لوحدج
غير انتي عمري وحياتي وسنيني
حبيني ترة استاهل تحبيني
غيرج ما ردت اي واحد ايضمني
واحسج اجيتي من بطن امج لحضني
وحبيني ترة استاهل تحبيني
.
.
.
..
.

.
فهد..اليوم لازم اخذهه وازورهه واشوف حل لهبطته لن اذا اتضل هيج تتخبل لن حالته حيل متأزمه وكاعد على طاوله الطعام واجت كايده علاوي وشايله نورس وكعدتهم اتريكم واتريكنه كلنه وبعدين كتله اتحضري خل نطلع همياله
بلقيس ..هسه كملت انطيت الجهال لم علي ورحت ابدل لبست لبنطرون اسود وبدي وسمائي ولبست جبه فوكاهن وياهه شال سمائي وحذاء فلات سمائي وجنطه ومن كملت وما اشوف لن فهد طب للغرفه
فهد..طبيت للغرفه متحضرة شنو هلجمال لو ما مريضه ما اطلعج وج اليوم اشراح ايفضه اهوو
بلقيس..اشبيك صافن
فهد..لا مابيه بس طالعه كيكه بله وعي مني 👈😈رحت عليه ولزمت وجه بثنين اديه كلته همسس ار ريد اكلج ان نن ني وجان تنفتح الباب اهووو حته هذا 👈😈👉ضاج طلع علاوي شالته همس وباسته وكالتلي اتحضر يله واني رحت بدلت واخذت همس وطلعت
وطريق طويل وهمس اشتغلت نفسه تلعب
بلقيس..ف هه هد اوكف بعد ما اكدر نفسي تلعب
فهد..وكفت بلدرب اله واتذب من راسه جسمه كام يرجف لزمته سندته وغلست وجه وكلته يله امشي وصعدنه واسوق بس شنو كمت اتحارش بيه امسوي روحي صافن على الدرب ولزمت ايدهه
بلقيس ..حسيت عليه لزم ايدي واني مامانعت وهوه كيف باوعلي وكلب شعرة وضحك
فهد..وصلنه للنجف ورحنه زرنه الامير سلام الله عليه ودورت سيد دلوني بي مكان ورحتله وصلت اله وكعت اني وهمس وبدت تشرح احلامه والخوف البيه واشون المره تركض وراهه بس شنو من اتسولف اديه ايرجفن وجه اصفر كملت وصف حالته كلله اطلعي برة انتضري  وطلعت برة كالي
السيد..ابني مرتك حالته صعبه وحيل متأزمه لواتضل على هاي حالته يمكن تتخبل
فهد..راح اتخبل كلي شبيه
السيد..مرتك بيه تابعه وهاي التابعه التركض وراهه بلحلم واتريد اتخبله وهاي من اثر هبطه ومن اتشوفه تعرك واتصيح لا يعني هيه اتحس اكو شي يضغط على صدرهه تعرف شنو هاي اسمه الحاله
فهد ..شنو
السيد..اسمه الجاثوم يعني هذا كل ما اتنام اتشوف الحلم واخر الحلم يضغط عليه حيل لحد ما تكدر اتقاوم واتحس روحه راح تطلع يعني راح اتموت وبعدين اتفز
فهد..والحل شنو
اليسد...راح اقرة عليه و....................................شغلات طلبهن السيد ايسوين ....
فهد..كلهن اسويهن بس كون اتصير زينه
السيد.. اتصير زينه لتخاف اكو حالات اقوه واتطيب
فهد..مشكور واني اترخص واخذت همس وطلعنه واخذته للسوك وماكو واحد ماخزرته خوب واحد انكتل من وراهه بصطته جيف باوعله وشتريلته جم شغله وحلويات التحبهن وللجهال ولهلي واكو شغلات طلبهن السيد هم سويتهن ورجعت للديوانيه وبلطريق همس نامت من التعب وحطت راسه على جتفي وبعدين مال راسه لزمته وحطيت راسه على صدري وبيد شبكته وايد اسوق والله طفله وخلتني اتعامل وياهه مثل ما اعامل الطفل وبسته من راسه وكملت الدرب براحه مو طبيعيه وصلنه للبيت وجانت الدنيا ليل عدلت نومه همس ونزلتله من الجهه الخ وشلته وطببته للبيت بس هيه حست وحاوطت ركبتي بديه هنا اخر ذرة عقل ما بقت 👈👿😈هذا العينتين يضحك عليه وصلته للغرفه طبعا البيت ماكو احد ام علي والجهال يم اهلي طببته للغرفه كاعده بس ما نزلته ضليت شايله وكتله
بلقيس..نمت الدرب كله راحه مو طبيعيه بيه الله ذب عليه النوم وما حسيت اله من شالني فهد وطبينه للغرفه بس شنو ما نزلني وكلي
فهد..همس اريد اكلج على شي بس شنو كلشي برضاتج همس اني احبج لا كلمه احبج قليل اموت عليج واعشقج واتنفسج واحس روحي يمج واريدج مثل الطفل اليريد امه يا بنت الناس اشسويتي بيه
بلقيس.. اسمعه اشون عبري عن مشاعرة ضميت راسي بصدر وهوه
فهد..اشسويتي بيه اني صح جنت متزوج بس احساس الحب ما حسيته ويه مرتي ولا ويه اي وحده واشكال والوان شفت واسافر  بس انتي اوف ياانتي دولبتي حالي بس شوفي همس اريد الكلام الراح التريدن بي على كلامي يطلع من عقلج وكلبج وكيانج
ما اريدج تنجبرين بيه ولا ابد اريدج انتي اتحسين بيه مثل ما اني احس بيج
بلقيس..فه ههد اني اا ااا ني هم
فهد..كولي انتي شنو مو كلبي فرفحتيني
بلقيس..اني هم مثك
فهد..بوين انتي شنو مثلي عبريلي عن مشاعرج
بلقيس..اني اا ااا ني ه هه ه هم احبك وحجيته على سريع وضميت راسي بصدرة.وهوه من فرحته
فهد.. اخيررا من نطقت احبك من فرحتي واني شايله وافتر بيه وهيه تضحك واني هم فرحان هسه راح اتكولون مرتك مدري شنو عادي اتريد اتحبك هوه انته متزوجه واذا متزوجه اريد اتحبني مثل ما اني احبه وترتاحلي هوه صح متزوجه بس اريد اتعيش مشاعر الحب والرغبه الي والرجال الصدك ايسوي هيج ويه حبيبته ام بيته وبعدين حطيته على الجربايه وكتله اريدج ترتاحين واتصيرين سباعيه وانتي من ترتاحين راح انعيش علاقه المتزوجين تمام
بلقيس..كلامه فرحني انو ايحبني وايريدني اصير زينه بس كتله مو متزوجين اشبيك فهد
فهد..يالله هاي كلامي ما فهمته كتله اني افهمج او اخلي ام علي افهمج بس من اكلج ويله كومي بدلي وخل نتعشه
بلقيس..ثواني بس ابدل
فهد.. كلت خل اضحك عليه بدلي اني هم راح ابدل هنا
بلقيس..فهد اطلع عيب اتبدل يمي متستحي
فهد..هههههه ليش استحي منو بدلج وانتي مريضه اكو غيري هههههه ولا اتخافين كلشي شفت هههههه
بلقيس..عااااااا فههههد عيييب واخذت الهدوم وطلعت ركض ابدل بغير مكان احسن ورحت بدلت وسويت عشه واتعشينه وكملت الاماعين ورحنه للغرفه نمنه بس هلمرة نمت بحضنه بله مناقشه وشبكني حييل ونمت
فهد..نامت همس وكلت ما نام اله اشوفه اتشوف كابوس
بلقيس..🌫واني نايمه واشوف ثأئر واكف ويضحك وايكلي حبيتج وامانتي يمج هيه روحج ديري بالج على نفسج ودار وجه ومشه بس شنو اني واكفه ابمكاني واشوف اجتي المرة لابسه اسود وتركض بس مو وراي مشت بعيد عني وبعدين احس شي قوي قوي ينجر مني يعني نفس القوه التضغط عليه بس هلمرة عكس تطلع مني وراحت وبعدين فزيت
فهد..سويت كلشي وصاني السيد عليه علاجه وانتضر اشوفه اشونه وبعد وقت حته ردت اغفه وجان اتفز وكتله اسم الله اشونج سولفيلي اشصار

بلقيس......
.
.
.
.
.
ازل مراد