عشق الروح بقلم مريم محمد

السابع والعشرون

وقفنا في البارت السابق لما يحيي كان واقف ورا حنان مباشرة تعالوا نشوف هيحصل إيه مع بعض⁦❤️⁩⁦❤️⁩⁦❤️⁩

عمل يحيي صوت علشان يلفت انتباه حنان وبالفعل حنان انتبهت لوجوده ويحيي قعد جنبها وباصص على اللاب توب اللى على رجلها وتحدث بابتسامه قائلاً:بتعملي إيه

ردت حنان بصدق:ببعت ايميل لصاحبتي

رد يحيي ليساكسها قليلا:ويا ترى بقي بتقوليلها إيه عني...أوعي تكوني بتشتيكلها مني

ردت حنان بابتسامه وهي باصه عليه: بالعكس بقي كنت بمدحك كتييير جداً

رد يحيى بنفس المشاكسه:أممممممم مثلاً كنتى بتقوليلها إيه

ردت حنان بنفس مشاكسته:أمممممم مثلاً يعني إزاي بتتكلم معايا كلام حلو كتييير

رد يحيي:بس!!!!!مفيش حاجه تاني.....يعني انتى محكيتيش لصاحبتك أد إيه إنتى بتحبيني مقلتلهاش إن كل أما أعمل حاجه تفضلي تبصي عليا من غير ما أحس وأثناء ما يحيي كان بيتكلم خجلت حنان كثيراً وبصت فى الأرض خجلا منه وواصل يحيي حديثه قائلاً:
وأول لما أبص عليكي بتودي وشك الناحيه التانيه حتى عنيكي مش بتيجي في عينيا زي دلوقتي كده مثلاًوبتختفي بسرعة البرق وكإنك مكنتيش واقفه من ثواني بس!!!!! زي ما نفسك تهربي منى دلوقتى

ابتسمت حنان ليه ابتسامه خجوله زادتها جمال على جمالها وواصل يحيي حديثه قائلاً: إنتي مبسوطه معايا

ردت حنان بخجل:أكتر ما بتتخيل

رد يحيي: ودلوقتي بقي اسأليني نفس السؤال

ردت حنان:وانت مبسوط معايا

رد يحيي: أنا مش مبسوط بس أنا سعيد جداً لدرجة إن كلمة سعاده متكفيش... إجمالا إن الناس بيعملوا الحاجه مختلفه جداً عننا هما الأول بيعجبوا ببعض وبعدين يبدئوا يحبوا بعض وبيتجوزو أما أنا إتجوزتك الأول وبعدين بدأتي تعجبيني وبعدين لقيت نفسي عاشقك بالرغم إن مكنتش عايز أتجوزك من الأول وانتى كمان مكنتيش عايزه تتجوزيني...النهارده أنا عايز أشكر ربنا لأني أخييرا لقيت شريكة حياتي ومسك ايد حنان بكل حب وهي باصه ليه نظرات كلها حب وعشق وامتنان وغرقوا هما الاتنين في نظرات عشقهم لبعض بدون أي كلام كانت نظراتهم أبلغ من أي كلام ممكن يتقال في اللحظه دي.......وبعد مرور عدة ساعات رجع يحيي على الشركه وكان في مكتب زميل ليه فى العمل بيراجعوا شوية ملفات في الشغل....ودخلت ساره زي العاصفه اللى مش بتشوف قدامها وصوتها عالى وتحدثت قائله:يحيي إنت فين دورت عليك في كل مكان في الشركه فى مكتبك ومكتب عمو وفي قاعة المؤتمرات

يحيي بص ل ساره نظرات حارقه وتحذيريه من طريقة كلامها واسلوبها اللى غير مقبوله بالمره وتحدث قائلاً مع نظراته الحاده لها: أنا هنا يا ساره بشتغل وسابها واقفه وكمل شغله مع زميله وتحدث مع زميله قائلاً: أنا بفضل إنك لما تخلص الملفات دي تخلي المراجع يراجع عليهم تاني ومتنساش لما تخلصهم تعملي ميزانية المشروع الجديد علشان أنا مستعجل عليه جداً..جمعهولي كله في ملف خاص لوحده وبعد يومين هناقشه سوا بكل تفاصيله بس استعجل شويه ماشي...ولو احتاجت أي حاجه كلمني على مكتبي علي طول