بينما هما جالسين في احدى المقاهي الشهيرة احتفالا بعيد زوجهما، فقال زوجها:
-انتِ مش ملاحظة اننا بقالنا لغاية دلوقتي سنة متجوزين و عمري ما قولتلك كلمة "بحبك"؟
=اه ملاحظة، بس عادي بالنسبالي، اصل الكلمة دي مش كل حاجة!
-نعم؟؟ دة فيه ستات بتتخانق مع اجوازها علشان الكلمة دي
=علشان هما مش حاسين الحب أصلًا فبيحاولوا يوهموا نفسهم بكلمة من اربع حروف طالعة من اجوازتهم بالعافية
-طب و انتِ؟
=انا بشوف الحب في عينيك و انت بتبصلي من غير ماتتكلم، كأن عنيك هي اللي بتقولي بحبك، خوفك عليا لما اتعب و انت تيجي تطمن عليا كل خمس دقايق و انت مخضوض كانت تعابير وشك بتقولي بحبك، كان اهتمامك بيا بيقولي بحبك، لما ازعل على حاجة و اعيط و تاخدني في حضنك و اسمع دقاق قلبك عالية ببقى متأكدة انك ممكن تعمل اى حاجة في الدنيا علشان اتبسط، و لما اول ما اتعرفنا و انت بتحاول تتعرف عليا بأي شكل من الأشكال مع اني كنت برخم عليك دايمًا بس انت كنت مش بتيأس، دة اكدلي انك بتحبني لأول مرة، و لما بقيت تشاركني في اى حاجة كنت بعملها حتى لو كنت بتكرها لدرجة انك بقيت بتقرأ الروايات اللي بحبها و تسمع الاغاني بتاعتي و تتفرج ع افلامي المفضلة و المسلسلات،رغم شغلك اللي واخد معظم وقتك، دة كان بيأكدلي انك بتحبني بجد؛
الحب مش بالكلام لكن بأفعالك، و لو كنت قولتلي بحبك اول ما اتقابلنا مكنش زمانا اتجوزنا؛ علشان الرجالة معروفين بأنهم بيعرفوا يحوروا في الكلام، لكن فاشلين في الاهتمام و الأفعال إلا إذا كانوا بيحبوا بقلوبهم بجد!
=انتِ عارفة! انا لفيت العالم عمري ما كنت هلاقي بنت زيك
-كنت هتلاقي كتير، علشان انا مش نادرة! بس الشاطر هو اللي يعرف يتعامل معاها ازاي؛ لو انت مثلًا بتحب الورد و اشتريت وردة و مهما قولتلها انك بتحبها و مش عايزها تدبل، هتدبل برضو فالنهاية، لكن لو اهتميت بيها و سقيتها عمرها ما هتدبل، و البنات بيشبهوا الورد؛ و انا لقيتك بتسقيني فازدهرت ليك!
...
لسة ف حد بيقرأ و مهتم؟
أنت تقرأ
كوكب ستاربكس
Contoدفئها يحتضني، ورائحتها تنعش رئتاى، و عندما ارتشفها تشعرني بالثمل دون تدخل اى كحوليات؛ فالكفايين وحده يستطيع أن يتولى أمري و يجعلتي في مزاج جيد. خاصة عندما اكون وسط أناس يشبهونني و يستمعون إلي نفس الموسيقى التي تفرضها علينا المقهى، و نراقب بعضنا البع...
