أهدي يا نجوي بقي وبطلي عياط
نجوي ببكاء: مش شايفه يا فريده ..أنا تعبت والله
فريده: أستهدي بالله وكل حاجه هتبق كويس والله
نجوي: يارب يارب بجد يا فريده نفسي يبطل اللي بيعمله ده بقي ..أبني بيضيع مني
فريده: ولا هيضيع ولا حاجه هو كبير وعارف مسؤلية نفسه ومتخافيش عليه هو عارف خطواته بس محتاج حد ينصحه صح ربنا يهديه
نجوي: يااارب
رهف: ما خلاص يا ساره لما أنتي تعيطي وأمك تشوفك كدا يبق مين يهون علي التاني !
ساره: أنا تعبت من تر المشاكل ديه تعبت من اللي بيحصل بجد تعبببت
رهف:كلنا تعبنا من مشاكل بيوتنا بس طبيعي المشاكل ديه بتروح وتيجي
ساره: بس زي أستاذ عمان فأظن المشاكل مبتخلصش وأنا أتخنقت بجد
رهف: معلش
ساره: رررهف بطلي أستظراف
رهف بأبتسامه:بهونها عليك يا صاحبي الله..المهم فكيها كدا ويلا نجهز نفسنا
ساره: يلا أهو أغرق تفكيري في حاجه تانيه
رهف: يلا يا صاااحبي
&&&&&&&&&&&&&&
صرخت فيهم حنان بتعب وغيظ من عمايلهم
حنان: هو أنتم معندكوش دم ليييه!!
كاميليا: ليه بس يا حنون ما أحنا بنعمل أهو الشقه وقربنا نخلص
حنان: وحياة أمك تخلصوا ايه بظبط! ! كل ده لسه في أوضة واحده والشقه لسه متعملتش وكلها ميه وفاضل علي معاد ساعتين ..وايه اللي أختك بتعمله ده ?
كاميليا: كارمن بتنضف فوق الدولاب!
حنان: فوق الدولاب! !
صرخت بيهم لدرجه أن كارمن كانت هتقع من فوق الكرسي وهي بتلف علي صريخ أمها وكاميليا كانت هتزحلق وهي بترجع لورا فاجئه
كارمن: ايه ده في ايه! مين مات يا ماما ?
حنان: أنا أنا هموت منكم يا كلاب
كارمن وكاميليا بصوت واحد: بعد الشر يا ماما
حنان: شر ايه ما خلاص هتجلطووني ..أقسم بالله في خلال ساعه لو الشقه مخلصتش لكون معرفاكم الأدب صح وأنتم أدرين بكلامي
وسيبتهم وخرجت برا أوضه خاالص وهي هتتشل من تصرفاتهم وبرودهم في كل حاجه
كارمن: مش تنبهيني أن الوقت سرقنا!
كاميليا: وحياة أمك! وبتعملي ايه صح فوق الدولاب ! ده علي أساس الناس هتيجي تطلع تبص فوق يعني!
كارمن: لا نقعد في عفانه ..أمشي خلصي الصاله بسرعه وأنا هخلص أوضتين عشان فادي جاي كمان ساعه
كاميليا بفرحه: ايه ده هنطفش العريس!
كارمن وهي تخرجها برا الأوضه خالص وتقفل الباب في وشها : ربك يسهلها ..برااا يلا
كاميليا من برا أوضه: طب أستني ..طب عرفيني هتعملي ايه ..ديه قفلت في وشي مكنوش يعني اللي بينا 3 دقائق وجيت بعديكي
خرجت برا في الصاله تستعد مهمة تنضيفها: يختاااي ايه الميه ديه كلها لا وهعملها لوحدي ..خليني أتمرقع وأدلع وكل حاجه تلبس فيا أنا ..يلا أستعينا
جابت المساحه ودخلت الميه للحمام وبعد ما خلصتها مسحتها ونفضت الكراسي والشبابيك ومسحتهم بميه ولمعتهم ورست كل الكراسي مكانها وحطت السحاده بعد ما نفضتها وظبطت الصاله وعلقت الستاير وفتحت الشبابيك وروقت الصاله ودخلت الحمام مسحته ومسحت الحوض والشبابيك وخلصتهم وخرجت ...وعملت زيها كارمن خلصت أوضتين مسحت ولمعت التسريحات وبعد ما مسحت فرشت السراير وروقتهم وحطت السجاده لكل أوضه والستاير وخرجت وقفلت باب الأوض وراها وخرجت لأختها المتعبه وجلست معاها علي الأرض ..وكذلك أمهم حنان
خلصت المطبخ من مواعين لمسح البوتجاز لحيطان لرخام وخلصتهم وخرجت ليهم بعد ..لتحسهم علي تجهيز فالضيوف علي وصول والتضيف أخذ منهم من الظهر لـ المغرب ..فدخلت كارمن الأول لأستحمام من التنضيف وتعب اليوم وفعلت مثلها كاميليا بعد خروج كارمن وكذلك أمهم حنان
بعد نص ساعه في أوضة كارمن وكاميليا بعد ما جهزوا ولبسوا
كارمن: آآه ياني ياما ..جسمي وصوابعي مش قادرين من الترويق..ده لو بينطقوا كانوا هزقوني
كاميليا: مين سمعك دانا حاسه أن كل حاجه في جسمي متفرتكه تقريبا مش حاسه بجسمي.
كارمن: لا والمفروض هنقعد مع عريسك ..هنطلعله أزي بمناظرنا ديه بس ..ده أنا ناقص أقوم أدور علي عصاية جدو أسند عليها.
كاميليا بضحك: ده أمك بتعمل مننا كفته كل مره ننضف زي ما تقولي أحنا مش عيالها.
كارمن: أنا شاكه فيها الست ديه
كاميليا: ياشيخه قومي بقي وقولي هنعمل ايه مع الزفت اللي جاي.
كارمن بصت ليها بتركيز: هقولك وياريت تركزي معايا بدماغك ديه ها.
كاميليا: ماشي ماشي خلصي
كارمن: هاتي ودنك بقي.
أنت تقرأ
قيود عشقها
De Todoهي لم تجرم حين أحبته! !. أعطته الأمان والراحه والحب ..ليعطيها الحزن والدموع ليصبحا رفيقيها مدي الحياه! !. فلماذا تعاقبوها علي لقب المطلقه فهي لم تختر حياتها لتصبح ما عليها .. أحبته وجرحها ..أطعمته وغدرها ..كانت له الحضن فكان لها القسوه .. هل أخطأت...
