حكايات بنات

البارت الحادى عشر

بعد مرور اسبوع
فى بيت سها و كريم
سها صحيت من النوم و كان كريم لسه نايم دخلت اخدت شاور و توضات و صليت و غيرت هدومها و صحت كريم
سها : كريم حبيبى اصحى يلا علشان الشغل
كريم : صباح الخير يا حبيبتى
سها : صباح النور يا كيمو يلا قوم خد شاور و صلى و غير هدومك على ما الفطار يكون جاهز
كريم : طب استنى ننزل سوا
سها : لا انا هنزل علشان انا اتفقت مع ماما اننا هنعمل الاكل سوا يلا بس علشان متتاخرش
كريم : طيب يا حبيبتى
و نزلت سها عند منيرة و حضرت معها الفطار هى و شذى و كريم اخد شاور و توضأ و صلى و غير هدومه و نزل كريم اول ما دخل اتفاجأ بادم بيقوله
ادم : كريم يالهوى انت سخن
كريم : لا فيه ءايه
ادم : اصلا انت مش بعادتك تنزل قبل الفطار ما يجهز احنا اللى بستناك كل مرة غريبة يعنى و انا ابقى ميت من الجوع و حضرتك لسه مصحتيش من النوم
كريم : والله
ادم : ايوة يا عم الحمدلله الجواز علمك الادب
كريم : و ءايه كمان
ادم : و بس مافيش حاجة تانية لما افتكر هقولك
كريم بغضب : تصدق انى هعلمك الادب انهاردة يا ادم
ادم بخوف : اهدى بس اتحولت علطول كده ليه انا كنت بهزر متقفش كده علطول
كريم : اتعدل كده و الا مش هاجى معاك اطلبك يارا من عمى محمد
ادم : و على ءايه انا هفضل ساكت مش هتسمعلى صوت
محمود : ما كان من الاول لازم تخليه يتعصب و قعدوا شباب يتكلموا شوية على فطار جهز و فطروا و هما بيفطروا تليفون كريم رن برقم اسر كريم استئذنهم علشان يرد
كريم بضحك: الو ازيك يا عريس طبعا اجازة من الشغل و انا متبهدل فى الشغل
اسر بحزن: الحمدلله يا كريم
كريم : مالك يا اسر صوتك ماله انت اتخنقت مع مراتك
اسر : لا يا كريم بس فى حاجة حصلت و لازم مراتك تعرف بيها
كريم بقلق : فى ءايه
اسر : روان اتصلت بمراتك كتير هى و مامتها علشان يقوللها ان عمى محمد تعب فجأة و هو فى المستشفى
كريم بقلق : ءايه اللى حصل ليه و هو كويس طمنى
اسر : محدش عارف حاجة لسه
كريم : انتو فى مستشفى ءايه
اسر : مستشفى .........
كريم : انا هقولها و اجيبها و اجى سلام
اسر : سلام
كريم دخل و هو زعلان و مضايق لانه حب عم محمد لانه عوضه عن ابوه اللى اتوفى
كريم : ماما هى سها فين
منيرة : طلعت تغيير هدومها علشان تروحوا الشغل مالك يا كريم فى ءايه
كريم : بصراحة يا ماما عمو محمد تعب و نقلوه المستشفى
ادم بقلق : هو عامل ءايه
كريم : محدش عارف لسه حاجة المشكلة انى مش عارف اقولها ازاى
منيرة بحزن : اطلع قولها و انا هغير هدومى علشان هاجى معاكم زمان سعاد منهارة
كريم : ماشى يا ماما انا هطلع
كريم طلع لسها
سها : كيمو انا جهزت يلا
كريم : حبيبتى استنى
سها : فى ءايه يا حبيبى مالك
كريم : هقولك بس توعدينى انك تهدى
سها : فى ءايه يا كريم قلقتنى
كريم : اوعدينى
سها بقلق : اوعدك
كريم بحزن : سها باباكى تعب فجأة و نقلوه المستشفى
سها بصدمة و دموع : مين اكيد انت بتهزر صح و ليه هما ما اتصلوش بيا انتوا اكيد بتعملوا فيا مقلب بابا كويس صح
كريم بحزن : اهدى يا حبيبتى و اخدها فى حضنه
سها بانفعال و دموع : ابعد عنى ابعد انت بتضحك عليا ابعد و اخدت تضرب فى كريم على صدره
كريم بحزن : اهدى يا حبيبتى انا هوديكى عنده بس اهدى
سها بعياط : طب هو بقى كويس
كريم : معرفش لما نروح المستشفى هنعرف
كريم اخدها و هى منهارة من العياط و منيرة ركبت مع ادم و محمود و شذى ركبوا فى عربيتهم و سبقوهم على المستشفى
--------------------------------------------------
فى المستشفى
سها و كريم وصلوا و شافوا اسر و احمد و هما داخليين المستشفى و دخلوا و كان سعاد و روان و اسراء و منيرة و شذى و محمود و ادم و عمة سها سميرة
سها اول ما شافت عمتها جريت عليها و حضنتها و عيطت جامد
سها بعياط : بابا يا عمتو قوليلى ان هو كويس
سميرة : اهدى يا بنتى هيبقى كويس
سها بعياط : يعنى مش هيسبنى زى تيتا
سميرة بدموع : ان شاء الله يا حبيبتى اهدى بس
سها عيطت كتير لحد اما خرج الدكتور من عنده
سعاد بدموع : ها يا دكتور محمد عامل ءايه
الدكتور : انا كنت معرف حضرتك انه لازم يعمل عملية ضرورى فى القلب و هو رفض بس دلوقتى لازم ندخله اوضة العمليات فورا عن اذنكم
و هما واقفين كلهم سمعوا صوت ارتطام شئ على الارض و كانت سها و كانت بتنزف
كريم جرى عليها و شالها و دخلها على الطوارئ شذى راحت لكريم علشان تهديه
شذى : هتبقى كويسة ان شاء الله يا حبيبى بس انت ادعيلها
كريم بقلق : خايف عليها اوى يا شذى
شذى : ان شاء الله خير
و يارا و اسراء و روان كانوا زعلنين على سها
بعد شوية الدكتورة طلعت من عند سها
كريم بقلق : مراتى عاملة ءايه
الدكتورة : للاسف هى ضغطها ارتفع و تعرضت لصدمة عصبيى حادة و ده اللى سبب اجهاض للبيبى
كريم بصدمة : هى كانت حامل
الدكتورة : انتو مكنتوش تعرفوا
كريم بحزن : مكناش نعرف
الدكتورة : ربنا يعوضكم انا اديتها حقنة مهدئ و هى نايمة دلوقتى
كريم : انا ممكن ادخلها
الدكتورة : اه طبعا بس لما تفوق ابعدوها عن اى حاجة ترفعلها ضغطها او تاثر على نفسيتها
كريم : شكرا يا دكتور
الدكتورة : على ءايه ده واجبى عن اذنكم
شذى : ربنا يصبركم
كريم بحزن : يارب انا خايفة عليها اوى
شذى : ادخلها يا كريم و خليك قوى علشان انت لو ضعفت هى هتضعف معاك يلا ادخلها
كريم : حاضر
كريم دخلها و قعد جنبها و اخدها فى حضنه --------------------------------------------------
خارج الغرفة شذى و روان و يارا و ادم و اسراء و اسر و محمود و احمد كانوا واقفين
شذى : سها صعبان عليا اوى
يارا : كل اما نقول هتفرح و نشوف ضحكتها اللى طالعة من القلب من غير حاجة مزعلها تيجى حاجة تهد ده كله
اسراء بدموع : صعب عليها بابها فى العمليات و ابنها مات يا ترى هتعمل ءايه لما تعرف
روان بدموع : المفروض منعرفهاش
اسر : ليه يا روان
يارا : انتى عارفة يا روان لو احنا مقولنلهاش هتزعل جامد مننا
روان بدموع و انهيار : انا عارفة بس لو قولنلها حالتها هتسوء اكتر نفسيتها هتتدمر مش بعيد تسيبنا و تمشى سها من اقل حاجة بتزعل نيجى احنا نقولها صدمة ان ابنها مات من قبل ما تعرف بوجوده او حتى تشوفه
اسر اخد روان فى حضنه : اهدى يا حبيبتى و اخدها بره المستشفى
اسراء : انا موافقة روان انتى يا يارا شوفتى حالتها لما جدتها اتوفت ءايه اللى حصلها و مازالت حالتها النفسية تعبانة بسبب الموضوع ده
احمد : بس اهدوا بقى و تعالوا نطمن مامتها و عمتها و نطمن على عمو محمد
--------------------------------------------------
بعد عدة ساعات
سها فاقت و كان كريم راح يشوف محمد و كانت الممرضة عند سها فى الوقت ده
سها : كريم
الممرضة : حمدلله على سلامتك يا مدام انا هروح انادى لدكتورة
الدكتورة جت علشان تطمن على سها
سها : هو ءايه اللى حصل
الدكتورة : حضرتك اغمى عليكى و...
سها : و ءايه
الدكتورة : انا هقول لحضرتك بس لازم حضرتك تتمسكى و تعرفى ان ده قدر ربنا
سها بقلق : حضرتك قلقتينى
الدكتورة : حضرتك كنتى حامل و نزفتى و البيبى نزل
سها غمضت عينيها بالم و حزن و خرجت منها شهقة صغيرة و قالت : اللهم اجرنى من مصيبتى و اخلفينى خيرا منها
الدكتورة : ان شاء الله ربنا يعوض عليكم بس انتى اهدى دلوقتى لانك لسه تعبانة
و خرجت الدكتورة و كان كريم بره و البنات كمان
كريم بلهفة : سها مالها
دكتورة : هى الحمد لله احسن بس اهم حاجة راحة نفسية
كريم : انا اقدر ادخلها
دكتورة : اه طبعا بس حاولوا تفرحوها عن اذنكم انا بقى
كريم دخل ليها و اول مافتح الباب لقى سها بتعيط بس فى صمت زعل علشانها دخل و قعد جمبها سها شفتوه عيطت اكتر و صوت عيطها بقى عالى
كريم : اهدى يا حبيبتى علشان خاطرى انتى لسه تعبانة
سها بعياط : كان نفسى يبقى ليا ابن منك مات حتى من قبل ما اعرف بوجوده او احس بيه
كريم : اهدى بقى و بعدين ده قضاء ربنا هنعترض عليه و بعدين ربنا ان شاء الله يعوض علينا
سها بعياط : كريم متسبنيش اوعدنى انك هتفضل معايا لحد اخر نفس فيا
كريم : بعد الشر عليكى انا مقدرش اعيش من غيرك
سها بعياط : بابا يا كريم عاوزة اشوفه
كريم : هو خرج من العمليات و العملية نجحت بس فى العناية و مش هينفع تتدخلى ليه دلوقتى و بعدين انتى لازم ترتاحى
كريم اخدها فى حضنه و تكلم معاه و كان بيحاول يخرجها من زعلها و بعد شوية البنات دخولها و حولوا يخروجه من زعلها بس فشلوا و بعد اما اطمنوا عليها روحت كل واحدة البيت مع جوزها و ادم و صل يارا بيت و بعدين روح مع مامته و فضلت سميرة و اياد و سعاد مع محمد و كريم فضل مع سها
--------------------------------------------------
تانى يوم
كان محمد فاق و بس فضل فى العناية و سها اتحسنت شوية و كان الكل وصل المستشفى و دخلت منيرة ولسها و شافتها و بعدين راحت عند سعادالبنات كانوا بيتفقوا ازاى يفرحوا سها قابلوا صاحبتهم الاء و هى دكتورة اسنان و اتفقوا يتصلوا باقى البنات و يدخلولها و جم البنات
--------------------------------------------------
عند سها
كريم : يلا افطرى بقى علشان تاخدى دوا و بعدين تروحى تشوفى عمو محمد
سها : حاضر يا كريم
كريم : حبيبتى انا عارف ان اللى حصل مكنش سهل بس علشان خاطرى اضحكى انا بضايق علشانك اضحكى يا حبيبتى و بعدين ان شاء الله ربنا هيعوضنا و ربنا قال ((و عسى ان تكرهوا شيئا و هو خير لكم)) اكيد ربنا ليه حكمة فى كده و الحمد لله عمو محمد بقى كويسة و هيتحسن و هيرجع البيت
سها بعياط: مش قادرة يا كريم
كريم : حاولى علشان خاطرى و علشان كل بيحبوكى
سها : حاضر يا كريم
كريم : اسمها حاضر يا حبيبى و يلا كلى
سها اكلت و اخدت دواها و كريم تكلم معها علشان يخرجه من حزنها و قاطعهم دخول البنات
الاء خبطت : بقى كده يا كلب البحر متعزمنيش على فرح انا ازعل و اجيب ناس تزعل و راحت جنبها و قالتلها : وسعى رجلك كده و قعد جنبها على سرير
كريم لسها : هى مين دى
سها : دى الاء صاحبتى يا كريم و وبعدين وجهت كلامها لالاء : علفكرة الناس طبيعية بتدخل تقول السلام عليكم و بعدين انتى مدفع و تفتح فى وشى براحة شوية
كريم : طيب يا حبيبتى انا هسيبك مع صحابك و هاجى تانى مش عاوزة حاجة
سها : لا شكرا يا حبيبى
كريم خرج ساب سها مع البنات
الاء بتريقة  : لا شكرا يا حبيبى يا محنى ءايه يا بت المحن ده فين ايام ما كنتى بتزعقى فينا و صوتك يسمع الجيران
سها : هو انتى حد بيقدر عليكى
بسنت : فى دى معاكى حق ميقدرش عليها الا ربك
الاء : ما تلمى نفسك يا بسنت علشان متنضربيش
بسنت : انا اسكت احسن
الاء : ايوة كده
سها : بس يا بت صوتك عالى و انا صدعت منك
شذى : تعرفى دى اول مرة اشوفك فيها بس حبيتك و باين عليكى مشكلة
الاء : والله انتى اللى عسل انتى و بنوتك  معرفش انتى مستحملة مرات اخوكى دى ازاى و شاورت على سها
سها : ما تلمى نفسك كده و كملت كلمها لشذى : امال فين لارا
شذى : بره مع محمود
سها : هاتيها وحشتنى اوى
شذى : يا بنتى انتى تعبانة و هى هتتعبك
سها : لا على قلبى زى العسل بطلى رخامة بقى و هاتيها
شذى : امرى لله حاضر
شذى خرجت و جابت لارا و لعبوا معها و قعدوا يتكلموا و يهزروا و سها بدات تخرج من حزنها
--------------------------------------------------
عند الشباب
بعد اما كريم خرج كان ايد جه علشان يشوف سها
اياد : كريم اخبار سها ءايه
كريم : الحمدلله بقيت كويسة و هى معاها زمايلها دلوقتى قولى انتى اخبار عمى محمد ءايه
اياد : هما حطونى تحت ملاحظة و ان شاء يخرج بكرة من العناية و نقدر نشوفه
كريم : ان شاء الله...
★★★★★★★★★★★★★★★★★
                     يتبع .....