إغتصبو اخي

اغتصبو أخي

#إغتصبو أخي 2
كيف بنجيب معلومات عليه باش ننتقم منه احسن شي نكلم عمامي وخوالي
عمي باهي بشوية ع الباب هدي إنتي خيرك مستعجله
أنا لقيته ياعمي الى شد احمد لقيته
عمي وين لقيتيه
أنا تعالا معايا لازم تشدوه وتقتلوه
عمي لحظة بس وكلم عمامي الأخرين
انا عندي ثلاته عمام والحمد لله كويسين معانا غير كان يفتكو من نساوينهم عماتي مش متزوجات وكل وحده ف جيهة
عمي ادم تي هذا حوش عيت......
عمي منصور دور للحوش تي هدو والله لما يقطعونا ويحدفونا للكلاب
أنا ياماما اهو عمامي توا يأخدو حقنا من الحقير الى وصل أحمد للحالة هدي وخوتك مانعرفش خيرهم الناس كلها شادة الظهر بخوالها الا أنا لاخوال لا هم أحرف
ماما إنتي عارفه خوالك وليش مايبو يجونا
انا خلاص يماما انتي تزوجتيه بابا وجبتي صغار وطلقتي ليش مايبو يفوتو الموضوع ليش الحقد والكفر ماهو جدي كان راضي لما عطاك هما شن دخلهم
ماما الله غالب الله غالب
انا ياماما فوتيه دور المسكينه
نور فتحت الباب
انا جري شن صار قتلوته ولاشنقتوه
عمي ادم يابنتي سكري ع الموضوع أحسن لأن الناس هدي مش ساهلة هدو عيت .....
ماما هدو نخدم عندهم كل شهر نمشي نخدم عندهم
أنا لا والله أمي تخدم عندهم وخويا اغتصبوه وشن مازال بيديرو
عمي منصور خلاص اسكتي ومعاش تتكلمي نحنا الى نعرفو مش تي هاذو كان وقفنا قدامهم حايحدفونا وراء الشمس
أنا خشيت لدار وقعدت نبكي ابيخ شي تحس انه ماعندك سند ف الحياة
ماما نوضي يابنت سادك بكاء هلكتي روحك بالبكاء
أنا نضت صليت ركعتين ودعيت ربي ومشيت لماما نبي نتكلم معاك
ماما قولي
أنا ماما عاجبك حال أحمد يتخلع ويبكي ومعاش يطلع من داره غير التبول اللإرادي الى جاه ف العمر هذا قولي عاجبك ماسد الفقر الى عايشين فيه وبابا الى مسيبنا وخوتك الى كأنهم مايعرفونا
ماما الله غالب يابنتي هكي حياتنا شن بنديرو ماعندي ليكم جهد
أنا معاش تقولي الكلام هذا مليت وأنا نسمع فيه نبي نقولك حاجة معاش نبيك تخدمي من اليوم ف الحياش انا بنخدم ف مكانك إنتي شدي الحوش وردبالك ع أحمد
ماما شن تبي الناس تقول علينا نهبلتي إنتي ولاشن
أنا مادخلي ف الناس بعدين الخدمه مش عيب
ماما شاوري عمامك قبل
أنا وهذا لنبيه منك ماتقولي لعمامي يعني من اليوم حياتنا تخصنا بروحنا
ماما شن بنقولك والله ماني عارفه
أنا إدعيلي إنتي وهاتي شفرتك باش الى يكلمني نرد عليه انا
ماما ربي يهديك يابنتي وعطتني شفرتها
فاتو أيام وبديت نخدم ف الحياش مسكينه ماما قداش كانت تعاني على خاطرنا وفى يوم قاعدة نخدم ورن تلفوني
أنا السلام عليكم
المتصلة سامية وعليكم السلام مش هذا رقم شريفة .....
أنا ايه تفضلي انى بنتها
سامية أمك وين
أنا ماما مريضة
سامية ربي يشفيها قبل موعدنا غدوة باش تجي تنظف
أنا تفضلي بديت نخدم ف مكانها
سامية انا تعودت ع أمك الحق مشاء الله عليها
انا جربيني ومش حاتندمي
سامية خلاص غدوة موعدنا الساعة8؟
أنا بإذن الله وسكرنا وأخيرآ غدوة بنتلاقو ياحقير ياواطي وحاتندم
روحت للبيت وانانراجي ف غدوة أمتى يجي
ف الصبح نضت من الفجر صليت وفطرت ولبست ودرت شوية لمسات بسيطة
ماما وين
أنا جيران عيلة........ كلموني ويبوني نجيهم
ماما ردبالك ع روحك
انا ان شاء الله
وصلت للفيلا ومنظرها من قريب يهبل الله محلاها شن فيها ياربي كان نحنا جينا زي الناس هادي
رنيت الجرس وفتحلي واحد طويل وأبيض عنده لحية ولابس سروال بيج وتشيرت أبيض وحاط النظارات الشمسية فوق راسه كان شخصية
انا السلام عليكم
الشاب وعليكم السلام تفضلي
أنا ابلة سامية موجودة
الشاب إيه تفضلي وكان يشوفلي من فوق للوطه
انا كلمها ليا قولها جاتك رهف
الشاب عاشت الأسامي يارهف
أنا تسلم وخش زعما هوا هذا نفس الطول ونفس الجسم بس يومها ماشفت عيونه
خلي نخش ونتأكد قبل وبعدها ندير الى ف راسي
سامية أهلين تفضلي يارهف
انا كيف حالك أبلة سامية
سامية بخير والحمد لله شن حال امك
أنا الحمد لله حالها باهي تي سبحان الله ماتقول هذى ولدها يدير هكي
سامية جابتلي مواد التنظيف فؤاد تعالا وين ماشي
فؤاد الشاب الى فتحلي نعم يام
سامية وين ماشي
فؤاد قاعد
سامية نبيك تجيب القضية
فؤاد باهي حاضر وكان مركز فيا هلبة ويشوفلي
أنا بنبدا من فوق قبل
سامية أبدي من وين مايريحك
أنا ركبت الفوق وأغلب الغرف مسكرات لأنهم راقدين بديت ف التنظيف وكل مرة ينوض حد ويفوت من جنبي الى عرفته انهم ثلاثة بنات وثلاته ولاد معناها الى فتحلي الباب هو نفسه الى شد أحمد لأن الولاد أصغر من فؤاد معناها حانبدا ف اللعب بس مرة ف الشهر هلبة وهكي مش حاندير شي لازم ندير حل اليوم
ووووه ظهري نكسر وسخنت حولت الوشاح وفتحت شعري وكنت بنلفه الفوق ونسمع واحد قال إحم
انا شفت ورايا يتبع