6
ووصلت كارمن لحضانه تاني بعد ما خلصت مقابلتها مع محمود فهي أرتاحت له قليل وهتسيب نفسها لحياه مره تانيه فمن حقها تعيش تاني ..قابلها أدم وهو يجري عليها يحضنها اول ما شافها وهي حبيته أووي.
كارمن وهي تبوس خده: حلاوتك يا حلو عامل ايه بقي.
ادم: الحمدلله بس أنتي سيبتني ومشيتي ليه!
كارمن: كنت في مشوار بسيط.
ادم:مش احنا صحاب عرفيني بقي كنتي فين!
كارمن بضحك: ده انت كلامك سابق سنك ..ماشي يا سيدي هقولك.
ادم: ها بقي
كارمن: كنت معزومه مع عريسي
ادم بحزن: ايه ده هتجوزي وتسيبني!
كارمن: لا مش هسيبك وهشوفك كل يوم برضو
ادم: وعد!
كارمن: وعد يا سيدي ويلا بقي نشوف اللي ورانا
ادم: اشطا يلا.
******************
في بيت كارمن وكاميليا بليل..في الصاله قاعدين كاميليا وابوها وامها
-ها يا حاج ايه رايها في محمود!
غسان: مش عارف يا حنان لسه معرفتنيش حاجه.
حنان: بت يا كاااارمن!
غسان: بتعملي ايه يا حنان
حنان: اصبر يا حاج
خرجت كارمن من اوضتها وهي تقعد جمب امها
حنان: ها قررتي ايه!
كارمن: مستعجله ليه يا حنون عليا!
حنان: بت اخلصي بلاش مقاوحه
كارمن: شايف يا حاج مراتك شايف!
كاميليا: لو لقيتي أمنا الحقيقه يا كارمن ابقي صحيني
كارمن: طب تعرفي أسم الجامع يا ماما
حنان بأستغراب: جامع ايه!
كارمن: اللي لقيتنا عنده
حنان: أقسم بالله لو محترمتوا نفسكم لكون حدفه شبشب في دماغكم يمكن تعقلوا
قهقه عليها غسان: بيهزروا معاكي يا حنان عيالك وانتي عارفهم
حنان: معرفش هو انا عليا ذنوب وبيكفروني عنها ولا ايه بظبط!
كاميليا: بتشيلي في قلبك كتير يا حنون
حنان: اخرسي يا زفته وانتي يا زفته التانيه قررتي ايه
كارمن: في مين!
حنان بغيظ: في موتي
كارمن: ألف بعد الشر عليكي يا حنون
حنان: كاااارمن
كارمن: خلاص متزوقيش احم أنا موافقه
حنان بفرحه: بجد يا الف نهااار يا ابيض
غسان: مبروك يا بنتي ويارب أشوفك فرحانه دايما يارب
أبتسمت له بحب: يارب ياباابا
كاميليا: لولولوليي وعندنا فرح وأنتوا لا
كارمن: يلا يا هبله
غسان: طب خدي أجازه من شغلك يومين عشان هيجي يوم الخميس هتبق قراية فاتحتك والخطوبه
كارمن: تمام يا بابا..هقوم انام بقي
كاميليا: شديني في أيدك يا عروسه
كارمن: يلا
غسان: الحمدلله انها وافقت
حنان: متتخيلش فرحتي عامله ازي يا حاج
غسان: اهم حاجه تكون هي فرحانه بقرارها ده
حنان: أكيد كارمن مش بتوافق غير لما تكون مقتنعه
غسان: يلا طفي النور خلينا ننام عشان ورانا شغل بكرا.
حنان: تصبح علي خير يا حاج
**************
مالك يا ادم قاعد لوحدك كدا ليه المفروض تنام وراك حضانه بكرا!
ادم: مافيش يا بابا مش جايلي نوم
شاله ريان وقعده علي رجله وهو يقول: هتخبي علي بابا يا ادومه
ادم بحزن: اصل خايف الميس بعد ما تمشي مشوفهاش تاني
ريان: طب ما أكيد في كذا ميس تانين!
ادم: لا ميس كارمن الوحيده اللي حبتها واتعلقت بيها اكتر
أنت تقرأ
قيود عشقها
Randomهي لم تجرم حين أحبته! !. أعطته الأمان والراحه والحب ..ليعطيها الحزن والدموع ليصبحا رفيقيها مدي الحياه! !. فلماذا تعاقبوها علي لقب المطلقه فهي لم تختر حياتها لتصبح ما عليها .. أحبته وجرحها ..أطعمته وغدرها ..كانت له الحضن فكان لها القسوه .. هل أخطأت...
