بسم الله الرحمن الرحيم
بقلم: زهراء البياتي
اتمنى لكم قراءة ممتعه ❤🌷
جنت واكفه كدام الباب واباوع علي وايدي ترجف بس ماكو غير حل
حته لو ابوس الايادي المهم بناتي يرتاحن
رحت دكيت الجرس واني كلبي يرجف
شنو مصيري حيكون يتقبلوني لو لا ؟؟
لا لا شلون اني اقبل لنفسي ادخل لهل بيت
لا مستحيل درت وجهي ومشيت
بعدين وكفت وذكرت محمد والادويه والمصروف
والمسواك والايجار والمولده
غمضت عيني ورجعت وكلت اليصير يصير
مديت ايدي ودكيت الجرس وكمت ارجف من الخوف
ومن التوتر وافرك ايد بأيد
طلعتلي وحده شابه يطلع عمره بكد ارجوان
ركزت بيها بس معرفتها
وجان تحجي بتنعوص وتعوج حلكها
يا خايبه شبيها هاي
سميره..نعم خاله منوو انتي
نهى..ها هلا يبعد خالتج
جدج عادل هنا؟؟
سميره..اي موجود بس منو انتي
..كوليله نهى مرت محمد تريد تحجي وياك ضروري
..لحضه
راحت واني بقيت بالباب
ربي اريدك تسهل امري
اتأخرت البنيه بالنص ساعه وبعدين اجت
سميره.. اتفضلي
دخلت من الباب واني شوي عندي امل
ماطول دخلني لبيته يعني اكيد مشايل عليه
دخلت من الباب وجان صاله جبيره وبيها تخم ضخم
بقيت صافنه الظاهر مغيرين كولشي بهل بيت
وحته مكبري وصاير احلا
اباوع عل الارض كولها مرمر والتحفيات والالوان
والتنسيق الراقي نفس بيوت الاتراك بالتلفزيون التشوفهم ارجوان كاتلتني بمهند ونور و اسمر مادري منو
دخلت واني كلبي يدك عل سريع
ومخايفه منهم لا خايفه لا يذلوني
بس شسوي لازم اختار الطريق الصح لبناتي
دخلتني وراها هم صاله واكبر واحلا بقيت بحيث صافنه هاي فيلا مو بيت وبس اباوع والبنيه كدامي تمشي وتأفأف معاجبها العجب
كعدت ودارت وجهه وكالت
..جدو وبيبي هسه يجون انتضريهم هنا
هزيت براسي بمعنى اي
وهيه اخذت الريموت ونصت التلفزيون
وشغلت السبلت وباوعت عل ساعه وهيه ضايجه
بعدين عافتني وراحت
الظاهر دتنتظر احد
بقيت كاعده صافنه شلون اكلهم بالخبر
شلون احجي وياهم شلون اتفاهم شلون اطلب منهم
وجان شوي ويدخل علي عمي عادل هوه ودشداشته البيضه وطوله ولحيته المليانه شيب
وساعته بأيده اليسرى والعوجيه مالته الذهبيه
ودخلت ويا خالتي شيخه زوجته واسم على مسمى
شعرها المليان شيب من الكبر
وعيونها السود وحواجبها الثخان وبياضها والتجاعيد البوجهه بس بعدها بجمالها واناقتها وطبعا تعابير الحزن نفسهن اول معفتها ليهسه موجودات ع وجهه
أنت تقرأ
فراشاتي والزمن (مكتمله)
Romanceقصه حقيقيه باللهجه العراقيه فراشات في زمن لا يرحم فماذا يكون مصيرهن؟!🌷
