تعريف سريع بشخصيات القصه الصغيره دي في بنوته جميله في القصه اسمها حياه كانت صغيره عندها 16سنه بس كانت طيبه وجميله وبتحب كل الناس ...........شخصيه كمان وكان اسمها مريم كانت اخت حياه التوئم وكان عندها 16 سنه بردو .......شخصيه مامتهم فريده كان عندها35سنه .....شخصيه تقي صاحبه حياه في الفصل كانت اطول من حياه ودمها خفيف وشعرها طويل وبتحب الهزار والكلام .....واسماء صاحبه مريم في الفصل كانت بنت قصيره شويا بس لمضه جدا وبتلقط اي حاجه وهي طايره كانت عسوله جداً ودمها خفيف ......شخصيه هتظهر مع الاحداث شاب اسمه اسر عنده 24سنه اسر كان طويل جدا وكان وسيم الي حد ما عرض بقي وعضلات وكدا 😉
______________________________________
حياه ومريم كانو عايشين مع مامتهم بس كان بابهم بعيد بس هو كان عايش بعيد عنهم كانو بيحبو مامتهم جدا الي ربتهم علي المبادئ والاخلاق وكل الحلو ربتهم علي الحلو بس نسيت تعرفهم ان في ناس وحشه كتير ومش كلهم حلوين زيهم كانت مامتهم مش زي باقي الامهات كانت بتعوضهم عن غياب ابوهم الي نسيهم وكان ديما ناسيهم كانت بتديهم كل الحنان الي احتاجوله من الطرفين وكانت قايمه بدور الراجل والست علي اكمل وجه من غير اي تقصير .
وطبعا كانو لسه بيدرسوا وطبعا زي المعتاد مامتهم راحت معاهم اول يوم مدارس مع انهم كبار وفي ثانوي بس كانهم بيتشجعوا بوجودها جنبهم ومعاهم دخلو المدرسه وطبعا كانت الصدمه الاقوي ان حياه ومريم مش مع بعض في نفس الفصل وكل واحده فيهم في فصل شافوا بنات اشكال والوان لان المدرسه طبعا بنات بس وزي ما مامتهم نسيت تنصحهم ان في ناس وحشه ومش كل حد هيقابلوه كويس كل واحده فيهم راحت فصلها وقعدت في حالها لحد مبدات تاخد علي الجو شويا وشويا في فصل حياه كان قاعد جنبها بنت اسمها تقي كانت ديما بتحاول تستدرج حياه عشان تتكلم معاها وفعلا حصل واتكلمو واتصاحبو علي بعض وقضو سنه سوا وحياه بدات تتعود علي غياب مريم الي اتغيرت معاها ومبقتش توئمها زي زمان واتعودت انها مش معاها في نفس الفصل مش بيتكلمو كتير مش بيروحو دروس سوا وكل واحد بدا يشوف حياته فيهم ..
جت ايام امتحانتهم حياه كانت مهتمه بمذاكرتها ودروسها جدا اما مريم كانت عكسها تماما
عدت امتحانتهم الي كانت جايه في صالح حياه لانها كانت بتذاكر وكدا اما مريم ف كانت العكس واليوم الي النتيجه بانت فيه ظهر ان حياه نجحت بمجموع عالي اما مريم شالت مادتين وعادتهم في الصيف لما خدوا الاجازه حياه بدات تجهز نفسها للسنه الجايه الانها كانت علي نظام السنتين الثانويه العامه هي كانت ضعيفه في الانجليزي ومكانتش بتحبه جدا
حبت تعلي من نفسها اصلها مش هتفضل حياتها كلها كدا بتكره الانجليزي وفعلا اقترحت علي مامتها انها تاخد كورسات انجليزي وكدا ومامتها رحبت ب الفكره دي جدا لانها كانت شايفه في حياه مستقبل احسن عن مريم الي كانت مستهتره بكل حاجه وفعلا نزلت حياه دورت علي اماكن ممكن تاخد فيها كورسات انجليزي ولقت وراحت عملت امتحان تحديد مستواها وساعت اما نتيجته ظهرت بان ان مستواها مش حلو وبردو مش وحش لما لقت كدا اصرت انها تاخد الكورس دا
وفي اول سشن لقت ناس كبيره داخله عليها ومنهم اسر الي اتعرفنا عليه فوق كلهم قعدو وجت التيتشر بتاعتهم رحبت بيهم وبدا كل واحد يعرف عن نفسه وبداو السشن اسر كان قاعد ساكت بص باصص ف وش حياه لدرجه انها لما خدت بالها يدات تتكثف ووشها يحمر وتبص في الارض تاني وهما ماشيين اقترح عليهم يعملو جروب علي الوتس اب ويتكلمو عليه انجليزي عشان يحسنو بعض وطبعا حياه شافتها فكره كويسه جدا عشان تطور من نفسها قبل المدارس تاني بس اسر كان عكسها وغرضه انه ياخد رقمها ويكلمها مش اكتر وفعلا اتكلمو علي الجروب مره واتنين ودخل اسر كلمها برايفت طبعا هي متعرفش دا رقم مين ف سئلته مين
اسر :انا اسر يا حياه
حياه :اسر اه طب اي الي دخلك تكلمني هنا احنا عاملين الجروب عشان نفيد بعض وبس يا اسر مفيش داعي لكلامنا هنا
اسر : استني بس انتي فهمتيني غلط انا مش عايز حاجه بس كنت حابب اعرفك اكتر
حياه :وتعرفني ليه يا اسر متهيئلي اتعرفنا في الكورس
اسر : عادي صحاب مش اكتر
حياه :اسفه يا اسر مش هيحصل ومش هينفع وقفلت
اسر في نفسه : شكلها هتجنني معاها وهي جننتني من ساعه مشوفتها اساسا
حياه في نفسها :وقلبها بدا يدق وضميرها يقولها انها غلطت وكان المفروض تسمعه ومتبقاش دبش كدا .
حياه نامت من كتر التفكير في اسر واسر قعد طول الليل يفكر فيها
صحيت حياه الصبح أول ما فتحت عنيها وفتحت شباك اوضتها مسكت فونها ودخلت كتبت لاسر انا اسفه علي اسلوبي بتاع امبارح ومفيش مانع نبقي صحاب طبعا اسر كان نايم وقتها واول ما صحي اتبسط جدا ب الرساله دي وبداو يتكلمو كتير جدا اغلب يومها كان كلام معاه وهو نفس الكلام من اول ميصحو لحد مينامو سوا وهما بيتكلمو وفضلو علي نفس الحال دا لمده 7شهور لحد اما جه يوم واسر كلم حياه وقالها انا عايز اعترفلك بحاجه قلبها اتقبض بس حاولت متبينش دا وقالتله طبعا اتفضل
اسر :انا عارف ان كلامي دا جنان بس هو دا الي انا حاسه من نحيتك
حياه : في اي يا اسر متقلقنيش
اسر : ممكن متقاطعنيش وتسمعيني للاخر انا بحبك يا حياه بحبك ومش عايز غيرك في حياتي عايزك تبقيلي كل حاجه
حياه : اتصدمت وخافت بس فرحت وردت رد سريع طب وفرق السن الي بنا طب وان انا اصغر منك بكتير وانت مش هتستناني دا كله لحد اما اخلص ومستقبلي وانت يا اسر لي تربط نفسك جنبي كل دا
اسر : بس انا بحبك وكل دا هيهون طلما بحبك وهفضل مستنيكي ودا ميخصكيش ولما تخلصي ثانوي هاجي اتقدملك .
حياه : نامت وهي طايره من الفرح ومبسوطه جدا ووافقت انهم يرتبطو وقعدو مرتبطين سبع شهور كمان طبعا مع مشاكل وخناق وبتتحل ب الحب عادي كانو متفقين انه مش هيشوفها ولا هيخرجو سوا ووافق وزادت مكانتها في نظره اكتر وعرف قد اي هي واحده مؤدبه وبتخاف ربنا وبتخاف علي نفسها وفي يوم اتخانقو سوا وقرر انه هيسيبها كانت كسره قلب حياه في كل كلمه هو بيقولهالها زي احنا مش هينفع نكمل مع بعض وغيره كتير وبدات تعيط ودموعها تنزل من غير ما تحس حاولت تجمع نفسها قبل ما اي حد ياخد باله وهو بدأ يعملها بلوكات من كل حته ممكن يتكلمو عليها قعدت سنتين كاملين قافله علي قلبها المكسور ومبتدخلش حد حياتها ولخصت نفسها للمذاكره ووقفت الكورس عشان مذاكرتها وبعد نتيجه تالته ثانوي ولما عرفت انها نجحت ومجموعها كبير فرحت بس كان نفسها يبقي اسر معاها عشان يفتخر بيها زي ما كان بيقولها زمان كانت قاعده وبتجهز نفسها عشان تنزل لقت الباب بيخبط راحت تفتح لقت ست كبيره في وشها ووراها اسر وبباه راحت قالتلها مش هتدخلينا ولا ايه يا عروسه بصتلها باستغراب وتنحت ..ها وبصت لاسر وافتكرت وجع قلبها وقالتلها اها طبعا اتفضلو دخلو وراحت ندهت علي مامتها واسر بص لمامتها وقالها هي متعرفش حاجة زي ما اتفقنا صح ردت مامتها قالتله اه متعرفش حياه بصتلهم ب استغراب وقالتلهم معرفش ايه ؟
اسر : لما قولتلك اني هسيبك مكنتش هسيبك قولتلك كدا عشان عارف ان عندك الي هتحبي تثبتيلي بيه انك عديتي من غيري ومتعبتيش بعدي هيخلوكي تتقدمي في دراستك انا وفيت بوعدي يا حياه وجيت اتقدملك في النور وعرفت مامتك كل حاجة محستش بنفسها غير وهي بتظغرط ومبسوطه جدا ومسكت دبلته حطتها في صوباعها ووقفت تتفرج عليها وتظغرط وقالها ان كل حاجه جاهزه ومش ناقص غير العروسه ف تالته جامعه يتجوزو وتاخد سنه رابعه وهي معاه في بيته
وفعلا حصل وعملو الفرح رغم المشاكل الي كانت بينهم الكتير اوي قبل الفرح وراحت حياه حجزت الفستان والكوافير واسر اشتري بدلته وحجزو القاعه وظبطو الدنيا وفي يوم الفرح قدو ليله جميله وروحو نامو في بيتهم الليله دي وسافرو شهر العسل وقدو ايام حلوه هناك مامت اسر كان نفسها تشيل ولاده وخصوصا انها كانت تعبانه جدا وهنا بدات المشاكل تبدا عشان عدي سنتين وهما خدو وقت علي ما حياه تجيب اطفال راحو لدكتور وكانت الصدمه ان حياه عندها مشكله ومش بتخلف قفلت علي نفسها اوضتها وقعدت تعيط وتقول ليه كدا يارب ليه انا مهو كل الناس عندهم ولاد وبنات اشمعنا انا واسر كان قاعد وساند ضهره من برا وسامعها وسامع عياطها سابها لحد اما هديت ونامت من كتر العياط مكانها واسر فضل صاحي طول الليل بيفكر يعمل ايه يطلقها ولا يكتفي بيها ولا يتبنو طفل ولا يعملو اي لحد اما نام من كتر التفكير والارهاق وتاني يوم صحيت حياه ظي كل يوم غسلت وشها وراحت عملت لاسر فطاره وحطتهوله علي السفره هو صحي شافها نده عليها
اسر : حياااه
حياه :نعم !!!
اسر :انتي مش هتفطري ؟
حياه : لا مليش نفس مش جعانه
اسر :طب تعالي انتي عارفه اني مش بحب اقعد اكل لوحدي .
حياه :حاضر هعمل شاي وهاجيلك اعملك معايا ؟؟
اسر : شاي بلبن تمام اعمليلي
حياه :حاضر
راحت حياه عملت الشاي ورجعت قعدت جنب اسر وقالتله اتفضل الشاي
اسر :شكرا تسلم ايديكي
حياه :تسلم
اسر : حياه انتي محتاجه راحه شويا تحبي تروحي عند مامتك يومين واجي اخدك تاني !؟
حياه :انا عايزه اطلق !
اسر : وهو في صدمه وزهول ..ليه يا حياه !؟ هو انا دايقتك في حاجه ناقصك حاجه ومعملتهالكيش !؟
حياه : ودموعها نازله لا دا هينقصك انت الي تشيل او يشيل اسمك !
اسر قاعد بيفكر تفكير مميت في كلامها وفي مامته الي كل شويا تتخانق معاه من ساعة ما عرفت ان حياه مش بتخلف في انه يطلقها ويتجوز الي تجيبله الي يشيل اسمه وساعتها فاق علي صوت حياه
حياه : طلقني يا اسر
اسر : ب اندفاع وتسرع انا مش هطلق حد وبعصبيه قالها حابه تروحي تقعدي عند مامتك يومين تريحي اعصابك تمام مش حابه خليكي وانا مش هطلق حد
حياه : اتصدمت من عصبيته عليها وادايقت وردت ب اندفاع اكبر منه معناه اي دا يا اسر
اسر : معناه زي مفهمتي مفيش طلاق
حياه : بس انا مش هستحمل تروح تتجوز عليا !!
اسر : مسكها من دراعها وبعصبيه قالها ايه اتجوز عليكي ليه ناقصك ايه عشان اتجوز عليكي انا مكتفي بيكي انتي بنتي ومراتي وحبيبتي .
حياه : بتعيط انا اسفه يا اسر ممكن توديني عند ماما !؟
اسر : طيب قومي اغسلي وشك وحضري هدومك وانا هغير هدومي وهاجي اوديكي.
قامت تعمل الي هو قالهولها وهو قام يلبس وفي دماغه تفكير هو ليه قالها انه مش هيطلقها ليه رفض مع انها عايزه كدا
حياه راحت قعدت مع مامتها واختها مريم في البيت
اسر ماشي مش شايف قدامه ومدايق وفي دماغه افكار كتير اوي وحاسس ب العجز لانه مش عارف يتصرف وعدو اليومين الي حياه كانت عند مامتها فيهم ورجعت بيتها وكل واحد فيهم ف اوضه بيشوفو بعض في الوجبات بس
حياه:عامل ايه في شغلك ؟
اسر :وهو يهمك في حاجه ...من ساعه مجيتي وانتي قاعده في اوضه ومش راضيه تدخليني حتي مبتسئلنيش عامل ايه وتصحي بدري قبل ما اصحي تحطيلي اكلي علي السفره وتقفلي علي نفسك تاني
اسر : هو انتي عايزه ايه يا حياه للدرجه دي مش طايقه العيشه معايا عشان مبتخلفيش مع انها مشكلتك بس انا رضيت بيها وقولتلك انتي بنتي للدرجه دي عايزه تتطلقي !؟
حياه : اه طلقني يا اسر
اسر :بصلها بقسوه وبشفقه وقالها انتي طالق يا حياه
حياه : بصتله وتنحت بذهول ومشيت من قدامه
حضرت هدومها وخرجت وداها عند مامتها بس المره دي مطلعش معاها وسابها ومشي راح شغله عمل اجازه لمده شهر
روح عند مامته وقالها بنظره عتاب طلقتها استريحتي كدا ؟
اتصدم من رده فعل مامته عشان قامت زغرطت وسابها ونزل
عدي سنه كامله ميعرفش اي حاجه عن حياه بعد اما طلقها وفي يوم مامتها اتصلت ب اسر
اسر : الو مين معايا
فريده : للدرجه دي مسحت كمان رقمي ماشي انا ام حياه يا اسر
اسر :لا ممسحتهوش بس التليفون اتسرق خير في حاجه !؟
فريده : كنت جايه اقولك ان مراتك قصدي طليقتك حامل وهتولد الاسبوع الجاي
اسر : ايه حامل !ازاي يعني الدكتور قال انها مش بتخلف
فريده : هو الدكتور دخل في مقدره ربك !؟
اسر :ونعم ب الله طبعا بس مقولتوليش ليه
فريده : حياه متعرفش اني كلمتك انا كلمتك من وراها هي مكانتش هتقولك اصلا مهو انت من ساعة مطلقتها مسئلتش عليها
اسر : رجع تاني وقال لمامته وقالها انا عايزها وهرجعها وعايز ابني او بنتي يتربوا معايا .
مامته: بصتله ب استغراب وردت هو انت فاكر ب السهوله دي انت سايبها سنه كامله
اسر : يعني ايه !؟
مامته : يعني لازم تسامحك
اسر :اجهزي عشان هنروحلهم
مامته :طيب
نزلو اسر ومامته راحو لحياه واتصدمت لما لقتهم في وشها وبنتها علي دراعها راح اسر سلم عليها ومامته ودخلو قعدو واسر اعتزر لحياه وحضن بنته وقالها انه عايز يرجعلها
وهي بصت في الارض ووافقت واتكلم معاها
في يوم من غير متعرف عملها مفاجئة وراح اخدها وراحو مطعم حلو جدا وهو مغمضلها عينيها وكان المطعم فاضي ومفيهوش حد خالص ولما دخلت وفتحت عينها لقت علي كل حاجه انا اسف يا حياه انا اسف ومش هتحصل تاني بصت لاسر وعينيها كلها دموع وقالتله اسر انا بحبك اوعي تسبني تاني راح حضنها وباس ايديها وقالها والله مهتحصل تاني يا حبيبتي متزعليش مني حقك عليا وصادفت ان صاحب المطعم دا عاش نفس القصه هو و حبييته وحصل بينهم مشاكل بس قدرو يتغلبو عليها سوا راح اسر فتح علبه فيها خاتم ودبله وقالها زي ما وعدتك مسبكيش متقلعيهاش تاني ابدا ..وفتحو المطعم ودخل صحابهم كان اسر متفق معاهم قعدو يسقفوا جامد وفرحولهم جدا واسر اتجوزها تاني وربوا عيالهم سوا 💓♥️
