8
في بيت ريان وشاهنده
شاهنده: ايه اللي ظهرها في حياتنا تاني هو الواحد ناقص
ريان: حاسبي علي كلامك في ايه!
شاهنده: هو ايه اللي في ايه!! لا متقولش أنك حنيت ليها وصعبت عليك!
ريان: مقولتش اي نيله واللي حصل صدفه وكويس أنها ظهرت
شاهنده: نعم يا أخويا كويس ايه لا ده ضربت منك خااالص بقي
شاهنده: صوتك يوطي وأحترمي نفسك واقصد بكلمة كويس أنها ظهرت عشان في موضوع عايزاها فيه
شاهنده بسخريه: وايه الموضوع اللي بين عنتر وعبله ممكن أتشرف وأعرف!
ريان ببرود: لا ميخصكيش
صرخت في وشه: أنت عايز تجنني في ايه يا ريان متنساش أني مراتك يعني أحترم غيرتي عليك وأحترم وجودي شويه
قرب منها وهو يحط ايده في جيب بنطلونه الجينز الازرق: ومتنسيش أنها كانت مراتي الأولي ومتنسيش ظروف جوازنا يعني اللي بيني وبينك عشره وبيني وبينها كان حب
ليكمل كلامه وهو يربت علي وشها بأبتسامه: فاهماني !!يعني بطريقتك ديه بتخليني أتحمس ارجعها وأبعد عن نكدك وشكك ده بدل ما تكسبيني في صفك!
شاهنده: هي بقت كدا يا ريان!
ريان: ليه هتهدديني! ! هتقولي هسيب البيت وامشي انا وأدم براحتك واضح أنك بتفتحي سكتي لرجوع ليها
شاهنده: لا هي مخطوبه اصلا ومش هتبص في وشك تاني بعد ما طلقتها
ريان بعصبيه وعيون حمرا: متاخديش عليا اوووي عشان متندميش وانتي عارفاني لما بتعصب مش بشوف تحت رجلي يعني اخفي من وشي ولمي دورك شويه ها ولمي غرورك معاكي قال غيره قال أقولك انا داخل اتخمد
شاهنده بغل: بقي كدا والله لوريكي يا كارمن ومش هخليكي تاخدي مني جوزي ولا أدم وهنشوف يا عملي الأسود
&&&&&&&&&&&&&&&&
حنان: بت يا كارمن أنتي وأختك يلا قوموا
كارمن وهي تتاؤب: بعدين بعدين
حنان: كاميليا قومي يابت
كاميليا: هو مافيش غير كاميليا قومي قومي انسوني شويه عايزه أنام
حنان بصرريخ: قوووووووموا
فزعت كارمن هي وأختها لتقول كارمن: ايه ده في ايه مين مات وازي وليه!
كاميليا: زلزال يلا بسرعه
حنان بغيظ: زالزال يا معفنه قوموا يلا
كارمن: محدش بيصحي حد كدا علي فكره كنتي هتموتينا
حنان: مانا بصحي في بهايم مش بني أدمين يلا هنزل أجيب أكل روقوا البيت قبل ما تنزلوا
كارمن: طيب
حنان: وصحي الزفته اللي نامت تاني ديه يلا سلام
كارمن: بت يا كاميليا أنتي يابت
كاميليا: يادي الزفته اهو زفت قومت الواحد ميعرفش يعيش مرتاح
كارمن: يلا عشان نلحق بس نروح الشغل وبطلي رغي اللي شبه وشك ده
كاميليا: عيله تشل والله هقوم أصلي وأحضر الفطار وأنتي روقي الشقه خلينا نخلص
كارمن: ماشي
لترفع رأسها لسقف وهي تفتكر
كارمن: ها يا دكتوره خير
الدكتوره: كل حاجه كويسه يا مدام بس محتاجه رعايه عشان البيبي بس
كارمن: أنا حامل بجد يا دكتوره
الدكتوره بأبتسامه: بجد والله ألف مبروك
كارمن: الله يبارك فيكي يا دكتوره عن أذنك
كارمن: طب هعمل مفاجئه لـ ريان ولا أقوله كدا!
كارمن: لا لا خلاص أصبر الشهر الجاي أعملها في عيد ميلاده هيفرح أوووي
لتاخد تامسي لحد شقتها وتتطلع علي السلم وهي حاطه أيدها علي بطنها ومبسوطه وأول ما فتحت باب شقتها لقت ريان متعصب
خرجها من ذكرياتها علي صوت كاميليا وهي بتصفر جمب ودنها
كارمن: يابت بطلي تخلف أطرشت بسببك
كاميليا: بقيني قرن بنادي سفرتي فين
كارمن بسرحان: كاميليا،عايزه أشوف طنط فريده
كاميليا: نعم!
كارمن : نعم الله عليكي
كاميليا: بس
كارمن: قبل ما تكملي اعتراضك متنسيش انا مشوفتش منها حاجه وحشه وماتنسيش كمان أني كنت بزورها بعد طلاقي وهي طلبت مني اشوفها وملهاش علاقه بلي حصل بيني وبين ابنها
كاميليا: وماما يا كارمن ومحمود!
كارمن: مش هقول لحد أنا هقابلها برا هتصل بيها بس الأول ارتب الاموري.
كاميليا: ايه موقفك بعد ظهور ريان وأنه متجوز ومخلف?
كارمن: ماله موقفي شاف حياته انا كمان بشوف حياتي وبحمد ربنا أن محمود في حياتي شخص محترم وطيب ويتحب جدااا
كاميليا: أنتي حبتيه يا بت يالهههوي
كارمن: ومحبهوش ليه مش هيبق جوزي في المستقبل ..وكمان فزي ورانا شغل يلا
كاميليا: يلا يختي الواحد ميعرفش ياخد منك فوله حتي.
خلصوا تنضيف البيت وفطروا وحضروا حالهم وقبل ما ينزلوا
كاميليا: كارمن سابقيني أنتي علي الشغل هاجي بعدك عشان ورايا مشوار
كارمن بأستغراب: مشوار ايه!
كاميليا: بليل هبق أقولك
كارمن: تمام متتاخريش ها
كاميليا: اشطاات
أنت تقرأ
قيود عشقها
Randomهي لم تجرم حين أحبته! !. أعطته الأمان والراحه والحب ..ليعطيها الحزن والدموع ليصبحا رفيقيها مدي الحياه! !. فلماذا تعاقبوها علي لقب المطلقه فهي لم تختر حياتها لتصبح ما عليها .. أحبته وجرحها ..أطعمته وغدرها ..كانت له الحضن فكان لها القسوه .. هل أخطأت...
