9
دخلت كاميليا وهاجر عليهم وهم يزغرطوا بفرحتهم بكارمن وأنها هتبق عروسه نظرت كارمن لأمها راتها تنظر لها بحب وبعيون مدمعه ...قامت من مكانها وقعدتت جمبها وهي تبتسم بحب
كارمن: حنون زعلانه ولا ايه مش اول مره اعملها يا حنون
حنان: بس يا بت المرادي هتبق كلها خير ومفهاش زعل وهتكملي أنتي ومحمود علي خير
كارمن: يارب يا قلبي داعوتك بقي يا ست الكل
حنان: يارب يا بنتي اشوفك سعيده ومبسوطه في حياتك ويجعل محمود زوج صالح ليكي يارب
كاميليا وهاجر: أمييين سيبها بقي يا حنون عايزانها في كلمتين علي الماشي
محمود: لا انا اللي عايزاها علي فكره
هاجر: ما هي مش هطير يعني أصبر يا أبني دقيقه كدا
محمود: طب ما هي بايته معاكم يعني الحق اقعد معاها شويه
كاميليا: لا بر
كارمن: باااس أنتي وهو وهي شويه وهجيلكم الراجل بيجي يشوفني شويه وأنتوا في خلقتي 24 ساعه
محمود: شوفتوا!
هاجر: شوفي البت!
كاميليا: واطيه طول عمرها
كارمن: تعال يا محمود ندخل البلكونه بعد أذنك يا بابا
غسان: أذن ايه بقي ده ولا كأني موجود أتفضلوا
كارمن: حبيبي يا غسون
خدتته ودخلت البلكونه مكانها المفضل القريب من ظهور السماء فـ البيوت حواليهم مغطيه علي بعض
محمود: مبسوطه يا كارمن!
كارمن: ليه بتقول كدا!
محمود: عادي مش عايز أحس اني بضغط عليكي
كارمن بسرحان: لا ابدا كل واحد مننا لازم يبدا حياه جديده لو فضلت ماسكه في اللي فات يبق مش هقدم في حياتي هعيش علي وهم كأني ماسكه ازاز مكسور وبفكر ازي يتصلح والمفروض مبيتصلحش يعني حاجه صالحيتها انتهت
محمود: هو انا ليه حاسس انك لسه بتحبيه
كارمن: أنا لا بحبه ولا بكره مشاعري بارده عاديه يعني
محمود: المهم يا ستي عايزه فرحنا بعد كتب الكتاب يبق أمتي ?
كارمن بأبتسامه: ناخد علي بعض شويه طيب عشان لسه مخلصتش حاجاتي كلها
محمود: بالله عليكي مش عايزين نطول
كارمن: أن شاء الله احكيلي يلا عملت ايه النهارده
محمود: مافيش روحت الشغل وخلصت اللي ورايا واهو واقف معاكي
كارمن: ماشي يا سيدي
فضلوا سوا حوالي ساعه وبعدين سلم عليهم ومشي وجه فادي وقعدوا سوا كلهم
فادي: علي فكره أنا مسافر
كارمن: اخس عليك مش هتحضر كتب كتابي
فادي: الحظ بقي بس هحضر فرحك تقلقيش
كاميليا: والله هتوحشنا يا بني جداا
هاجر: أه والله هنفتقد جنانك معانا
فادي بمرح: عشان كدا عايز اسافر والحق نفسي لتلبسوني تهمه بجنانكم ده
كارمن: كاميليا قالتلي علي حبيبتك
فادي بغيظ وهو يبص لكاميليا: المهم عرفتي المنطقه كلها ولا لسه ما هو ميصحش
كاميليا: كنت والله هقول لسعاد اللي بشتري منها العيش بس قولت الواد مأمني علي سره
فادي بسخريه: فيكي الخير لا بنت الاصول
هاجر: بت مين ديه!
كاميليا: مافيش ياستي بيحب واحده وبيقول خايف يعترف عشان شيفاه تافه ومش مهم في الحياه واهبل وأهطل ومش نافع
فادي لـ كارمن: احدفها بحاجه اموتها واخلص! !
كارمن بضحك: يلا أهو تغملي معروف في لسانها ده
كارمن: لا يمكن تكون اختك
هاجر: هو أنا غريبه يا معفن عشان متقولش ليا
فادي: والنبي اسكتي انا شايل في قلبي وساكت
هاجر: يا صغيره علي الهم يا لوزه
فادي: باااردين
كارمن: سيبك منهم ونصيحه لو بتحبها اثبتلها عكس تفكيرها
فادي: ازي!
كارمن: يعني يا برنس روح جيم قوي عضلاتك اشتغل كون نفسك من الأخر كون شخصيه جديده ليك
كاميليا: طب والله فكره
فادي: تفتكررا!
كارمن وهاجر وكاميليا: جداااا
فادي: هفكر في كدا يلا سلام عشان مسافر الصبح
كارمن: خلي بالك من نفسك
كاميليا: ابق كلمنا
هاجر: توصل بسلامه يا برنس
فادي بأبتسامه: ابقي سلميني علي امك وابوكي يا كارمن عشان ناموا وانتي يا هاجر
هاجر: يوصل ان شاء الله
أنت تقرأ
قيود عشقها
Randomهي لم تجرم حين أحبته! !. أعطته الأمان والراحه والحب ..ليعطيها الحزن والدموع ليصبحا رفيقيها مدي الحياه! !. فلماذا تعاقبوها علي لقب المطلقه فهي لم تختر حياتها لتصبح ما عليها .. أحبته وجرحها ..أطعمته وغدرها ..كانت له الحضن فكان لها القسوه .. هل أخطأت...
