مساء الخير احبتي❤🌷
اتمنى لكم قراءة ممتعه
بقلم: زهراء البياتي
ارجوان..والله هاي اني اليعجبه يعجبه
الميعجبه خل يضرب راسه بالحايط
بس اليتجاوز ويا اي احد من عائلتي يشوف شي ميعجبه
الاء..ماعندي حجي وياج
يجي الحجي واخلي يتصرف وياج
ارجوان رادت تحجي بس قاطعتها
سميره الجانت تباوع من الشباك وكمزت فرحانه
..ماما اجه ياسر
الاء كعدت عل الكرسي ودارت وجهه
ومعاجبها الوضع وضايجه من كلامي الحجيته
وسميره اشو بس اجه هذا الاسمه ياسر
كامت تكمز فرحانه والضحكه شاكه حلكها
اني مدرت بال لماما الجانت عيونها كولها عتب
شلون حجيت هيج ويا مرت عمي واكيد حاخذ محاضره عل التربيه والاخلاق منها
بس هاي اني هيج ماحب احد يقلل من احترام احد من عائلتي وخاصه بابا عاجز وميكدر يحجي
ميصير تقسي هيج بالكلام ويا وتحجي كدامه هل حجي واني من غير كولشي مطايقه هاي الاء
وبتها سميره الخبله
اجت حوراء ونور وهدى
واني اخذت حنين لحضني ورحت للمطبخ
اساعد بيبي الدتسوي ريوك (فطور)
واني بالمطبخ واسمع صوت سميره
وهيه تضحك ويا واحد وجان اكو صوت
رجولي عرفت هذا ياسر ابن عمو حسن الجبير
خلصت الريوك اني وبيبي وكلتلي
ارجوان روحي صيحي الكل خل يجون يتريكون
اني خليت حنين بالمطبخ ورحت للصاله
وجان اشوف واحد اشكراني
ولابس تيشيرت احمر وشعره سبايكي
وديسلم عل خواتي وعيونه تتنقل من وحده لوحده
ومتعجب وفاتح حلكه
وسميره جانت هيه التعرفه وتضحك
بوجهه وهوه ممهتم الها اصلا
كحيت وحجيت
..يلا بيبي تكول تعالو نتريك
هوه بس سمع صوتي دار وجهه عليه
ورفع حواجبه وحجه ويا سميره
..الحلوه هاي منو لعد
سميره وجهه صار اصفر وتباوع عليه بغضب
..هاي بت عمو الثانيه ارجوان
اجه ومد ايده عليه وابتسم
..اهلا وسهلا اني ياسر
هزيت براسي بمعنى اي
درت وجهي ورحت للمطبخ حته مسلمت علي
مادري ليش هيج سويت بس مداحبهم كل الموجودين
بهذا البيت بس بيبي حبيتها اول مأجيت اما الباقين
احس نضراتهم غريبه علينا
اجو كولهم والمسز الجان صغير
مادري شسوت سميره من جوه وخلته ينفتح يصير اكبر
واني خواتي واكفات وصافنات
بعدين كعدنا بس شوي صار ضيك لان ماكو كراسي
هواي كلهم كعدو اني اخذت حنين وكعدتها عل الكاونتر
وجبت استكان وحطيت بي شاي وكصكصت الخبز
قطع صغيره وحطيه بالجاي واوكل بحنين واني هم اكل
ههههه اكلتي المفضله اني وحنين لا اجبان و لا شي
أنت تقرأ
فراشاتي والزمن (مكتمله)
Romansaقصه حقيقيه باللهجه العراقيه فراشات في زمن لا يرحم فماذا يكون مصيرهن؟!🌷
