12
وما اجمل حين احاول ان المحك من بعيد واراك تنظر الي💛🌙
تاني يوم مع الأمل جديد ""
صحت كارمن وهي تستعد نشاطها لبداية يومها سندت رأسها علي السرير وهي بتفكر كل حاجه أتغيرت هي لسه حرم ريان هاشم لسه جوزها طب وبالنسبه لـ شاهنده وأبنها هيقبل وجودي !!
فضلت تفكر كتير هتعمل ايه لما تقابلهم وخصوصا ريان لحد ما قررت تسيبها لربنا ..حست أن حد قعد جمبها علي السرير فأفتكرتها أختها وبصت جمبها وهي بتحاول تبين أن مافيش حاجه شغلاها لحد ما لقيتها مامتها
كارمن: ماما! خير يا حبيبتي
حنان: كل خير يا حبيبتي مستعده يا كارمن النهارده?
كارمن: متقلقيش عليا يا ماما هبق كويسه جداا
حنان: ربنا يرزقك الخير في كل مكان يا بنتي يعز عليا والله بس هتوحشيني يا كارمن وهحس ان البيت ناقص حاجه
حضنتها كارمن بحزن وهي اصلا مكنتش ناقصه حزن فوق حزنها ومش عايزه تسيب اهلها وتمشي
كارمن: خلاص بقي يا حنون هبق اجي ارخم عليكي وهتقولي غوري تاني
حنان: لا مش هقول
كاميليا: يعني هي لما تمشي انا مش هرخم مثلا! ?والله عيب في حقي حتي
حنان: بس يا ام لسان انتي وقومي شوفي حالك
كاميليا: يا ابوي منك
كارمن: قومي يا زفته فعلا عشان مينفعش نغيب احنا الأتنين من الشغل
كاميليا: هترجعي أمتي الشغل?
مارمن: بكرا ان شاء الله
حنان: طب قومي يلا حضري الشنط بتاعتك وجهزيها واطلعي اقعدي مع ابوكي شويه قبل ما تمشي وانا هحضر الفطار
كارمن: حاضر يا ماما
بعد ما خرجت مامتهم
كاميليا: كارمن انا في سؤال شغلني من امبارح!
كارمن: ان ازي اوافق ارجع ليه تاني بعد ما أتهمني كذب وقالي كلام يجرح
كاميليا: ايوه وده معناه لسه بتحبيه بس بتكابري ومش عايزه تعترفي
وقفت كارمن ومشت لحد البلكونه وهي تقول: مش كل حاجه تجبرنا علي مباح في حاجات تخلينا نسكت عشان نتصرف في الخطوه الجايه ..الحياه مش حب ومشاعر وخلاص علي كدا لا الحياه محاجته ثقه وهدوء وموده اللي عمله ريان منكرش كسر حته من جوايا بس لما فكرت عرفت أن عيوب ريان العصبيه والغيره الشديده يبق ملؤمش غير نفسي أني خدته بعيبه ده وهو لما اتعصب ورمي الطلاق ورديني ليه تاني ده دليل انه لسه متمسك بيا بس مشكلته في عصيبته فـ انا رجعت مش عشان ضعف مني لا بس المرادي رجعت وانا هلغي منه العصبيه ديه وهرد كسرتي
كاميليا: المشكله انك لسه بتحبيه برضو
كارمن: طبيعي يا كاميليا أني لسه بحبه بس مينفعش ابين ليه كدا عشان ميقولش اني معنديش كرامه وماصدقت
كاميليا: بس شاهنده ديه السوسه ديه هتعملي في امها ايه ? انا هاين عليا اروح اجيبها من شعرها وامسح بكرامة امها الشارع
كارمن: شاهنده مكنتش جارتي بس كنت معتبراها اختي وتاكل وتشرب معايا وفي الأخر اتجوزت جوزي الحكايه اصلا مش مريحاني
كاميليا: عشان كتير انا وأمك نقولك الجاره والصديقه صحاب برا بابك مش جوا بابك عشان محدش عارف العين ايه
كارمن: خلصنا خلاص قومي نقعد مع بابا شويه
كاميليا: اخرجي أنتي هلبس واخرج المهم خلصتي الشنط؟
كارمن: ايوه بس ناقص احط لبسي الشتوي
كاميلبا: اشطا اطلعي اقعدي شويه وانا هحطهم متقلقيش
كارمن: تسلميني يا روحي متتاخريش علينا برا
أنت تقرأ
قيود عشقها
Randomهي لم تجرم حين أحبته! !. أعطته الأمان والراحه والحب ..ليعطيها الحزن والدموع ليصبحا رفيقيها مدي الحياه! !. فلماذا تعاقبوها علي لقب المطلقه فهي لم تختر حياتها لتصبح ما عليها .. أحبته وجرحها ..أطعمته وغدرها ..كانت له الحضن فكان لها القسوه .. هل أخطأت...
