قيود عشقها

13

بارت جديد أهوو عشان ممكن معرفش انزل بكرا بسبب النت 💔

13
‏والقلبُ ما دام بالرّحمنِ ذا ثقةٍ...فكلُّ شيءٍ بِحُسنِ الظنِّ يُجتلبُ 💚

شاهنده بصدمه:  أنتي! !
ريان: دخليني وبعدين أصدمي
بعد ما دخل ودخلها معاه وقفل الباب وراهم
شاهنده بعصبية جنون:   ديه بتعمل ايه في بيتي يا ريان ? ..وايه الشنط ديه لتكون واخدها اقامه
كارمن ببرود: هو ريان مقلقش ليكي علي المفاجئه تؤتؤ ليه كدا يا ريان
ريان:  بصوا شغل الحريم ده مش بتاعي وخلاصة الحكايه عشان نازل الشغل... كارمن كانت لسه علي ذمتي من يوم ما طلقتها ورديتها ليا يعني هي مراتي لسه لحد دلوقتي
شاهنده:  ومقولتش ليا ليه !
ريان:  مجتش مناسبه والله يلا أنا نازل بقي
شاهنده بحقد:  صدقيني هندمك يا كارمن
كارمن مشيت حواليا : مش المفروض انا اللي اندمك عشان سرقتي جوزي مني برضو!
شاهنده:  مسرقتش حد انا
كارمن:  ولما انتي مسرقتيش حد مالك متوتره كدا ليه ومش علي بعضك ليه!
شاهنده: وانا يوم ما ارتاحت منك القيكي ظهرتي في حياتنا تاني
كارمن: صدقيني اللي بياخد حاجه مش حقه كانه بيلعب في عداد عمره ...وخليكي فاكره أنا الزوجه الأولي وانتي ضرتي فمتعمليش شويتين الغيره والعصبيه عشان مش لقين عليكي اوفر يا حياتي ...المهم بقي هدخل أنا بما أن في 3 اوض هختار التالته بقي
شاهنده:  مش بيت ابوكي هو هتنامي في الصاله ولو مش عجبك ارجعي بيتك القديم
كارمن:  لا يا روح أمك الغلط مفهوش اسهل منه فـ أحترمي نفسك عشان مطولش لساني علي منظرك العكر ده
شاهنده:  ماشي بكرا نشوف مين يضحك علي التاني
أدم اول ما شاف كارمن طلع يجري عليها ويحضنها: ميس ميس انتي هنا!
نزلت لمستواه وحضنته:  ايوه يا قلب الميس انا هنا
أدم: يعني هتقعدي معايا؟
كارمن:  لو عايزاني أمشي همشي!
أدم:  ايه ده لا طبعا عايزك جداا
شددته شاهنده جامد وبعدده عنها لدرجه كارمن استغربت من التصرف بس فسرته علي أنها مش عايزه أبنها يتعود عليها بصلتلها شاهنده بكره وشدة أدم معاها وسابتها ودخلت اوضتها ورزعت الباب جامد وهي تقول لنفسها:  هعمل ايه دلوقتي مصيبه وخلت فوق دماغي ...ياربي اعمل ايه بس ..

------------------

أحمد: مقولتليش ليه يا بني ادم علي الحكايه ديه!
ريان بعدم الأهتمام: عادي يا عم
أحمد: هو أنت ليه بارد كدا ?
ريان:  بتسأل سؤال مش عايز أجاوبلك عليه عايزني أفضل اجيب سيرة مراتي وراجعتها أو مرجعتهاش ونسلي وقتنا في الرغي ليه يعني!
أحمد:  مقصدتش بس
قاطعه:  تقصد أو متقصدتش ديه خصوصيه ..ودلوقتي قولي أخبار الورشه ايه؟
أحمد:  مافيش يا سيدي واحد أسمه سليم المنشاوي باعت عربيته عايزها تصلح وتتعدل والمدير بقا قالب خلقة امه فينا ومتوتر علي فاضي يكونش سليم ده الوزير!
ريان وهو يلعب الأسم في دماغه:  شكله حد مهم اووي!
احمد:  تقريبا كدا
ريان:  اه يا أحمد لو الزهره لعبت معانا
أحمد:  أزي!
ريان: بقول لو ركز في الكلام وغور يا أحمد شوف شغلك خلينا ننجز
أحمد: متزوقش بس
-------------------
كاميليا وهي بتتفرج علي تليفزون وفي أيدها الفون ورن برقم غريب أستغربت في الأول وطنشت وبعدين رن تاني فقررت ترد ليكون حد مهم
كاميليا: ألو
المتصل: هو لسه في حد بيكلم بالحنيه ديه!
كاميليا: أنا ممكن اقلب مرتضي دلوقتي هتنبسط أووي يا حيلة أمك
المتصل:  ليه بس ما كنا ماشين كويس
كاميليا وقررت تقفل في وشه:أصلنا في حفله ...  بص يا حلو انت متتصلش هنا تاني  عشان متندمش اشطا يلا بقي هوينا
وقفلت في وشه وبعدين عملتله بلوك وقالت هو الواحد ناقص الاشكال ديه ع المسا ياربي
حنان: مالك يا بت بتكلمي نفسك كدا ليه اللهم احفظنا
كاميليا:  في ايه يا ماما شيفاني برقص ببدلة جن
حطت أمها طبق السلطه علي رجليها وهي تقول: يا بت مالك مطلعه عصيبتك علينا كدا ليه!
كاميليا: مافيش واحد اهبل اتصل بيا طبعا مسكتلهوش
حنان: هتقوليلي يختي دانا مخلفه راجل مش انثي
كاميليا: علي فكره انا فيا الاتنين ومحظوظ اللي هيخدني
حنان: قصدك امه داعيه عليه يختي
فتح غسان باب الشقه ودخل قعد جمب مراته وهو يتنهد بتعب وسلم عليها وقامت كاميليا سلمت علي ابوها وباست أيده ورأسه
حنان:حمدلله علي السلامه يا حاج
غسان بتعب: الله يسلمك يا أم البنات
لحظت كاميليا تعب ابوها هو مش تعب شغل لا ده تعب تاني بس مش عارفه تلاحظه وسالته:  مالك يا بابا تعبان من ايه بس ?
غسان ابتسملها: مافيش يا قلب بابا ده بس مش الشغل
حنان: سلامتك يا أخويا خش ريح بس شويه عقبال ما نخلص الأكل هنادي عليك
غسان:  هنام ساعه وصحوني عشان جعان نوووم
بعد ما قام ودخل اوضته نادت كاميليا علي أمها
كاميليا: ماما
حنان وهي مركزه في السلطه: أمم
كاميليا: بابا حاساه بيشتكي من حاجه معرفش ماله كدا
بعد ما سابت السلطه وركزت في كلام بنتها والشك بدا يمتلكها
حنان: لا يابت تلقيه بس من الشغل
كاميليا: لا برضو لازم نكشف ونطمن عليه
حنان: هتخلي الفار يلعب في عبئ ليه يابت دلوقتي !
كاميليا:  يا ماما بقولك نطمن نطمن
حنان:  طب اول ما يصحي بكرا ونشوف حالته وساعدتها نبق نشوف هنعمل ايه ...ومتجبيش سيره لـ كارمن عشان هي لسه راجعه بيتها ومش ناقصين قلق وقومي قلبي البطاطس لتتحرق
كاميليا:  ماشي وربنا يستر
حنان:  يااارب
------------------