زين العابدين (باللهجة العراقية)

الفصل الثاني

🍁🍁🍁🍁🍁🍁🍁

الخوف ينتقل من رجل لآخر
غير عالم بذلك
مثلما تنقل ورقة عشب رعشتها
إلى جارتها

دفعة واحدة ترتعش الشجرة كلها
وليس من أثر للرياح...؟؟!!

🍁🍁🍁🍁🍁🍁🍁🍁🍁🍁🍁

الاميركي
تشارلز سيميك,

شافت سارة ان الساعة صارت بال 6:00 فبدلت ولبست العبايه والبوشيه و وكفت يم الباب الخارجي شافت جنان تباوعلهه وتريد تكول شي ...

سارة وهي تلبس الحذاء : كولي جنان شنو اللي ببالج

جنان بخوف : ديري بالج على نفسج تعرفين العالم مثل هذولي ما ينوثق بيهم ...

سارة تبتسم وتخلي ايدهه على شعره جنان القصير

وتحركه : لا تخافين عليه ما تعرفيني مره بس بسبع زلم وتعرفين اني اعرف التايكواندو و الدفاع عن النفس

جنان تذكرت مواقف سارة وكالت بضحكه : فعلا ولازم اخاف على اللي يتحرش بيج اصلا امه داعيه عليه ...^_^

سارة بجديه : ديري بالج على نفسج وامي هيه ساعه زمان واجي قفلي باب البيت زين ...

جنان : لا توصين حريص

ابتسمت سارة و
طلعت وهي بالهه ظل ويه اختهه و امهه بس شتسوي لازم تقابل فرح مو كل يوم تجي مثل هالفرص ..

وصلت ل كوفي شوب عائلي اسمه جنة المختار مثل ما متفقين شافت عوائل وشباب بالاول توترت بعدين

شافت وحده تأشر من بعيد فراحت إلهه

فرح كامت وسلمت عليهه وهي تشوف جيسيكا بملامحهه

سارة استغربت تصرفهه كأنهه تعرفهه بس فسرته انهه بعفويه : انتي شلون عرفتيني ..

فرح بتفكير : امممممم ...ناس وصوا بيج وكالوا هاي خوش خبيرة تجميل درجة أولى ومكياج ماكو مثلهه

سارة هزت راسهه

فرح : شنو رأيج بالعرض ومثل ما كتلج اذا المبلغ قل....

قاطعتها سارة : عندي شرووط !

فرح فرحت لانها وافقت : اللي تريديه يصير بدون تفكير

استغربت سارة من طريقته : امي واختي يرحون وياي لأمريكا يعني أأجر بيت هناك

فرح : صااار و همين مصاريف كلية اختج و علاج امج يكون علينه...

سارة تفاجأت : شلون عرفتي كل هذه الشي

فرح بإبتسامه: الصراحه اني بحثت وطلعت معلومات عنج لان اللي يشتغل عند زين و كاميليا لازم نعرف كل شي عنه

سارة : بس اني ما اريد كل هذه خلينه بس على شروطي ...
استوعبت سارة شي وقالت بسرعة : زين منو