عشك مجنون

بارت🌹3🌹

هلو شلونكم

يالله نبدي البارت

......................................................

بدلت او رحت انه او ساره للسوك اخذت ملابس الي
ولماما او اكيد نونه اشتريت اله كومه شغلات من ملابس او العاب لو غيره

رجعنه العصر كلش رجعت تعبانه كلش كبل رحت للغرفه حته بقيت الغراض غسلت او لبست

والحمد لله مرت الثلاث ايام ونسه او طلعه يعني صدك
تونست حته بابا طلع ويانه يوم كامل او انه كلش فرحت
لان بابا عنده الشغل عمود الحياه ههههههه

رجعنه بطياره او هم ختمت القران ههههههههه
نزلنه بالمطار او صعدنه بسياره بابا يلي مخليه بالحجز مالمطار
(طبعن احنه بدابه بغداد)

جنت لابسه☝

فصعدنه فبابا ساق بسرعه او هو يسمع الاخبار او انه حاطه السماعات بأذني خمضت عيوني ماحس الاه طكه قويه بالسياره او انلافت السياره صارت لوفته بالسياج الجسر طكه قويه بحيث دخل جام السياره براسي او حسيت شي حار نزل ع صدري بعده غوشت الدنيه بعيني .

فتحت عيوني دايخه بغرفه بيضه او ريحه تعقيم مدري ديتول الأجهزه والمغذي بيدي

و الالم موتني اتذكرت بابا كمت شلعت المغذي او الوكسجين حسيت بوجع قوي بصدري او شي حار نزل طلع دم ماهتميت اجتي النمرضه تريد تكعدني ضليت
ا

صيح عليه لان اريد اشوف بابا طلعت او هيه لازمه ايدي ضليت ابجي كتله

ميار : فدوه وديني البابا حبابه

ممرضه: ماشي اهدي انه هسه اخذج ....اخذتني اله شفته من الباب ميقبلون ادخل انهاريت كلت هسه بابا يروح من عندي

ككعدت بالكاع ضليت ابجي والالم موتني صدري ضل ينزف التمن عليه الممرضات ردت اكوم اختل توازني او بعدهي مشفت شي

✋✋✋✋✋✋ اوكفو اكو شخص يريد يعرف روحه او انتم تتعرفون عليه✋✋ ✋✋✋✋✋✋(هههههه)

احمد:السلام عليكم انه اسمي احمد عمري 29 سنه

عملي دكتور اعيش بغداد بس اصلي من ذي قار عائلتي

تتكون من بابا او ماما او عندي 2 اخوان سيف اكبر مني

بسنه مزوج او عايش بالخارج اخوي الثاني اسمه

عباس عمره 19 كليه مرحله اوله طبعن بابا مدير

مستشفس او ماما ربت بيت متشتغل شي

اما اختي زهراء عمره ٢٠مزوجه او تدرس معهد فنون

هاذه شبيهي كلش☝☝

طبعن هسه انه بسيارتي رجعت للبيت لان جان عندي خفاره فليوم اخذت اجازه علمود ارتاح فوصلت دخلت للبيت تلكتني ماما

احمد : سلام عليكم

ريام(ام احمد): هلو ماما حبيبي كواك الله

احمد: الله يكويج حبيبتي

ريام: يالله ماما خلي اصبلك اكل

احمد : لاماما اريد انام كلش تعبان

ريام: براحتك ماماتي ... بسته من راسه او صعدت لغرفتي سبحت لبست بيجامه لو نمت راستن

او انه نايم سمعت موبايلي يرن كلش عصبت لان مطفيته فتحت طلع الدكتور وياي بالمستشى اسمه حسام صديقي كالي اجتنه حاله طارئه او لازم تجي

كمت غسلت علسريع او لبست

وصلت للمستشفئ او شفت ............

😘😘😘😘😘😘😘😘😘😘😘😘😘😘

انشالله يعجبكم البارت او بليز انطوني رايكم