14
قعدت كارمن علي السرير بعد ما ريان خرج لتفتكر يوم طلاقها
فلاش..
بعد ما جات من عند الدكتوره وكانت مبسوطه بحملها واول ما فتحت الباب لقت ريان متعصب وعينه حمرا جامد ..وقام مسكها من ايديها جامد وكل ما يضغط علي دراعها تصرخ
كارمن بوجع: في ايه يا ريان أيدي ( وفضلت تشد أيده من دراعها عشان حست أنه هيخلع دراعها)
ريان بحده ومع كل كلمه بيشد اكتر: بقا أنا تتضحكي عليا وعامله فيها الخضره الشريفه
كارمن بصت ليه بعدم فهم هي فعلا مش فاهمه قصده ايه: أحترم نفسك وايه اللي بتقوله ده!
ريان: يعني طلعتي كذابه وخاينه وكمان عامله بتستعبطي
كارمن: ريان خد بالك من طريقتك والفاظك عشان مش هسمحلك لتكمل دوغري لتسكت عشان اللي بينا مينتهيش
ريان: اللي بينا انتي اللي هددتيه بعمايلك ديه
صرخت في وشه وصبرها خلص من كتر الالغازه ديه: ما تفهمني أنا هببت ايه بدل ما بتكلم بطريقه الزفت ديه طيب
ريان صرخ هو كمان: يعني متفقه عليا أنتي وحبيب القلب عشان لما تجوزيني تاخدي فلوسي وتهربي انتي وهو
كارمن وهي مستغربه: حبيب مين وفلوس ايه وهروب ايه اللي بتكلم عنه!
ريان: سؤال أنتي النهارده كنتي عند مامتك ?
كارمن: أهاا
ريان: كذاااابه عشان كلمتها قالتلي أبقوا تعالوا عشان مشوفتش كارمن بقيني اسبوع يعني كمان كذبتي عليا وأكيد روحتي تقابلي الشمول وانا كيس جوافه
كارمن: ريان أنا كنت
قاطعها بعصبيه: برضو مصره تكذبي ما تعترفي علي حقيقتك بقي يعني شاطره في الكذب كمان يبق ملتزمنيش طالما انتي كدا أنتي طالق
كارمن بذهول : طالق! !بسهوله ديه !!
ريان مكنش واعي لكلامه واتعصب اكتر من اللي حصل وسابها ونزل ورزع الباب وراه وهي اول ما شافته نزل خدتت هدومها ونزلت وراحت لأهلها وهو نزل راح يتمشي شويه يهدا وبعدين راح لشيخ وحكاه أنه كان متعصب ورمي عليها الطلاق وبعدين ردها تاني ولما رجع لقاها مشت ولما راح بيت اهلها مكنش حد هناك وفضلت كل يوم يتعصب علي أي حد وكان بيدور عليها زي المجنون وافتكرها فعلا هربت مع حبيبها وكان بيتوعد ليها وليه
باااك..
كارمن : ماشي يا ريان أنا هعرفك يعني ايه الكسره وعلي كلامك اللي زي السم ده
سمعت صوت فونها بيرن وبعدين بصت لساعه لقيتها 11 بليل استغربت كاميليا بترن بليل ليه
كارمن بقلق: الوو يا كاميليا ازيك
كاميليا: كوكو عامله ايه؟
كارمن بتراقب: بت أنتوا كويسيين؟!
كاميليا: أيووون كويسين ليه بتقولي كدا!
كارمن بغيظ: لا أصلك بترني الساعه 11 اللي هو معاد نوم البني ادمين فطبيعي مش هتخض
ضحكت كاميليا علي قلق أختها: يابت والله كنتي وحشاني أوووي فقولت أتصل أغلس عليكي
كارمن: غلسي يختي والله وأنتوا كمان وحشني أوووي عاملين ايه كلكم
كاميليا: زالفل والله المهم أنتي عامله ايه مع ريان
كارمن: اهي ماشيه
كاميليا بمرح: طب ما تخليها قعده
كارمن: هي ايه؟ !
كاميليا: مش بتقولي ماشيه بقولك قعديها
كارمن: تصدقي أنك واحده تافهه وفاضيه فعلا
كاميليا بضحك: يختي اضحكي محدش واخد منها حاجه المهم هشوفك بكرا!
كارمن : هشوف لسه يلا أتخمدي بقي
كاميليا: أشطاا تصبحي علي خير
كارمن بحب: وأنتي من أهله
قفلت معاها وبعدين لبست ترنج بنطلون أبيض في ازرق وتشيرت بنص كوم أبيض وفي رسمه حمرا وخرجت ليهم لقيتهم علي سفره قاعدين قعدت جمب أدم وهي بتلعب في شعره
كارمن: صحي النوم يا حلو
شاهنده: والله قواعد الأكل محدش يكلم
كارمن وهي تتجاهلها: خلصت واجبك يا أدومه؟ !
أدم: أيووه يا ميس
شاهنده بعصبيه : لما أكلمك تردي وياريت متبوظيش قواعدي طالما أنك في بيتي
كارمن: بلاش تقولي يا ميس هنا قولي يا كوكو ماشي يا أدومه
ادم: ماشي بس أنتي باباكي مش هيزعلك عشان بايته هنا! !
كارمن اصدمت من سؤاله وبعدين بصت لريان بسخريه: جاوبله علي سؤاله بقي
كانت شاهنده هترد بس ريان أتعصب من صريخها: في ايه يا شاهنده ما تتهدي علي المسا بصريخك ده هي اجرمت يعني بتسلم علي الواد
شاهنده: اه طبعا لازم تتدافع ما حب حياتك رجع
كارمن: وده حقد ولا غل! !
ريان: ما تسكتوا بقي وخلوني اجاوب علي الواد..بص يا حبيبي
شرحله ريان ان كارمن تكون مراته وهتعيش معانا علي طول واهلها عارفين وعشان ادم بيحبها فرح أنها هتفضل موجوده معاه ومعترضتش علي جوازها من باباه وده ريح ريان وكارمن وخلي شاهنده كل مره الحقد يزيد جواها وبتفكر أزي تبعد كارمن من طريقها..
-----------------------
صحت من نومها علي خبط في وشها فتحت عينها شافته أدم وهو بيصحي فيها وبعدين أبتسمتله بحب وهي بتصبح عليه
كارمن : صباح الخير يا حبيبي
أدم: صباح النور يا كوكو
كارمن: جاهز لحضانه?
أدم: أيووه بابا بيلبس عشان هينزلني.دلوقتي
كارمن: طب روح أفطر عقبال ما أجهز
أدم: ماشي (وجري علي اوضة ابوه)
أدم : بابا صحيت الميس
ريان: طب وبتصحيها ليه يا أبني علي الصبح كدا
أدم: ما هي نازله معايا
ريان: نازله فين بظبط! !؟وسع من طريقي كداا
شاهنده بشماته: يارب يفرمك ويخلصني منك
ريان بعد ما دخل عليها الأوضه وكانت بتمسح وشها بالفوطه: رايحه فين علي الصبح؟
كارمن: الناس بتقول صباح الخير مش زيك تتدخل تخض كدا
ريان: جاوبي؟
كارمن: هيكون فين رايحه الشغل
ريان ببرود: هو أنا مقولتكيش!!
مارمن وهي عارفه رده بس ردت ببرود برضو: لا مقولتش!
ريان: مافيش شغل
كارمن: وحياتك عندي هنزل الشغل وبلاش بقي دور المتحضر وانا لازمتي ايه ومعنديش ستات تشتغل كان زمان ها زماااان
ريان: زمان زي دلوقتي مافيش شغل يا كارمن
كارمن: هنزل
ريان: مش هتنزلي وخلصنا
كارمن بسخريه: ايه هتحلف بطلاق! ! تصدق اعملها عشان وحشتني حياتي من غير تحكمات والله
ريان: واللي بعمله ده تحكمات من نظرك يعني!
كارمن: ريااان شغلي مش هسيبه انا بشتغل عشان نفسي مش عشان الفلوس سيبني اعمل اللي يريحني
ريان: لا
كارمن: اووف انت عايز ايه دلوقتي؟
ريان: اللي عندي قولته...يلا يا أدم عشان ننزل وأياكي يا كارمن أبعدي عن غضبي
كارمن: لعلمك بقي انا اللي مش قادره اروح مش خوف منك لا بس بليل لينا كلام لما تيجي بقي
ريان: لا خدت بالي اووي كمان
أدم: انا جاهز يا بابا
ريان: يلا
وخرج هو وأدم وساب كارمن تملل من بداية اليوم فقررت تتصل بصحبتها هاجر أما شاهنده فأختارت تنام عشان متتعبش من شوفة كارمن ..
-----------------
جهزت كاميليا وخلصت تسريحة شعرها وخددتت شنطتها وخرجت برا اوضتها لقت أمها قاعده علي السجاده وماسكه السبحه
كاميليا: صباح الفل يا ست الكل (وباست راسها )
حنان: أول مره تصحي بدري يعني ومتغلبنيش في الصحيان!
كاميليا: لا ده عشان رايحه أنا وهاجر لكارمن نقعد معاها شويه وبعدين هروح الحضانه
حنان وهي مستغربه: هتروحي لأختك من النجمه أفرضي نايمين
كاميليا: لا ما أنا كلمتها من شويه بتقول صاحيه وقالتلي هاتي هاجر وتعالوا
حنان: المهم متنزليش الا لما تصلي
كاميليا: صليت يا قلبي ...بابا عامل ايه صح!
حنان: اهو الحمدلله دلوقتي كويس ومريح شويه
كاميليا: الحمدلله همشي بقي عايزه حاجه؟
حنان :عايزه سلامتك يا حبيبتي وسلميني علي أختك
كاميليا : حاضر يا حنون
-------------------------
فريده: رهف هاتي التليفون هنا عشان رامي هيتصل دلوقتي
رهف من المطبخ: حاضر يا مااما
رهف : تعالي يا ساره معايا
ساره: أجي معاكي فين!
رهف : برا يا بنتي عشان هنكلم رامي يلا
ساره بتوتر: لا روحي أنتي أنا مالي يا ست
رنف: هش يلا قدامي يلا
وزقتها وجابت الفون لأمها وطلعت الصاله لقت ابوها وعمها وأمها ومرات عمها وقعدت جمبهم هي وساره
رهف: أهو يا ماما
دخل عليهم عمان ورمي السلام وبعدين طلع لفوق
هاشم: مالها رجل أبنك يا مصطفي !
مصطفي: بيقول الوجع بتاع الأول مره رجع تاني
هاشم: مش قولتلك أحجز عن دكتور عظام ومتهملش ابنك
نجوي: والله يا هاشم هو اللي رافض بيقول مش عايز حاجه من حد
هاشم : يا حول ولا قوة الا بالله
رن تليفون وردت فريده بلهفه وفرحه ودموع
فريده: ألوو رامي
رامي: ست الكل عامله ايه يا فوفو
فريده: الحمدلله يا حبيبي وانت عامل ايه في الغربه ديه ما ترجع ياا أبني وعيش في نص أهلك وناسك وبلاها غربه
رامي: أنا الحمدلله يا ماما أرجع فين بعد ما كملت ربع الطريق المهم انتوا كويسين
فريده: كلنا بألف خير يا حبيبي
هاشم: هاتي التليفون يا فريده عايزين نسلم عليه
هاشم: عامل ايه يا أبني
رامي: الحمدلله يا حاج أخبار صحتك ايه؟
هاشم : نحمده يا أبني عايزك تشد حيلك وتجيب تقدير كدا ومستنيك في أجازتك
رامي : من عيوني يا حاج
وبعدين سلم علي عمه وأخته ومرات عمه وساره رفضت تكلمه بحجة وراها حاجه هتعملها في المطبخ وقامت تحت أستغراب رهف من تهربها ..
---------------------
أنت تقرأ
قيود عشقها
Randomهي لم تجرم حين أحبته! !. أعطته الأمان والراحه والحب ..ليعطيها الحزن والدموع ليصبحا رفيقيها مدي الحياه! !. فلماذا تعاقبوها علي لقب المطلقه فهي لم تختر حياتها لتصبح ما عليها .. أحبته وجرحها ..أطعمته وغدرها ..كانت له الحضن فكان لها القسوه .. هل أخطأت...
