فصلية الشيخ

بارت١١

وصلني خبر بانو يزن مات

لجو:اهلي كعدوني ع القنفه وما احس بشي ولا اشوف شي عيوني غوشت وبس اشوف عمتي وزوزو وامي يبجون وعمتي تعطيت هيج مثل الغشاوه نزلت ع عيني اباوع بس بصوره مغوشه واسمع صوات صياح واني ماحس بشي ابد مدري شنو من شعور اجه يمكن حته بهلححضه مابيه حيل ابجي شفت عمتي بالكاع وكعت وزهراء تعيط واخواني وابويه يكولون اله رحمة الله اناا لله وانا اليه راجعون اجتي امي مشتني للغرفه وسدت الباب واني ضليت بس صافنه حته مفكرت بشي احس الصدمه موتت كولشي بداخلي

ضليت كاعده وحدي تقريبا نص ساعه وبديت استوعب الموضوع

لجو:يعني شنو؟ يعني حبيبي مات.؟ زين وطفلنا! اني ردت اكوله حامل بابنك هلبشاره مراح يسمعها؟ مراح يشوف ابنه؟ وابني شنو يعني تيتم،، يييييييييييييزززززززنننننننننننننن 😭😭😭😭😭😭😭
لا مستحيلللللل كالي ارجعلجج ميعووفني 😭😭😭😭😭😭😭😭😭😭😭
كلبي ماوجعني بعده حبيبي بعده عايش لدكولولي ماتتتت مستحيييللل
ضليت اعيط واضرب روحي بالحايط بدون شعور وشفت الباب انفتحت وبعد مادري بشي

كعدت لكيت روحي بالمستشفى
اريدد يزنن وينه يزن بعده ماميت بعده ميعوفني وميعوف ابنه لا لا لدكولولي مات بعده عايش اني جان متت قبل ميموت ااااااااااههه لاا ربييي ليش اخذت مني حبيبي وسندي لا يا ربييييييي اهئ اهئ
معقوله هسه يزن ماعايش
ااااهههئئ مامصدكه يعني هسه هوا جوه التراب لا ياربي لا يا الهي شكم مرا دعيت انو متحرمني منه ليش ربي هيج اخذت قطعه من روحي يا الهي تدري ماعدي اعز منعده ياربي هوه ضوه عيوني بيمن اشوف 😭😭😭😭😭😭😭ياربي اخذني الي يا الهي خلصني من الخنكه والغصه البصدري

😭😭😭😭😭😭ياربي حته من ابجي ما ارتاح والله نيران بصدري صايرن يا الهي ما اتحمل اضل بدونه ياربي اخذ امانتك

ام لجو:يمه لتحجين هيج واهدي قطعه منعده بين احشائج يمه ابنه ب بطنج صيري قويه علمود ابنكم

لجو:انهاريت وضليت اعيط لا يمه ماريد والله اسوي شي بروحي ماريد اضل بدون،،،

ام لجو:بعدها مامكمله حجايتها واغمى عليها
ام لجو:دكتووور دكتووور بنتي صار بيها شي شوفها

الدكتور:فحصتها وطلت داخله بغيبوبه ومنعرف شوكت تفز

ام لجو:ااااخخ بنتي ولج يمه شحيصير بيج بعدد 😭😭😭😭😭😭

"بعد مرور ٣اسابيع ولجو قربت تدخل بشهرها "

ام لجو:دائما ادخل احجي وياها وهيه بعدها مغمى عليها اتمنه تحس بيه اتمنه تفتح عيونها خفت لا اخسرها عفت اختها يمها ورجعت للبيت اجيب ملابس.الها واطبخلهم لان ام يزن مابيها حيل بعد هاي الصدمه هم حالتها حاله

رجعت للبيتت وجانن بس زهراء وامها بلبيت چنايني رايحات البيتهن والزلم بالشغل فتت سلمت عليهم وضليت كاعده اصبر بيها واندكت الباب
ام لجو:بنيتي زهورة اذا تقبلين فتحي الباب
زهراء:صار خاله

زهراء:فتحت الباب وجان اشوف يزن كبالي
يزنننننننن؟ شبكته وضليت ابجي من كول كلبي
يزن حبيبي عبالي خسرناك لوتدري شصاير بينه وين جنت عنه واللع بدونك متنه احنه 😭😭😭😭😭

يزن:بعد روحي خيتي وبستها من راسها وضليت شابكها
والله موبيدي بالي ضل يمكم مشتاقلكم امي شلونها
بهل اثناء اجتي ام لجو

ام لجو:شنوووو يزنننن؟ ام يزن تعالي اجه ابنج تعالي وضليت اهلهل من الفرحه وضليت ابجي بنفس الوقت

ام يزن:اجيت ركض ع حجايتها وجان اشوف ابني اجاني شبكتي وضلبت ابجي بكول حيلي
اااااه ولك يمه وين رحت وعفتنه يمه كالو ميت يابعد امك 😭😭😭😭😭عبالي خسرتك انعمت عينه الكال مات يمه والله الدنيا بدونك وحشه الف الحمد لله رجعلياك اهئ اهئ اهئ

يزن:يمه لتبجين ماكدر اشوفف دموعج والله جانو محتجزيني وماكدرت اجيكم

يمه وين لجو كلبي مفرفح عليها

ضليت ادور بلبيت ادخل لغرفه واطلع من الثانيه
يمه خاله وين لجو احجو شبيكم

زهراء:شيخنه مريتك بين الحياة والموت من بعد الصدمه دخلت بغيبوبه صارلها٣اسابيع وكالو الدكاتره منعرف شوكت تفز

يزنن:شنوووووو وين هيه بيا مستشفى وليش عايفيها يلا خلي نروح

ام لجو:لبنسه واني اباوع ليزن كام يرجف و وجهه صار اصفر دليته بالمستشفي ورحنه للمستشفي اول ما فتت رحت للدكتور كلتله فدوه لتخلي اي واحد يدخل بنتي عبالها زوجها ميت وهسه طلع عايش الاخبار الوصلتنه جذب وهوا ميدري بيها حامل هيه رادت دكوله فدوا بلكت تضحه وهيه دكوله لتخلي يدخل علمود ليشوف بطنها ويعرف

الدكتور:صار لعد

يزن:فتنه للمستشفى وخالتي راحد تركض كلت تريد تشوف بنتها واحنه وراها شفت الدكتور توه وخر عنها سالتها ليش منفوت كالت الدكتور ميقبل اي احد يفوت بس اني

يزن:هسه اروح احاجي شنو ميقبل اريد اشوف مرتي

رحت حاجيت الدكتور وكتله
دكتور اني زوجها للمريضه لوجين محمد اريد ادخل واشوفها ليش متقبل واحد يدخللها بس امها اني اريد افوت

الدكتور: ميصير احد يدخللها بس امها اعذرنه وعفته ومشيت لان ماكدر ااطلعله حجه

يزن:كمل حجي الدكتور وراح كلت يجوز حالتها خطره وماخلاني افوت ضليت كاعد بالكاع وابجي اول مرا ابجي بيها كدام احد هاي بنيتي واغلى من روحي شلون بية اذا صارلها شي بسببي،،،

انتضرو بارت جديد باجر هيج وكت انزله

انـستا (writer_aya)