اول رواية
.
.
.
تعريف الشخصيات
هيلو اسمي شمس من بغداد لحد يكلي وصفي شخصيتج لان ماعرف مادري ليش😆 بس اغلب الاحيان يحكمون علية من شكلي ويكلولي متكبرة او مغرورة ومن يعرفوني يتراجعون عن كلامهم دائما جنت اكول لنفسي انتي قوية وميهزج شي وماتعبر عليج سالفة بس بعدين عرفت انو اني افطر خلق الله 💔
راح تعرفون شخصيتي اكثر بالقصة
بالنسبة لشكلي شكلي عادي حلوة بشكل مقبول وهواي يشبهوني بماما عيوني زيتوني بس موكلش كبار وشعري بني وطولة ووسط و مو كلش طويل
اني قزمه 😭 ومو كلش ضعيفة 🤞
نسيت اكلكم عمري ١٧ وجاي ادرس خامس اعدادي علمي تطبيقي (بوية الوصف طويل 😆)
عائلتي... ابوية اسمه مرتضى مكمل هندسة نفط ويشتغل بالنفط عمرة ٥٠
وماما اسمها سناء سناءة قلبي اموت عليها واني وياها صديقات ومقربين من بعض هي ربة بيت بس مكملة ادارة واقتصاد عمرها ٤٩ ماكو فرق بينها وبين بابا اهواي لهذا متفاهمين
اختي الجبيرة سما عمرها ٢١ متزوجة صارلها كم شهر وجاي تدرس قانون ثالث سنة عيونها عسلي وشعرها اسود قصير تنطي شبه لبابا خشمها صغير 😭 عكس خشمي خشمي مو جبير بشكل اوڨر بس همين ماحبه😭 نرجع لاختي... طولها متوسط ورشيقة والي يشوفها ميكول هاي اختي ما نتشابه اهواي
اخوية صفاء... الحليوة مالتي بس همين النذل ٢٤ ساعة نتناگر عمره ١٩ اول سنه كلية وجاي يدرس هندسة كهربائية
شكلة عيونة بني ولحية وشعره مرتب مو كلش قصير بس مو كفشه مال منتولين 🙄😂 واكيد عضلات هو جان يتعاجز يروح للجم الى ان بقيت اززن واكمز فوك راسة حته يروح ماحب الولد الي عنده كرشش لهذا حته بابا خليته يلعب رياضة 😆😂
ومع العلم اني الوحيدة بالبيت مو كلش ضعيفة حته لو العب رياضة وياهم ميفيد لان جسمي قابليته هيج
واخر العنقود ييويو 😭... عيونه خضر مثلي اني وماما وشعره اصفر وبيض كطن مال كرططط عمره ٦ سنين بالاول ابتدائي ويرتل بالراء يكول اسم بابا ميتضى 😭
وسرمد... زوج سما اخذ سما عن حب وبعدين تعرفون قصة حبهم بالقصة عمره ٢٤ مكمل هندسة. حاسبات بس ميشتغل بمجالة ابو جان عنده معامل سمنت وتمرض صار ميكدر يشتغل هو التزم الشغل بببدالة
بعدين تعرفون البطل
تشويق
....
ليش يمه شسويت بحياتي اني؟
شنسوي يا كلب امج الدنيا كاتبلتج هيج
...
.
.
.
.
كتبولي نظرتكم شنو بالرواية.وشنو الاخطاء اقبل الانتقاد بأحترام
٣٧٣ كلمة
أنت تقرأ
مأساة سعيدة!!
Romanceعندما تسقط الاقنعه عن وجوه الجميع... وتنكشف الحقيقة! و فجأة تصبح وحيداً... لا يوجد من يواسيك ولا من يمنحك قوة لايوجد من يتمنى لك نوماً هنيئا! عندما كنت تفكر بأنك محاط بالاوفياء ثم تفهم بأن الجميع صار يبني نفسه من حطامك! حسناً... لابأس! لازلت اقاوم...
