العميلة 306 (باللهجة جزائرية )

الحلقة 2

.. الحلقة 2 :
عنوان الحلقة : #بدايات_مختلفة
ريان تحكي :
ليوم تعدا نهار عادي .. نهار الكل نخمم فاللي صرا البارح فالليل .. حتى الجنرال وقفلي صلاحياتي كلها مؤقتا .. بش نظطر نعمل كلش بطريقتي .. النادي بدا يفرغ .. هزيت القفازات تاع البوكس و قدمت .. باقية نضرب في كل مرة نحاول نربط الاحداث .. نوصل لفكرةمسدودة .. بقاو غير هوما .. و متأكدة اللي هوما بارونات المخدرات فالجزاير..تأخر الوقت و أنا فالنادي .. الكل روحو .. قعدت فالكوان متاع الحلبة .. تكيت راسي للتالي .. رجعت بيا الذاكرة خمس سنين للتالي.. ⏪⏪⏪وقتها كنت فلافاك قاعدة مع البنات .. هزيت راسي كي قاعدين يهدروا عليه ..
- يهبل يا الزح .. قالوا طايح مع وحدة عندها الدراهم
-يا التبهديلة شافنا كي نشوفو معاااه!!
ضحكت على منظرهم .. و تلفت نهز فكتابي و الكيتمان .. نطلع نقرا ..
مع نضت و تلفتت تخبطت فيه .. ياه ربي كيفاه لحق يوقف ورايا .. تلفت شفت مع صحاباتي .. داهشين .. مش مصدقين اللي وقف قدامنا مع زوج صحابوا .. شفت معاه ملفوق للتحت
ريان ؛ پففففف لافاك كاملة ملقيت غير هنا توقف ..يخي حالة يخي ..
تعديتوا
ريان؛ الجايحين تاع لافاك
طلعت نقرا التيدي تاعي السنة ليسونس نكمل عامي نتهنا .. مع كملت روحت للإقامة .. مستنيتش صحاباتي .. نعرف يروحو يدورو .. فالليل يرجعوا ..
حطيت تيليفون يتشارجا نهار كامل طافي .. مع شعلتوا صونا بعد .. شفت مع النومرو .. منعرفوش .. كوپيت .. باقي يعاود .. شي عشر مرات ..
ريان؛ خير انشالله ..دوكا نتوما متكرهوش .. مي تحلبتوا مبقيتوش تعيطوا بالماسكي سبحان الله .. مي موال يقتلكم الفيد و المونك فالليل .. تخمموا غير بأعضائكم التناسلية ..افففف
إياد؛ وكلوك لسان خروف كي كنتي صغيرة .. طاجين الرحا (الهدرة😂)
ريان؛ ملخر ملخر .. حاب توصل لعجبتيني من لافوا و بطاطي بطاطا و واش راكي لابسة هيا باي
إياد؛ صحاباتك راهم عندي
ريان؛ كيفاش !! شكون نتا
إياد؛ الكابوس اللي تشوفيه فالنهار .. ارواحي ل ********* سينو يموتو .. هو قديم شوي التهديد هدا بصح محتمة تجي ..
وصلت للبلاصة كانت فارغة .. ڨاراج كبير قدام تراكتور مكسرين .. حطيت يدي على جيبي نتأكد من الموس .. و مشيت جيهتوا .. دزيت الباب بالشوي .. ظلمة ما نشوف في والو ..
ألينا؛ هااني جيت اخرج  ...
باقي السكات .. شعلت الفلاش تاع التيليفون .. نشوف جيست فالحوايج المكسرين .. يبان مصنع قديم .. شوي و شعل الضو فالكوان اللي منهيه
رحمة؛ سوربريييييييز
عايدة؛ سوووربريييييز،
ريان؛ و وش كاين ؟
جاو يجريو ليا ..
رحمة؛ عيد ميلادك يا بقرة
تلفت نشوف للبلاكة "happy birhtday rayen " و اللي يقراو معانا جاو تاني بنات و دكورة ..
ريان؛ بيتش خلعتوني في بالي صراتلكم حاجة ..
رحمة؛ شكون يندب علينا خخخخ
عايدة؛ حبينا نبدلوا .. باسكوا كون درناها ف cafette تفيقي ..
ريان؛ هههه بڨرات .. مرسي نحبكم
عايدة؛ هيا من الصباح و الشعب يستنا فيك...
ريان؛ هههه أوكي
رحبت بيهم .. شفت مع البلاصة ردوها تهبل .. بحوايج سامپل تبسمت و انا نشوف معاهم .. صح الصحابات نعمة .. قطعت الڨاتو و كلينا .. شوي و تهد الباب .. تخلعنا من الخبطة .. شفنا جماعة داخلين هازين السلاح .. و ملثمين كلش كحل في كحل .. البنات ناضو يتعايطوا .. و الدكورة جمدوا معندهم ما يديروا قدام جماعة هكا .. يبانوا ارهاب ..
-تتحركوا اخرجوااا وااااحد وراااا خوووه .. منسممممعش حسكم
-وحدة من البنات: ش شكون نتوما؟؟
تهزينا و تحطينا كي سمعنا صوت الرصاصة كي خبطت فالسقف .. مشاو الكل .. بقيت انا اللخرة فالصف .. خرجنا.. لقينا طاكسيات كوحل حابسين .. ووحايد بالرونج روفر .. و شاحنة كبيرة .. محلولين البيبان تاعها
راح واحد من الرجال يجري لواحد عاطي بالظهر
-بوس لقيناهم فمقر التخزين .. وش نديرولهم
عملوا اشارة بيدوا تاع اتصرف ..
جا لينا .. حالتنا تشف .. اللي تبكي تبكي و اللي خايفة .. و اللي ترجف .. و مام الدكورة .. باقي هاذاك البوس يحكي مع السيد .. و يمدوا فالفاليزات لبعضاهم .. منحتاجش تخمام بش نعرف وش فيهم .. اول مرة نعيش تجربة هكا .. تحسوا فيلم أكشن فالطليان .. قلبي وجعني عاللي معايا .. كون مش لانيفارسار تاعي ...مراهمش هنا .. ولا صرا هذا كامل .. غزرتلوا كي ناض يعيط
البوس؛ وييينو إيااااد مجاش لدوكا
-بوس قال اللي هو فالطريق ..
ڨارات طاكسي خلاف بالوقت ..
-نزلوووووا ريسانكم نتوما .. اللي يطلع راسو نبدا بيه !!!
نزلنا ريساننا .. اما باقية نشوف بطرف عيني تحت شفاري ..قلبي حبس كي شفتهم قدموا حلولوا الباب و نزل .. هو!!!! .. حسيت بالدنيا دارت بيا .. كي عطاني واحد فيهم كف .. طحت جرتوا ..تخبط راسي فالحجر ..
-قلت كامل تنزلوا راسكم .. نتي فايقة عليهم
زاد عطاني كوتبي .. حسيت كرشي تقسمت .. جبدني من شعري قومني .. جات عيني فعينوا .. حسيتوا استغرب .. لف البوس تاعهم تاني غزرلي .. فلت لاخر شعري بالوقت .. و ركز الفرد فراسي من اللورا .. شاف مع البوس تاعوا .. عملوا بعينيه ايه
ركح الفرد.. بش يتكا .. غمضت عينيا بالقاوي
إياد؛ حبببس
حليت عينيا نرجف .. مش مصدقة اللي مزلت حية
تلفت ليه البوس
البوس؛ وش كاين إياد ؟
إياد؛ شكون هاذوا. . و علاش راهم هنا
-مسيو إياد هاذو كانوا يحتفلوا فالمخزن تاع السلاح .. كون اكتشفوا الطابق الأرضي كنا نروحوا للهلاك ..
خزر فيا .. منعرف اذا راني مشوكية كي شفتوا .. ولا كازانوفا لافاك ظهر مافيا .. ولا راني فنص المافيا .. ولابش نموت .. وجيعة راسي تروح و تجي .. الدنيا دور بيا
البوس؛ اقتلوهم
إياد؛ لالا
تلفت خزر فيه خزرة خلاتو يتبكش ..
البوس؛ نعم وش تفضلت سي إياد
إياد؛ بوس متقتلهاش
عملوا بعينيه عليا .. تلفت شاف معايا و خزر فيه
البوس؛ من وكتاه تدخلوا الق***** في خدمتنا إياااااد
إياد؛ بوس نعرف مش من صلاحياتي نتدخل خدمتي تكمل بتسليم الفاليزة .. اما هذا طلب من ابن لباباه ..
خزر فيه ندرا كيف .. وتلفت هزني و حطني .. الصورة بدات تضبب .. حطيت يدي على راسي نحاول نوازن روحي .. منيش قادرة نوقف
البوس؛ اقتلوهم كامل .. غيرهاذي يقتلها إياد بيدو ..طحت فالارض .. نحاول نحل فعينيا والو.. نسمع صوت السلاح .. صورتهم تروح و تجي و هوما يطيحوا .. مديت يدي بش نوقف .. والو .. و هاذي آخر حاجة شفتها ...
⏩⏩⏩⏩⏩⏩⏩⏩
فقت من سرحتي كي تحط بابي موشوار عليا .. طلعت راسي شفت معاه
ريان؛ نتا!!
#العميلة306
#أخوان_في_عشق_إمرأة_واحدة
#يسرى_أمجوج