الفصل الخامس عشر
~~~~~~
قابلت كاميليا هاجر في طريقها وبعدين خددها وخرجوا من منطقتهم الشعبيه وركبوا تاكسي يوصلهم لبيت كارمن ووصلوا بعد ربع ساعه وطلعوا الدور الخاص بـ بيت كارمن ورنوا الجرس لتفتحلهم شاهنده بحنق
شاهنده: خير؟
كاميليا : كارمن فين!
شاهنده: بلعتها
هاجر: ايه الخفه ديه
خرجتلهم كارمن من اوضتها وخددتهم ودخلتهم لأوضتها تاني بعد ما بصت لشاهنده بقرف
هاجر: يا ساتر يارب من الوليه ديه
كاميليا: أنا أحترمت نفسي قدامها واللي وديني كنت مسحت بوشها العكر ده الارض
كارمن: فككم وقولولي ايه أخباركم وأخبار فادي ايه صح!
كاميليا: الحمدلله كويسين وفادي ده غريب بتصل بيه لأما مغلق لأما مش بيرد لأما يرد ويقول مستعجل وسلام
هاجر: بيعمل معايا كدا برضو معرفش ماله لما سافر
كارمن: ممكن عشان أبوه مشغله كتيير او مش بيعرف يكلم في نص الناس وأنتوا عارفين الصعايده مش بيسيبوا الواحد لوحده بيقعدوا معاه ورغي بقي
كاميليا: ممكن برضو ...مش هتروحي الشغل؟
كارمن : وعشان كدا جيباكم هنا هاجر هتنزلي مكاني في الشغل مع كاميليا
هاجر: لا طبعا أنتي هبله يابنتي ده شغلك
كارمن : يا زفته أسمعي انا الفتره ديه مش هنزل الشغل عشان تصرفات شاهنده مش عجباني وما دام رجعت لحياتي مع ريان تاني فانا عايزه أعرف ايه قصتها وحياتها لأن دخلتها بجوازة ريان مش عجباني
كاميليا: ناويه علي ايه أصلا !!
كارمن: لسه هشوف المهم هاجر انتي هتنزلي مكاني وانا أصلا محتاجه أريح شويه من زن العيال بتاعة الحضانه وكدا
كاميليا: أهم حاجه أول ما تحتاجينا هتلقينا في ضهرك
هاجر: بظبط كدا
ابتسمت كارمن ليهم وبعدين خددتهم في حضنها وقالولها أنهم أتاخروا وهيمشوا عشان يلحقوا يكلموا مع المديره ووصلتهم كارمن لحد الباب وأول ما فتحت الباب لقت شخص غريب أول مره تشوفه
كارمن: أيوه حضرتك عايز حاجه؟ !
الشخص: أيوه عايز شاهنده
كارمن: تقربلها ايه بقي!
جات شاهنده من وراها وهي مبسوطه بشخص ده وخرجت ليه علي الباب وهي بتحضنه
شاهنده: سامر حمدلله علي سلامتك يا حبيبي
سامر: وأنتي كمان يا عمتوا وحشاني أووي
كاميليا وهي توشوش لكارمن: طلع أبن أخوها
شاهنده: تعال يا حبيبي اتفضل بيتك ومطرحك
كارمن وهي واقفه كحاجز: عندكم مينفعش يدخل
شاهنده بصتلها بغضب وغيظ: لو ناسيه أفكرك البيت ده بيتي يعني أنا اللي امر مين يدخل ومين ميدخلش وده ابن أخويا مش هخليه يبات عند الغرب ويسيب بيت عمته يعني
زقتها شاهنده من ايديها وبعدين دخلت هي وسامر اللي بص علي جسم كارمن بخبث وهي خددت بالها عشان كدا مكنتش حبه تتدخله من غير وجود ريان
هاجر: أنا ممكن اقعد معاكي لحد ما ريان يجي عشان الواد ده مش مرتاحه ليه
كارمن: لا روحوا شغلكم يلا وأنا هاخد بالي ومتخفيش عليا نسيتي أني ممكن أخفيه من علي وش الدنيا
كاميليا: كارمن مبهزرش أنا هفضل معاكي
كارمن: جرا ايه يابت منك ليها هخاف من حتة عيل يلا يا ماما أنتي وهي علي شغلكم يلا
كاميليا: طب أبقي كلمينا ها
كارمن: اشطا سلام بقي
قفلت الباب وراهم وبعدين دخلت المطبخ تعمل نسكافيه وهي بتفكر في الضيف الجديد اللي هيقيم هنا خلصت وجهزت النسكافيه وبعدين قعدت في الصاله قدام التليفزون شويه ولقت حد قعد معاها
سامر: أنتي بقي الزوجه التانيه علي عمتوا!
كارمن بسخريه: ايه ده هي عمتوا مقلقتش ليكم أنها هي الزوجه التانيه لا اخص عليها
سامر بخبث: لا بس ليه حق جوز عمتوا يعجب بيكي
كارمن بحده: ما تحترم نفسك
خددت بالها من طريقته هي فعلا عرفت ان الواد ده شكله مش سهل زي ما هاجر قالت قامت من جمبه بعصبيه ودخلت اوضتها وسابته باصص لأوضتها بتفكير
أنت تقرأ
قيود عشقها
Randomهي لم تجرم حين أحبته! !. أعطته الأمان والراحه والحب ..ليعطيها الحزن والدموع ليصبحا رفيقيها مدي الحياه! !. فلماذا تعاقبوها علي لقب المطلقه فهي لم تختر حياتها لتصبح ما عليها .. أحبته وجرحها ..أطعمته وغدرها ..كانت له الحضن فكان لها القسوه .. هل أخطأت...
