✍ روز علي .
.
الحلقه الحادية عشر .
.
بين الغرور والكبرياء . .
.
من كد ما ترف ينشاف بيك الماي .
وتخجل من ضواك وتنطفي الشمعه .
واظن عشرين واكثر حملت امك بيك .
لان دكه جمالك مو شغل تسعه .
..
.
11
صگر .
كعدت من الغبشه . كال ابويه تهير تنحدر للمستشفى على مريتك . انه هم سبحت ونزلت شغلنه السياره اجو عمامي وابويه وصعدنه . وصلنه للمستشفى محد موجود من اخوتهه . فتنه عليهه هيه نايمه بالعناية المركزة . فتنه الغرفة الدكتور . حجيت ويا طلبت منه التحاليل والتقارير دحگت . حالتهه تعبانه البنيه متأذيه . طلعنه من المستشفى وصلت ابوي وعمامي . عدهم شغل ومعزومين هم . رديت للبيت . دحگت سهام ومي يتراكضن بالحديقه وبالمي وثيابهن لاطشه عليهن . نزلت من السياره . وصيحت. .
صگر . سهام .
.
سهام . متت بدمي . ها خويه .
.
صگر . للبيت عدل .وحسابج بعدين
.
مي .
هذا شبي من الصبح هسه قابل احنه شمسوين . راحت سهام تمشي واني تقربت كدامه وكفت واحجي .
.
انت شبيك قابل شسوينه بكل شي تحب تتحكم . وتسيطر .
.
صگر . يول انتي ما تخافين من احد ..
ماكو احد يردعج . يول اكضبي الكاع ولا تضلين خفيفه .وتعلميهن وياج ..
.
مي . ما اعتقد سوينه شي غلط او جرمنه بحق احد .
.
صگر . يول وحك الله اعيد تربيتج من جديد لا تطلعيني من طوري .
.
مي . احترم نفسك . متربايه اني .
.
صگر . استغفر الله . امشي ولي من جدامي . واكفه بهاللبس وبهالشعر والله مال ازينو زيان خاطر تلفين الشال ع راسج مثل الاوادم ..
.
مي . اوووووف
.
عفته ومشيت فتت للبيت . صعدت للغرفه بدلت ملابسي لبست بنطرون جينز وتيشيرت ..صاحتلي نادية .
.
نادية . يول يمي . ياله انه رايحه ..
.
مي . جاية جاية .
.
اخذت كامرتي ونزلت اركض . من الدرج . وهي كانت لابسه دشداشه طويله وخاله الثام ع وجهه وبس عيونهه مبينه . طلعت اني وياها ومشينه للمكان الي يلمون منه الزرع . كانو زارعين طماطه وبيتنجان وباميه وفلفل خيرات رب العالمين اشكال والوان . بقيت افتر واشوف شكد حلو . مكان الزرع قريب ع الشط كلش حبيت المكان . بس بوقتهه البك اكلني وشرب كل دمي كملت ناديه ورجعنه للبيت . صعدت سبحت وفتت للغرفه تمددت ع الجربايه . وفتحت الحاسبه اراجع تحضيرات الندوة اليوم . كملت خابرت ع بابا باجر يجي ان شاء الله . نزلت وقت الغدا فتت للمطبخ اجه حامد وجايب كراتين عصير خلتهن سهام بالمجمده . واني ساعدت هديل وناديه فرشنه السفره تغدينه وكملنه غسلت ويه هديل المواعين وصعدت للغرفه بدلت ملابسي . وبديت اجهز نفسي .اني واحجي ويه اصدقائي الي بكندا بالفون . . باوعت ع الساعه ب ٤ . صاحت هديل . عليه .
.
هديل . مي وينج النساوين كلهه حدرن لهين ياله نزلي .
.
مي . جايه جايه .
.
لبست تنورة قصيرة لون ماروني وقميص ابيض . كلش حلو . اخذت اللابتوب وفوني ونزلت . فتت للمضيف لكيت عدد كلش هواي . واعمار مختلفه .
.
مي . السلام عليكم ..
.
الكل : عليكم السلام .
.
مي . اول شي اعرفكم ع نفسي . اسمي مياسين احمد .
أنت تقرأ
بين الغرور والكبرياء .
Romanceتدور احداثها حول فتاة ولدت خارج البلاد بعيدة عن حياة مجتمعنا المحافظ . عائدة الى بلدها الاصل العراق في عمل . ليخط القدر كلماته في حياتها مغيراً كل شي . . قصه باللهجه العراقيه (حقيقيه ) . بقلمي روز علي .
