الحياه امل

الحلقه الاولي

نهاد:مااااااميييي

نهله:نعم خيرك حبيبتي

نهاد:خيرك لتو ما نوضتينيش تاخرت هلبا انا ماشيه امواه (باست امها ) وجت طالعه

نهله :استني يا نهله لتو مفطرتيش راه

نهاد:خديت معاي ساندويتش معاش عندي وقت سلام

نهله: ههههه هالبنت متبيش ترزن

((خلوني نعرفكم عليا انا نهله بنت ماما الوحيده بابا متوفي وعندي تلات خوت خالد مواليد 87 واحمد مواليد 90 وسالم مواليد 93 واختين سميه مواليد 89 وسالمه مواليد 91 طبها هما من مرت بابا وامي هيا المرا التانيه لهدا يكرهوها وانا بنت امي الوحيده مواليد 97 ونقرا اخر سنه في الجامعه تخصص لغه انجليزيه طبعا مواصفاتي روعه وهدا الي مخلي الكل يغار مني انا بيضه هلبا وعيوني ملونات شعري لونه قهوي ولمعته علي الدهبي وجسمي رياضي وعلي ما ناكل منسمنش هههه المهم معنديش خوال ولا خالات وعمامي وعماتي يكرهوني بسبب ان امي اخدت ولدهم الي هوا بابا طبعا انا انسوق وعندي سياره وزمان كنت نحب ولد ولي توا ساكن قلبي قعدنا علاقه تلات سنين وهوا يموت فيا لاكن في السنه التالته كلمني وقالي كلام يجرح وكسر قلبي دخلت بسببه في حاله لدرجه عشت بالتغديه لمده تلات اسابيع بعدين فقت علي روحي وقررت نتخطي الموضوع ونبدا حيا تي انا وماما لاكن للاسف كسرلي قلبي وبديت نكره صنف ادم الي هما الاولاد بصفه عامه خلونا نرجعو لقصتي انشاء الله تعجبكم ))

نهاد:واخيرا وصلت لقيت اختي تستنا فيا (هيا صاحبتي الوحيده لاكن انا معتبرتها اختي الي ما جابتهاش امي

سهام:وينك لتو يا الحب صباح الخير بسرعه المحاظره بدت

نهاد:صباح الورد يا حياتي هيا 

ودخلنا وكاكتنت المحاظره ممله لاننا دكيات واول ما طلعنا جا لنهاد اتصال

......:الو

نهاد : نعم من معاي وعلاش راد عليا بهاتف امي شن صاير 

......:صاحبت الهاتف هدا في المستشفي

نهاد :كيييييف اما مستشفي

......:مستشفي ....

نهاد:سكرت الهاتف وطلعت تبكي وسهام معاها تواسي فيها لين وصلو واول ما دخلو قعدت نهاد تبكي لين طلعت الممرضه

نهاد :طمنيني شن صار

الممرضه :شن تقربلك المريضه

نهاد ا ا امييي بالله طمنيني

الممرضه : .....يتبع

(( طبعا هادي اول روايه ليا نبي منكم تشجيع وهادي المقدمه بس مازال فيه احدات هلبا في الحلقات الجايه ))

سلام حبايبي