بين الغرور والكبرياء .

بين الغرور والكبرياء ٢٨

✍روز علي .
.
الحلقه . الثامنه والعشرون .  .
.
بين الغرور والكبرياء .
.
بغيابك حبيبي إشلون أصبّر الرّوح
يا حال إليظل على حالي من تروح
جرحك بالكلب داويته بس ما طاب
وبطاري السّفر زيدت قلبي إجروح
ما أنساك لو سافرت عشر إسنين
وشوكت ما تردّ باب القلب مفتوح
يمّي أنت وأحسّ بيك إبعيد وأبد
ما فكّرت يجي يوم منّي إتروح
صحيح أنّي كلتلّك سوّي كلشي إتريد
بس على البعد كلتلّك هذا ما مسموح
النّفس أنت الأشمّه ولو تروح 
شلون تريد أعيش إنّي بلياك
وإنّي أشتاقلك من إنت موجود
من تبتعد أظلّ للصّبح ما أنام
وإذا ما تصدّك نجوم السّما شهود
أموت أني بغيابك لمّن تروح
لن حبّك بكلبي ماله حدود
يوم التّسافر أحجز لشخصين
لأن ميه بالميّة ويّاك قلبي إيروح.
.
٢٨
مي . صقر اهدا . سالفه وصارت  والبنيه اعترفت بغلطهه .
.
صگر .  ولج انتي ماتعرفين هاي لو ما انه اكشفهه   جان بقت واستمرت .   ولج يولي هو هذا جراح شنو .  انسان ساقط .
.
مي . شنو راح تسوي بالفون .
.
صگر .  راح يضل يمي .  .
.
مي . ماشي . زين ممكن تفتح الباب .
.
صگر
بقيت ادحگ وصافن  عليهه وعلى عيونهه  .  . اوووف الود ودي اخذج بين ضلوعي . جريت حسرة  بس حزتهه اهجس روحي مجمره . فتحت الباب وطلعت فتت للغرفه ع سهام وهي تمشي ورايه . كعدت ع الكرسي . وسهام لمت نفسهه وكعدت . حجيت بهدوء .
.

صگر .  اليوم بيت عمي يمشون عليج الرعد . وبنفس الوكت يكطعون مهر .  جراح مايفيدج  وماعليه اعتماد وانه اعرف دكاتو الناقصه عندو استعداد يشهر بيج . .  وحك الله لو ادري بي زلمه ويجي للباب  ما مانع  . بس هو مو زلمه عاب ع الزلم الي ينحسب منهم .   ..
.
سهام .  خوية الي تريده سوي وحك الله راضيه بي .

صگر .‌ . ولا عبالچ انه گطيتج ع ذياب . غلطانه ذياب هو بنفسه اجه طلبج مني ورايدج وشاريج .   . 
.
سهام .  خویه راضيه بكل شي  والله ذياب او غيرو . بس لا تزعل علي وسامحني . 
.
كمت من مكاني وتقربت عليهه بستهه من راسهه . وطلعت ادحك ع مي دموعهه بعيونهه .  هالفصعونه هاي بكل شي تتأثر . ابتسمت و عفتهن  و نزلت للهول . كعدت يم امي ..
.
مي .
متت خوف من راح الغرفه سهام كلت اكيد حيسوي شي .  لحكته .  بس كان كلش هادئ حجه وياها . وبعدين باسهه وطلع . عرفت انه صقر من خوفه عليهه . سوة هيج . ولا غيرته سمحتله .   رحت عليهه حظنتهه . فاتت زينب وبيدهه صينيه غدا . كعدنه تغدينه سويه . وسهام غسلت وغسلت اني . وبديت اجهزهه للمهر اليوم  خطيه . والمهر  بس احنه وبيت عمامي . مكيجتهه وهي لبست ثوب حلو وشال . طلعت كلش حلوة .  واني سرحت شعري ونهاية الخصل سويتهه بالفير . .  لبست  فستان قصير للركبه زيتوني  . وربع ردان . مخصر ع الجسم . وعدل مابي شي   لبست اكسسوار ويا .  وعفت شعري مفتوح ولبست حذاء كعب .  كملنه وبقينه كاعدين بمكانه اجن البنات الباقيات كلهن يم سهام .  غيرنه الهه جو وندك ونركص ونضحك ومتونسين  صار وقت العشا صعدت زينب الي والسهام .
والباقيات تعشن جوة .  بالصاله كملنه .  اجتي هديل . مصدكنه من شفناهه . حظنتهه وبوستهه . وهي هم .
.
هديل .   ياله حدرن بيت عمي جوة .
.
مي .  نزلت اني وسهام . لكينه نسوان عمامي كاعدات . وعماتي . سلمنه وكعدنه .  صارت الخطبه وكملو    وعقدو . اجه رعد كعد يمهه شويه ورجع  .  وبيوم خطوبة سهام . نسوان من المنطقه . حجن بخصوص مسره . شافنهه وعجبتهن .  وخالتي ام مسره رحبت بيهم وان شاء الله عن قريب هم يجون ويخطبوهه . كملنه العقد وراحو عمامي . اباوع على سهام مرتاحه . لحظتهه ماعرف شصار بداخلي تمنيت اني هم امر بهيج يوم . لكن هواي عقبات كدامي وبيهه الي اكدر اتخلى عنهه وبيهه لا .  اختنكت وكفت دمعتي بطارف عيني . واحس قلبي صار يدور عليه  وعيوني تريد تشوفه . بيني وبين نفسي  قررت لازم اعترف اله . لازم اكله اني احبك .  كاعده وصفنه تاخذني وصفنه تجيبني .  شفته فات للصاله بكشخته وهيبته وعطره القوي .  سلم وصعد وعطره بقه ورا .  . مكعد يمنه لان بعد اكو من بنات عمي . اخذت نفس شميت عطره . وصعدت ورا . دكيت الباب وفتت الغرفته شافني فتح عيونه ..
.
صكر
.كملنه العشا واني صعدت سبحت وبدلت . لبست دشداشه ويشماغ . وعطري وساعتي والمحبس  والسبحه بأيدي  . وع اخر حبه .  نزلت للربعه  انتظر بيت عمامي . . التمينه وصارت المشيه وبنفس اليوم كطعو مهر .  فات رعد يمهه شويه واحنه ضلينه نسولف  كملنه وكلمن راح الاهلو طبيت للهول بعدهن البنوات . لمحتهه كاعده وخالة رجل ع رجل ومنتجيه ومكتفه ايدهه .  وعيونهه علي . صعدت طبيت الغرفتي . نزعت الشماغ وكطيت السبحه والموبايل ع القريوله وكعدت . دنجت راسي وخليت ايدي ع ركبتي وافكر شلون بيه وبيهه . لوين راح نوصل . . ندكت الباب ونفتحت . قبل ماكول تفضل او منو .  طبت هي وسدت الباب .  من شفتهه وكفت وتفاجئت .
.
شتسوين هنا . 
.
مي . محجيت شي   بس عيوني مليانه دموع . لحظتهه مادري شنو راد يصير بيه . لان متتوقعون شكد محتاجتله . محتاجه احظنه .  تقربت عليه وحظنته . وصرت ابجي ودموعي تجري ويه شهكاتي . محتاجه حظن انسان يخاف عليه ويهتم بيه . محتاجه شخص بخوفه مثل بابا وبحنانه مثل ماما .  محتاجه شخص . يخاف عليه ويحبني مثل حب صقر . اي رغم مشفت من حبه شي . بس متأكده يحبني ويعشقني هم . وعشقه مو سهل  .  عشق رجال غيور . 
.
صگر .
تفاجئت من حظنتني وكامت تبجي خفت عليهه . واهجس قلبي صار نار .  خليت ايدي على خصرهه وانه هم حظنتهه . لان قلبي يريدهه وميت عليهه . اهجس روحي جهنم وانطفت يمهه .  صرت بس اشم بيهه .  وخرتهه مني ومسحت دموعهه . .رفعت راسهه بأيدي .
.
شبيج يول ليش تبجين .
.
مي . صقر . 
.
صكر . يبعد اهلو .
.
مي .  بعد ما اكدر ابقه ساكته .  لان فعلا بعد ما اكدر اتحمل . 
.
صگر . عجل احجي ابويه انتي .
.
مي . كنت صافنه بعيونه ودموعي تنزل ومترردده بین الاحجي او لا  .
.