...
"جازي .. جيجي يلا ماما يلا قومي بتتأخرين على المدرسة " قالتها امها وهي تسكر سحاب تنورتها
التفتت للسرير وشافت جازي على حالها فتنهدت قبل لا تقرب وتوزع بوسات متفرقه على وجهها مخليتها تفتح عيونها بإبتسامه
جازي " الناس يقوموا على بوسات حبيبهم وانا اقوم على بوساتك"
سعاد ضحكت " يعني مو عاجبك؟"
جادي ضحكت قبل لا تنفي بسرعه " لا ابد بس وش بك مقومتني اليوم؟" قالتها جازي بإستغراب وهالشي لشغل أمها بالتدريس فدايم تطلع قبلها
ام جازي "لا بس عندي ورشة بمدرستك اليوم واحتمال اني اصير منتدبة فيها"
جازي "ماما تدرين انك أحلى ام بذي الدنيا وانا اموت فيك صح؟"
بشعرها المنفوش جت امها نفشت شعرها وخلت شكلها اكثر لطافة وقالت " خلاص ماما تعودت ودارية وش بيقولون عنك "
قالتها امها قاصده فيها اداره المدرسه اللي دايم يكلمونها عن مخالفات جازي لكن لمعرفتهم القويه فيهم فهم مضطرين يتحملوا جازي
...
في نفس الوقت وبمكان ثاني
صحت على صوت جوالها اللي يدق .. تنهدت واخذته "هلا امل؟"
امل " هاه صحيتي استاذه ثريا؟"
ثريا " مره وحده اللي تأخرت فيها وقلت ل ما به داعي كل يوم تدقين تصحيني"
امل " اجل شنو تبين تتأخرين مره ثانيه على اجتماع مهم نفس كذا!"
ثريا مسكت راسها للصداع اللي داهمها " مو على اساس اليوم ما فيه شي مهم؟"
امل " ايوه بس بالمدرسه فيه"
ثريا " امل .. لو تبين نفسك قطعه وحده سكري اللحين"
...
جازي نزلت من السيارة بحماس وجنبها سعاد -امها- اللي تضحك عليها .. شابكت جازي ذراعها بذراع سعاد وقالت " بوريك كل شي وكل صحباتي بالمدرسه "
سعاد " انتِ فكيني من مصايبك وانا بصير بخير"
جازي ناظرت لها " انا بريئه ما سويت شي" ضحكت سعاد ومعها جازي اللي سكتت بعد ثواني تناظر للبنات اللي يتهامسوا على امها وجمالها
فدقت بكوعها خصر سعاد وقالت " ما بقى احد ما تكلم عنك ما عرفتك يا انجلينا جولي "
سعاد ضحكت بغرور " مسكينه وش يدريك بالجمال انتِ" ضحكت جازي وكملت سعاد " يلا روحي فصلك وانا بمر الاداره "
جازي " شدعوه تبدون من اللحين؟" سعاد نفت " لا بس جيت بدري عشان اجلس معاهم شوي " همهمت جازي قبل لا تقول بهمس وهي حاطه يدها على اذنها
تمثل بأنها حارس شخصي " طيب ماما بس خليني اوصلك لهم اخاف عليك من الحيوانات الناطقه هنا" ضحكت سعاد وهي تضرب كتف جازي
