{الحب الاعمى} الجزء الاول منقولة
جدول المحتويات

    أنت تقرأ

    {الحب الاعمى} الجزء الاول منقولة

    Misteri / Thriller

    قصة ليبية تتكلم عن الحب الوفاء الصداقة الاخوة الخيانة الكذب قصة طويلة جميلة مأخودة من أحدات حقيقة لم تكتب عبثا او لتسلية فقط بل كتبتها الكاتبة بكل احساس ومن واقعنا فالنقراها ونتمعن في أحداثها ونأخد ماه رائع وجميل منها وأنا أنقلها كما كتبتها الكاتب...

    #😍خ

    {الحب الأعمي} الحلقه 18

    2.3K 19 1 
                                        
    
                                              
    ركب يوسف وخش للشقه وانا كنت اندوش ونفكر في كلام أحلام كلا وشن اندير
    
                          
    طلعت من حمام لبسا ديشمبر قعمزت دهنت جسمي 
    ولبست بجامه عاديه 
    وطلقت شعري وسقمت الشنطه امتاعي وحطيت فوقها شنطة يدي 
    وطفيت ضي الدار وخذيت المخده والفوطه وطلعت للصاله 
    حطيتهن ع كنبه وخشيت للمطبخ كانت مش جيتني نيه ناكل شربت اميا وطفيت الضي وطلعت قعمزت في صاله 
    
                          
    قعدت انقلب في قنوات وبعدها خذيت كتاب نقرأ في باقي القصه  ذاكره جسد 
    
                          
    جا يوسف طلع من دار  وجا للصاله وتما مصبي اشويه ايبحت  
    
                          
    رفعت راسي وبحتت فيه 
    انا: كنك 
    يوسف: رافع حاجبه . منين خذيته لكتاب هذا 
    انا: من مكتبه 
    يوسف: باهي استأذنتي 
    انا: لالا 
    يوسف: نحبش حد يقرب حاجه ليا 
    انا: وانا مش حد انا مراتك 
    يوسف: رفع حاجبه . واااو والله مراتي كنتش نعرف 
    انا: انك توا عرفت 
    يوسف: قرب مني وطبس عليا 
    وبحت في عيوني ومد يدا ع لكتاب وهو يبحت فيا 
    
                          
    يوسف: مراتي بس قدام الناس وكتباتي معش تقربيهن لو سمحتي 
    وخذا مني لكتاب وحطا ع مكتبه 
    ورقد ع ظهرا ع كنبه وخذا جهاز وقعد يغير في قنوات 
    وانا كنت مقعمزا ومربعا ايديا وقهرتني حركتا بكل 
    بس لان قرارت انغير معاملتي معاه سكتت مابتش نحكي 
    
                          
    بعدها اتكيت وغطيت نصي وسيبت كرعيا مش متغطيات 
    وحطيت يدي تحت خدي ويدي التانيه  قدامي وغمضت اعيوني 
    لان بنرقد دبينا يوسف قاعد ومونسني 
    
                          
    يوسف:  وهو يتفرج ع  تلفزيون خلاص وتيتي دبشك كلا 
    انا: سكتا 
    يوسف: حياه 
    انا: سكتا 
    يوسف: حياه وبحت شوري لقاني راقد 
    صبا يوسف وتما يبحت فيا كيف راقدا ونفس تغطايت امس 
    ضحك وهز برأسا 
    
                          
    نزل يوسف عليا 
    يوسف: حياه حياه 
    انا: همممم 
    يوسف: نوضي ارقدي في دار هيا 
    انا: نحكي ومغمضا اعيوني. لالا خليني هنا 
    يوسف: شن خليك هنا نوضي في دار 
    انا: ونحكي بصوت بيبي وتجعوين . تؤ يايوسف خليني نرقد حرام عليك نعسانه بكل  
    يوسف: هيا صبي قتلك 
    انا: فتحت عيوني  وبحتت فيه وكان قريب مني 
    كنت نحكيلا وانا حطا راسي ع مخدا مابيتش انصبي 
    
                          
    نحكيلا بصوت بيبي كنك يايوسف
    يوسف: تنهد ومسح بيدا ع جبهتا 
    نوضي ارقدي في دارك 
    انا: انخاف 
    يوسف: كيف اتخافي 
    انا: نحبش نرقد وحدي وليا يومين نرقد في صاله لاني نخاف  ومش متعوده 
    يوسف: وليش ماقتيلي 
    انا: شن بنقولك اني نخاف نرقد بروحي 
    يوسف: اها كنتي اتقوليها ليا 
    انا: خفت نقولها لكي تفهمني غلط وانت فاهم الجو 
    يوسف: سكت . باهي صبي ارقدي جوا وتو انجي انفرش نرقد جنبك 
    انا: لالا خليني هنا  اساساً اشويه واخره ونمشو 
    يوسف: ماشي براحتك 
    
                          
    وصبا يوسف وحسيت زي الي رقالا اني رفضت يرقد امعايا وانا ضحكت وقتلا في عقلي مازال ماشفت شي هذي بدايه 
    {الحب الاعمى} الجزء الاول منقولةحيث تعيش القصص. اكتشف الآن