الفصل السادس عشر
~~~~~~
اكسري الحزن اللي فيكي وبكل قوة اضحكي❤
صحت كارمن وهي شافت ريان نايم جمبها عاري الصدر ونايم علي بطنه ... أبتسمت علي الليله اللي عاشتها أمبارح معاه وقد ايه كان لسه بيحبها وده عرفته وهي في حضنه بس لسه جواها حاجه مش قادره تسامحه بس قررت تسمع كلام امها لما قالتها قبل ما تمشي مع ريان أنها تنسي اي حزن وتبني حياه جديده واللي حصل حد حاول يخرب بينهم بس في نفس الوقت متسبش الخيط ليه علي طول لازم يحس انها ممكن تسيبه ويخاف ويحافظ عليها ..فاقت علي هز ربان وهو يعدل نفسه وينام علي ضهره وفتح نص عين
ريان : صباح الخير
أبتسمت له وحضنته بخجل وقررت فعلا تنسي أي حزن وتعيش لحظه بلحظه: صباح النور
حضنها ريان بأيديه وباس رأسها وضحك علي خجلها: مش معقول تكوني لسه مكسوفه
ضربته علي عضلاته: ومتكسفش ليه ولا جبله أنا
ريان: لا بس كنت وحشك صح!
كارمن قامت من جمبه ولبست الروب اللي كان جمبها وقامت ليشدها ووقعت علي بطنه وشعرها أتساب حواليه: برضو مكسوفه!
كارمن: ريان اتلم ووسع خليني اقوم
ريان: تؤ قولي الأول ولا تحبي نعيد الكورس
كارمن بخجل: منحرف انت اللي غرغرت بيا اصلا
بصلها بذهول ليضحك بقوه: محسساني اني شقطك ..وكمان أنا اللي غرغرت بيكي باماره وحشتيني يا ريان
كارمن فضلت تتضربه علي كتفه لحد ما مسك ايديها: بطل بقي مصر تكسفني ووسع أصلا أحنا زعلانين من بعض وسع
ريان: كارمن بعترف أني غلطت بس انتي كمان غلطتي أنك مدافعتيش عن نفسك واثبتي عليكي التهمه يبق متلؤمنيش عايزين ننسي الصفحه ديه وأكيد اللي خرب بينا لما يشوفنا سوا هيحاول يخرب بينا فـالحد ما نعرف هو مين برا اوضتنا ديه نتعامل ببرود اما مع بعض نرجع لطيبعتنا
كارمن: ريان عايزه ارجع شقتنا
ريان: لا لازم تبقي قدامي دايما
كارمن: ريان
ريان: أسمعي الكلام ولو مره من غير عناد
تنهدت كارمن: ماشي ..وسع بقي عشان أقوم
ريان بخبث: بفكر أشرحلك أهميه الأداره
زقته وقامت بسرعه من جمبه: سوقت فيها أنت
ريان: ولما أقوملك تعيطي!
سمعوا جرس البيت بيرن وطنشوا عشان عارفين شاهنده هتفتح وبعد ثواني سمعوا خبط علي باب أوضتهم ليرد ريان من جوا
ريان: نعم
شاهنده: أوف اهلك برا
ريان: أهلي! طيب ماشي خارج
ريان: تقريبا جاين عشانك يلا اجهزي وحصليني
كارمن: ومنخرجش مع بعض ليه أن شاء الله!
قرب منها ومسك وشها بأيده الاتنين: عشان أحنا متخاصمين
ضربت كف أيده بغيظ: والله! طب نزل أيدك يا عم المتخاصم
ضحك بشقاوه وباسها وقالها تخرج لانها لسه هتلبس وتجهز وتتطلع وراه وبعد 10 دقائق خرجت ليهم وهي لبسه فستان لحد الركب وعليه جاكت بكوم ورافعه شعرها ذيل حصان وراحت تسلم علي حماتها الأول وبعدين حماها وبعدين رهف وخلصت السلام وقعدتت جمب ريان اللي همسلها.
ريان:ليلتك طين
كارمن: ليه؟
ريان: مش شايفه الفستان طويل شويه كنتي قصريه حتي سيبي الشعب يفرح
كارمن: دمك مش خفيف علي فكره!
ريان: المصيبه أننا هنتخانق بجد علي مسخره ديه
فريده: بتوشوشه في ايه يا حلوين
رهف: مش شايفه كارمن مكسوفه أزي يا ماما!
بصتلها كارمن بذهول وبتقول لنفسها هما فهموا غلط وبعدين بصت لـ ريان بحده لقيته بيبص حواليه ومتجاهلها وده خلاها تتغاظ منه
كارمن بتحدي وقررت تخل اللعبه التمثيليه اللي بينهم في صالحها: مش عارفه أقولكم ايه يا جماعه
هاشم: مالك يابنتي اكلمي
فريده: حصل حاجه دايقتك من ريان تاني قولي وشوفي هعمل فيه ايه
ريان: الله الله!
كارمن: خايفه بعد ما احكي اظلم تاني واضرب تاني
ريان بذهول: تتضربي تاني من مين!
كارمن قامت بسرعه وقعدت جمب حماتها وحضنتها بحزن مزيف: بينيمني علي الارض يا طنط يرضيكي! ولو اتكلمت بيبق هيمد ايده عليا
فريده بصدمه: يا نهارك اسود يا ريان! ايه اللي بتعمله ده!
ريان: والله ريان نفسه مصدوم!
هاشم بعد ما لاحظ ضحكة كارمن بسبب ملامح ريان المذهوله ليقرر يمشي معاها في الفكره
هاشم بعصبيه مزيفه: أنت يا ريان انت! لا واضح أنك ناقص تربيه وانا قررت اطلقها منك بقي بما أنك مش قد أمانه
فزعت كارمن من سيرة الطلاق ونطقت بسرعه: لا لا طلاق ايه يا عمي
ريان بحده: لا طلاق ايه فعلا ..مانا لازم ارد اللي هي بتقول عليه عشان مبقاش كذاااب
هاشم بخبث: لا يابنتي هو مش قد أمانه يبق تتطلقي أحسن
أتوترت كارمن ومعرفتش تقول ايه ليكمل هاشم بضحك
هاشم: مش قد اللعب بتلعبي ليه؟
ضحكت كارمن: مانا بصراحه ملحقتش اعمل فيها الزوجه الزعلانه لما رجعني البيت وكنت عايزه اربيه بس قلبي طلع رهيف
ريان: ماااشي هبق هعرفك اخرة الحركات ديه ايه ..وكمان كان ممكن نعرفهم كنت بضربك ولا لا وأحكيلهم بتفاصيل اللي حصل أمبارح ووحشت
جرت كارمن بسرعه عنده وحطت أيده علي بوقه وتكلم بعصبيه
كارمن: ما تسكت بقي عيييب حتي اختك موجوده
شال أيديها: لا عادي ما أنا أصلا منحرف وقليل الأدب
فريده: ريااان ما تحترم نفسك وعادي مراتك كانت بتألش عليك
ريان: خدت بالي
رهف: يخريب عقلك يا كارمن بس بصراحه حاسه أننا هنترحم عليكي من بعد ما نمشي
كارمن : حاسه مش متاكده!
رهف: أومال الأميره مطلتش بهئيبتها علينا ليه؟
هاشم: رهف
رهف: أصل من الذوق تتطلع تسلم علينا مش تفتح وتسيبنا كدا
فريده: يمكن بتعمل حاجه وبطلي طريقتك الزفت ديه
ريان: ثواني وجايلكم يا جماعه
دخل ريان اوضه ملقهاش هناك دخل المطبخ لقاها قاعده بتأكل هي وسامر
ريان: بتعملي ايه؟ !
شاهنده: بأكل!
جز علي أسنانه بحده: يعني مقعدتيش مع أهلي برا ومطنشاهم وداخله تقعدي تأكلي وتتمسخري ضحك هنا
شاهنده: : أنت مالك مكبر الموضوع كدا ليه ما هما أكيد جاين لتانيه مش ليا قولت أما أقعد مع أبن أخويا أحسن
ريان: شاهنده أنتي بقينك كام يوم سايقه العوج عليا وانا صبري خلص منك ودلوقتي علي برا يلا
شاهنده بصدمه: بتتطرديني يا ريان!
أستغرب منها: بطردك فين؟ !
شاهنده: ما أنت بتقول برا
ريان: متعصبنيش من غباءك بقولك برا أطلعي لأهلي أتفضلي
شاهنده: ماشي يا ريان بس لينا كلام علي طريقتك اللي أتغيرت معايا ديه
ريان: من عمايلك يلا وأياك برا تتعوجي قدامهم سامعه وفين أدم!
شاهنده: راح الحضانه وزعل أنك مروحتش معاه وقال مش رايح معاك تاني
ريان: ليه كل ده يعني
شاهنده : عشان بقيت تتطنشه هو التاني من بعد ما الحلوه نورت حياتنا
ريان: أمشي يا شاهنده وأنت خليك هنا أنا من غير ليه ومش ليه
وخرج هو وشاهنده لبرا
سامر: لا وشاهنده بتفكر تبعدهم عن بعض ومتعرفش ان لو ريان عرف حاجه من اللي حصلت هيبق لسعة النار اهون من غضبه
--------------------------------
- يا ماما أشيل المكرونه ولا لا؟
قالتها كاميليا وهي في المطبخ وبتقلب في المكرونه الا علي النار ..ردتت أمها عليها وهي برا فب الصاله
حنان: يا أخرة صبري بقي كبيره وطويله ومش عارفه المكرونه أسلقت ولا لا
كاميليا: مين قالك اني معرفش! بعرف بس نسيت وقولي بقي؟
حنان بصريخ: بت غوري من وشي ده انتي مش نافعه جواز حتي
كاميليا خرجت برا المطبخ متعصبه: علي فكره بقي انا هبق ست شاطره بس مخبيه مواهبي ليه هو .. ماهي مش هيصه عشان اخرجها لعالم كله
حنان: لا ناصحه يا بت غوري يا زفته بدل ما تلبسي الشبشب في خلقتك
كاميليا: ايه الست ديه مش بيطمر فيها خير ليه!
حنان: بتقولي ايه يا زفته؟
كاميليا: بقول كفايه تهزييييييق عشان اتهريت وبسرعه عشان جوعانه
حنان: اتصلي بس بـ أبوكي شوفيه فين
كاميليا: اشطا
~~~~~~~~~~~~~~
كانوا قاعدين كلهم في اوضة الصالون لحد ما قامت رهف وراحت لكارمن وكلهم ركزوا مع رهف هي عايزه ايه من كارمن وخصوصا شاهنده مبتحبش يتجمعوا
رهف: ممكن يا كارمن ثانيه
كارمن: اه طبعا يا حبيبتي تعالي
ريان: علي فين؟
كارمن كانت هتكلم بس افتكرت انه قال يتعاملوا ببرود وحبت تعيش الدور : حاجه متخصكش
ريان: هي بقت كدا!
كارمن: تعالي يا رهف
وخددتها ودخلتها أوضتها وقفلت الباب وبصت علي ملامح رهف لقيتها متوتره شويه
كارمن بقلق: في ايه يا رهف؟
رهف: توعديني متعرفيش ريان عشان بيتعصب جامد
كارمن: اتكلمي انتي قلقتيني
رهف: أوعديني الأول
كارمن: اوعدك يا ستي في ايه؟
رهف: بصي يا ستي -----------
كارمن: أنتي متاكده يا رهف! !
رهف: أيوه هنعمل ايه دلوقتي؟
كارمن: لا سيبني الموضوع ده عليا وكويس أننا مش هنعرف ريان عشان ميعصبش ويخرب الدنيا
رهف : ربنا يستر بجد
كارمن: بصي هفكر في حاجه كدا ولو نفعت يبق تمام اووي
رهف: اللي هي ايه؟
كارمن: لسه هفكر المهميلا نخرج عشان ميستغربوش اننا طولنا
رهف: ماشي
أنت تقرأ
قيود عشقها
Randomهي لم تجرم حين أحبته! !. أعطته الأمان والراحه والحب ..ليعطيها الحزن والدموع ليصبحا رفيقيها مدي الحياه! !. فلماذا تعاقبوها علي لقب المطلقه فهي لم تختر حياتها لتصبح ما عليها .. أحبته وجرحها ..أطعمته وغدرها ..كانت له الحضن فكان لها القسوه .. هل أخطأت...
