اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تتذكرون هذا برنامج face up الي انشهر قبل فتره؟ الي ميعرفوه هذا برنامج يصور وجهك ويقدمه بالعمر يعني يسويك عجوز🤷🏼♀ والي يميز هالبرنامج عن بقية البرامج انو من يكبرك يكون الشكل جدا يشبهك وعبالك حقيقه وتفاصيله جدا دقيقه! واعتقد الاغلبيه جربوه!.........
ليش منسويlife up ؟؟ يعني نشوف حياتنه شيصير بيهه من نكبر ويتقدم العمر! احنه وين؟ دراستنه؟ حياتنه؟ اهلنه؟ لازم ناخذ بعد نظر لحياتنه ومستقبلنه؟ اذا كان المستقبل مبهم لعد شنو الشي الواضح؟ ... اقصد لازم نشتغل على نفسنه بالحاضر حتى من نسوي لايف اب تكون حياتنه بذاك الوقت حلوه ومستقره ومثل ماردناهه!! لازم نشتغل على نفسنه وندرس ونتعب... اذا ماتعبنه ودرسنه هسا لعد شوكت ندرس ونتعب؟ باختصار حتى تكون حياتكم المستقبليه مثل ما مخططين الهه لازم تشتغلون عليهه من هسا!✨ راح تواجهون مصاعب وحُفر وآلآم ومرض وارهاق وملل.... بس مفاتيح كل هالاشياء بيدكم! شلون؟ انتوا بس فكروا بمستقبلكم وشلون حتصيرون اذا حققتوا هدفكم هذا بحد ذاته ضماد للجروح والعوائق! كل مشكله والهه حل.... انت مو اول واحد ولا اخر واحد يواجهه هذني كلهن اكو غيرك ظل صامد بقوه واجتازهن ووصل✊🏻❤️ ..... شلون تعرفون انتوا بالطريق الصح او لا؟ والي دتسووه صح؟.. بكل بساطه سوو لايف اب🤷🏼♀شوفوا نفسكم انتوا اذا استمريتو ع هالحاله المستقبل شيصير؟ حتكونون فرحانين؟ وكونوا صريحين ولتنسون الله شكد اودع بيكم قدرات.... استغلوهه♥️
