زوجوني ابن عمي

زوجوني ابن عمي الآخيرة

انكحل عيوني بيك نشبح زينك
ماعاد عندي حيل وينك وينك
ساعات نبكي خاطري واجعني
وساعات نجبر خاطري بهناي
وساعات نفرح والزها طايربي
وساعات نبعد والفرح يالاي
وساعات نهرب من أبكاي وحزني
وساعات نجـري للدمع برضاي
وساعات وقتي بالرضا يقنعني
وساعات تزيد احمولها دنياي
وساعات حظي ايخيب ويجرحني
وساعات حنيته تـكون دواي
وساعات تضحك لي الحياة تفرحني
وساعات نشكي للزمان شقاي
وساعات من همسة الزمان يسمعني
وساعات ما يسمـع صريخ نداي
وساعات قلبي ف الشـقا يسايرني
وساعات يرفض فــي أسباب زهاي
وساعات الحياة بأحـداثها تحيرني
وساعات الحياة تزهر اورود وزهاء
** تلميذة الايام

ليلى : أمري لله .
إنت عارفه إنه كان في عندكم عم متوفي في حادث سيارة من زمان .
سعاد : إيه ، بس شن دخل عمي في الموضوع هذا ؟!!!
ليلى: تو انقولك ، و تفهمي كل شيء ، عمك الله يرحمه ، كان متزوج من سالمة و عاش معاها 5 سنوات و ما حصلش صغار ، فقرر يا خذ عليها ، و كان عمك صاحب خالك ، فأول ما عرض عليه ايزوجه أختك ، تكلم مع بوي و وافقوا ، و كنت أنا الضرة 😣 ، عشت معاه سنة ، كلها مؤامرات و كره من سالمة ، و عمك بعد السنة هذه توفى ، وكان محسن و حسن توأم ، فكل واحد عرض الزواح على وحده بعد كملت العدة ، و مع ذلك سواد قلب سالمة هو هو .
.......................
الوالد قرر رجوعي لأحمد ، لكن المره هذه لازم نوقف في وجههم أنا مش حاجة شاريها أمتى ما يبي يتخلص منها .
سعاد : بصوت عالي لا ما نطلع معاه و كان تقتلوني ، تحكمتوا فيا و سيرتوا حياتي كيف ما تحبوا ، انحرمت من دراستي و شفت الويل و خسرت طفلي و شن مازال ... شن مازال ، تبوه يقتلني ، اقتلوني إنتم و ريحوني 😭 .
محسن : سمعت سعاد و كلامها ، و مشيت لها 😡
أنا في عمري هذا و جايا إنت تكسري كلمتي ، ولد عمك راضي بشروطك ، و أنا ما شفتاش غلط ، ما ضربك إلا أكيد مقصره معاه ، ضمي حاجاتك و أطلعي لراجلك .
سعاد : مش طالعة مش طالعة ، إنت شنو ما اتحسش ، أنا ما نبيش انشوفه و لا نشوف أهله ، ما كملتش كلامي إلا و ✋✋
محسن : عقلي بنتك يا ليلى و قوليلها تطلع لراجلها ، و إلا تقعد هي و إنت تطلعي 😡 .
خالد فتح الباب على فاطمة و فوزية 😡
توصل بك الحقارة للحد هذا إنت و هي ، معقولة أنا عاشرت لفعة .
فوزية : حاولت تتكلم بثقة ، ما تفهمش خطأ يا خالد ، ليش عصبي هكي مادرنا شيء .
خالد : نسمع بودنك أنا ، إنت كيف تتجرئي و اديري حاجة زي هذه ، حرام عليك ... إنت مستحيل تكوني إنسان طبيعي .
فاطمة : بصوت يرتعش من الخوف ، مش أنا يا خالد هذه فوزية و الله ما ني 😭 .
خالد : ما تحملتش نسمع كلمة من فاطمة فضربتها ضربت ضربت لحد ما جت أمي و خلصتها من تحت يدي و وقتها طلقت فاطمة .
سالمة : سيبها حول ليش تضرب فيها ، بتهبل إنت و لا شنو ؟
خالد : أنا بنهبل و سيبتلهن العقل ، نطلع و نجي ما نلقاش الشيطانه هذه في الحوش ، و إنت يا فوزية حسابك خليه مع أحمد و بويا 😡 .
سالمة : قولولي شن في ، ليش طلقت فاطمة ، ريتها جت في بنت ليلى 😠 .
خالد : بنت الناس سادها ما جاها من اللفعات هذين خسرنها طفلها و يعلم الله قديش دايرات فيها ، و إنت تو تبيها تتطلق ، لا حول و لا قوة إلا بالله ، ادعي ربك اتسامحكن هي .
سعاد : انصدمت من قرار بويا في إنه أمي تطلع من الحوش يعني حتطلق 😨 لوهله لقيت إني بندمر حياة أهلي ، فوافقت ع الرجوع ، وبدون ما نشرط شرط واحد .
أحمد : أنا في الطريق مع سعاد 😍 ، وفرحان برجوعها ، عارف إنها مكسورة و مش راضية اتشوفني ، بس المهم احداي و بشوي بشوي ترجع المياه لمجاريها .
سعاد : مع أحمد في السيارة بدون أي كلمة ، و كل تفكيري في الأحداث يللي صارت ، و ليش فوزية دارت معاي هكي ، حتى لو تكرهني ، طفلي ما ليشي ذنب 😭 .
أحمد : شفت سعاد تبكي بعد فترة من الهدوء ، فانقهرت للحال يللي وصلتها:
سعاد أنا عارف إنك رافضة شوفتي ، و إنك تتألمي من داخلك ، بس صدقيني إنت نور عيوني ، و أنا أسف على كل جرح جرحتهلك ، وصدقيني حتعيشي حياة أحسن من يللي حلمتي بها ، لو ع الطفل يتعوض ، المهم سلامتك ، و لو على حوش أهلك كل يوم ناخدك ليهم ، و دراستك ترجعيلها ، ويللي تبيه حاضر .
سعاد : و أنا نمسع في أحمد ، تذكرت الدلال يللي عشته الفترة الآخيرة ، فأول كلمة قلتها : أنا مانبيش انعيش فوق أهلك 😭
أحمد : و آخيراً سعاد تكلمت ، شرطها الأهل مش حيرضوا به ، لكن أنا عاهدتها و وعد الحر دين عليه .
و آخيراً رضيتي ورديتي 😊 ، حاضر و نشوفوا حوش أو شقة و نطلعوا من عند أهلي ، و شن ثاني ادللي هي😊
سعاد : فرحت بموافقة أحمد ، وهنا رن نقاله .
أحمد : نعم يا خالد .
خالد : وين يا أحمد إنت ؟
أحمد : في الطريق مروح بسعاد .
خالد : باهي نتلاقوا في موضوع مهم لازم نتكلموا فيه .
أحمد : خيرك شن فيه يا خالد ؟
خالد : تو اتجي و تفهم شن فيه .
فتحي : شوف يا محمد قرارات بوك هذه ما فيهاش رحمه ، أنا بناخد أمي و خديجة و بنسيبوهله خضراء ، مش حنراجيه ايدير مع خديجة كيف مادار مع سعاد .
محمد : وسع بالك يا فتحي و الأمور ما تنحلش هكي ، و أمي مش حتطلع من حوشها ، إنت هكي بتفكك العيلة .
أحمد : طلبت من سعاد تركب للشقة ، لكن خالد وقفها و طلب يتكلم معانا بوجود بويا ، و أمي .
خالد : سعاد ليش ما قلتي إنه فوزية ركلاتك برجلها ع الدروج ، ليش ما تكلمتيش و إنت خسرتي أول فرحتكم ، هذين ما ايخافنش من ربي أنا سنين محروم ، وفرحتلكم و كأنه الطفل يللي بيجي ليا مش ليكم ، و فاطمة عمت الغيرة قلبها .
سعاد : 😭 من شدة البكي ما قدرتش نتكلم .
أحمد : خالد شنو اتقول إنت ؟ سعاد صح الكلام هذا ؟ سعاد هزت رأسها بإيه ، تو فهمت شن قصدت خديجة بكلامها ، و هنا أنا فقدت السيطرة على نفسي .
سالمة : إنت كذابة ما قدرتيش تهتمي بولدك اتحطي في اللوم على غيرك .
حسن : سكري فمك ، كرهتي ليلى و قلبك قعد أسود ، و علمتي بنتك ع الكره و الحقد ، وحده ما اتخافش ربي .
أحمد : مشي لفوزية وينادي بصوت عالي و غضب ، فوزيااااا فوزيااااااا 😡
حميدة : عمري ما شفت أحمد عصبي ، و كنت عارفه شن يللي صار ، أحمد ضرب فوزية ضرب رعب و ركلها برجليه في كل مكان ، و النتيجة فوزية في المستشفى من آثار الضرب ، و أحمد كسرلها رجليها الاثنين ، لأنه أكثر تركيزه كان عليهن ، و كان ضربه ضرب جنوني .
سعاد : نبكي من كسر الخواطر ، و كثرت جروحي😭 .
سعاد في حضن عمها ، و تشهق دموعها سيل .
حسن : خلاص يا سعاد ، يا بنتي أنا عمك ، المفروض قلتي شن داروا معاك السوسات ، و أنا ما كنتش نرضى ، سالمة و عارف كرهها لأمك ، بس فاطمة و فوزية !!! تو نعرف كيف نتصرف معاهن ، سادك بكي يا سعاد ، إنت سميت أمي ، و إنت الكل في الكل هنا .
سعاد : 😭 أنا معاش نبي نقعد هنا .
حسن : 😂 وين بتعدي هذا حوشك و حوش راجلك ، و لا بتضعفي قدام الشيطانات .
سعاد : لا لا هنا لا ، أحمد لو يبيني يطلع معاي .
حسن : باهي يا سعاد غير إنت أهدي و كل شيء ينحل 😘 .
أنا ضعفت قدام سعاد بعد شفت حالها ، ووافقت يطلعوا يسكنوا في مكان ثاني ، استغفر الله كان يوم أسود يوم فكرت نتزوج سالمة ، و أنا يللي عارفها و عارف المر يللي شافه معاها خوي الله يرحمه ، و لكن خيراً تعمل شراً تلقى .
بعد مرور 5 أشهر
سعاد سكنت في شقة قريبة من أهلها ، و عاشت مع أحمد أجمل أيامها ، خالد ألح بوه عليه يتزوج ، و كان شرطه خالد إنه سعاد تختار العروس فخطبت له سعاد بنت خالها . و هي مقربة جداً من سعاد .
خالد : بعد طلقت فاطمة حاولوا أهلها ايرجعوها بس كنت رافض نسمع أي كلمة ، و خلال شهرين كان زواجي من كريمة ، و كانت أجمل من فاطمة .
محمد : سعاد أنا خوك أولى من ولد عمك راهو 😁 .
سعاد : 😂 شن في زعم ؟
محمد : ما في شيء ، بس حتى أنا أخطبيلي 😁 .
سعاد : 😵 أنا مش أمك .
محمد : و الله خالد ليش مش أمه خطبت له .
سعاد : باهي باهي ما اتهونش علي إنت ، تو نختارلك وحده تقعد تشكر فيا طول عمرك عليها 😜 .
محمد : لا لا ما تختاريش أنا ...
سعاد : إنت شنو 😂 ؟
محمد : آااه ، واو منك خليتيني كيف الطفل الصغير يللي مش قادر نتكلم .
سعاد : 😂 محمد بلا لف ودوران إنت تبي حميدة صح ؟
محمد : 😨 من قالك ؟
سعاد : من كثر ما تسأل عليها و لما تعرفها عندي اتجي و تجيب في الحاجات يللي تعرف حميدة اتحبها 😂 .
محمد : 😂 أحمد غيرك واجد ، باهي أمي عليك إنت و استلموا الموضوع و شوفي رأي البنت ، و عمك و بوك أكيد مش حيرفضوا 😅 .
سعاد : 😞 قبل يكمل موضوعك لازم فتحي ايرد للحوش و يطلب رضى الحويج، و يرجع يتكلم مع أحمد ليه خمس شهور ما يكلمش فيهم ، و هذا كله عشان رجعت لأحمد ، و الله أنا متهنيه و حالي باهي .
محمد : حاولت معاه ، بس رافض .
أحمد : خديت نتائج التحاليل ، و دمعت عيوني من الفرحة ، ربي عوضني و سعاد حامل ، و هذه تبيلها هدية كبيييرة ليها 😍 .
سعاد : أحمد جي و باين عليه الفرح و باسني من جبهتي و في ايده هدية فتحتها كانت طاقم ذهب و معاه نتيجة التحليل ، بكيت من فرحتي ، و أحمد قال تو شن تبي و أنا انديره .
سعاد : شن مازال نبي أكثر من هكي ، أنا نشكر في ربي إنه اختاروك إنت اتكون زوجي مش حد غيرك 😘 .
بس لو ع الشرط عندي واحد لو ايتم معاش نبي شيء 😊 .
أحمد : بعد الكلام هذا يللي ايدوب القلب ، قبل ما تشرطي أنا موافق 💗 .
سعاد : فتحي يا أحمد حاول تتكلم معاه ، و الله ما تكمل فرحتي هذه إلا برجوعه للحوش ، و ترجعوا أولاد عم كيف قبل .
أحمد : فتحي رافض ايشوفني ، بس عشان خاطرك حاضر .
حميدة : بويا حالف ايجوز فوزية لأول راجل ايجيها ، و كان نصيبها عبد الله ، فوزية عمرها 22 سنة و هو في 45 ، و متزوج اثنين ، الأولى عندها 3 بنات و 3 أولاد ، و الثانية ولدين و بنت ، حياتها عادية بس ما تخلاش من المشاكل و كيد الضراير .
أحمد : ألو محمد ، السلام عليكم .
محمد : و عليكم السلام .
أحمد : زعم و ين نلقى فتحي ؟
محمد : يا أحمد إنت عارف فتحي ما يبيش ايشوفك.
أحمد : لأمتى ؟ أنا لازم اليوم انشوفه .
اتفقوا على مكان و تلاقوا مشوا لفتحي ، و استقبلهم فتحي بهدوء رغم إنهم توقعوا العكس .
و بعد كلام و نقاش طويييل تصافت القلوب و رجع فتحي و طلب السماح من أهله ، و عزمه أحمد على الغذاء من ايدين سعاد .
محمد : بعد مرور كم يوم تكلمت مع بويا و فتحي و أمي تكفلت بها سعاد ، و تمت خطبتي من حميدة .
و بعد الخطبة و سعاد في شهرها الثاني سافرت مع أحمد لباريس ، و فتحي و محمد تزوجوا بعد روحت سعاد أي بعد 15 يوم .
بعد مرور أشهر .
كان موعد ولادة طفلة أحمد و سعاد ، و اختارت ليها سعاد اسم ( نور ) .
سالمة محسن صبر عليها و طفح الكيل فقرر يتجوز عليها وحده صغيرة 😂 .
حميدة و سلفتها ينتظروا في ثلاثة أطفال ، قصدي حميدة حيجوها توأم ، و محمد تفكيره بس في دبشهم و مصاريفهم فأول ما عرف بيهم و هو يشري و يدس 😂 من الفرحه تورور 😁 .
و خالد بفضل الله و نعمه عليه ، زوجته حملت و عرف النتيجه يوم ولادة نور فكانت أجمل هدية توصلها من عمها خالد ، غرفة نوم من أحسن ما في السوق .
سعاد رجعت لدراستها و تعلمت قيادة السيارة ، و بعد التخرج اشتغلت مع أحمد في شركته ، هي حاجة غريبة بس هذا قرار أحمد 😍 .
و خديجة خشت كلية الطب البشري و خطبها زميلها في الكلية .
هذه قصتنا و تمت ، نتمنى تعجبكم ، تحياتي Mona-Ali-Bkt😍