مازن ورغد

الفصل الثاني

الفصل الثاني
بعد مرور اسبوع
ف المستشفي
دكتور علي : منصور انت لازم تهتم بصحتك لو سمحت خد العلاج  صحتك كدا بتتدهور خد العلاج اعتبرها نصيحه من صديقك مش الدكتور بتاعك
منصور: حاضر ياعلي باخدوا
علي ومنصور اصدقاء من زمان ويعرفوا عن بعض كل حاجه علي عارف ان منصور غلط وظلم امال بس مهما كان هو صديق وحاسس ان منصور بيدفع تمن الي عملوا زمان
علي : ناوي ع ايه ؟
منصور : صدقني مش عارف انا همشي دلوقتي وابقي اعدي كل كام يوم عليك
علي : تمام وانا هستناك .انا هسافر بكره ف مؤتمر طبي وباجي بعد إسبوع.
منصور بيقوم علشان يمشي داااخ ودماغوا لفت ووقع ع الأرض
علي : منصور منصور نادي ع العمال أخدوا وحطوا ف الاوضه .
الدكتور علي بيكلم الممرضه نادي ليه حالا الدكتوره رغد
علي كلم مازن وعرفوا الي حصل مع والدوا
مازن: تمام يادكتور انا جاي حالا
وف الوقت دا كان الدكتور علي ورغد مع منصور ف الغرفه
واخد العلاج وفاق
مازن ايجي ع المستشفي بسرعه وطلع غرفة والده الي سال عليه ف الاستقبال
وهو طالع سمع الممرضات ف الأسانسير
ممرضه ١: ياسلام الدكتوره رغد دي شايفها نفسها اووي ايه كميه الغرور دي مابتحطش وأطي لحد.
ممرضه ٢ : صحيح بس كدكتوره شاطره شوفت مدير المستشفي الدكتور علي  مابعتمتش ع حد غيرها وع الرغم انها صغيره بس بتنافس الدكاتره الكبار
وطبعا ف الجمال مش محتاجه اقولك بقي 
ممرضه ١: بغيظ انتي معجبه بقي
ممرضه ٢ : الصراحه عمري ماانسي لماما بابا تعب هنا ولجأت ليه ماتاخرتش واهتمت بيه ودفعت كمان التكاليف

مازن  مش عارف ليه اهتم يسمعهم بس اتخيلها دكتورها كبيره ف الثلاثين مثلا
مازن وصل الغرفه لقي بابها قاعد
مازن :بابا انت كويس
منصور: كويس كويس الحمد لله مافيش حاجه ضغطي نزل بس شويه
مازن : دكتور علي بابا عامل ايه طمني ؟
علي : انت عارف حالة منصور مريض الكبد وكمان رافض العلاج  فطبعا هيتعرض لاغماءات كدا
   علي موجه كلامه لمنصور طبعا انت هتفضل معانا هنا كام يوم وأشطر دكتوره عندي هتكون من مسؤوليتها الدكتوره رغد .
منصور : لا طبعا انا هخرج انا مستحيل اقعد هنا
مازن طبعا انبسط لان الدكتور الي ممرضات بيشكروا فيها هي الي هتهتم ب بابها
مازن : بابا لو سمحت اسمع كلام عمو علي انت لازم تهتم بنفسك شويه علشاني حتي
مازن : خلاص ياعمو علي هو هيقعدهنا  وشوف الي المفروض يعملوا وانا معاك
علي : تمام كدا انا هسافر بكره ف مؤتمر طبي وباجي بعد إسبوع . بس اطمن لك اكفي دكاتره هيهتموا بيه
منصور : انا معنديش مانع اقعد  بس بشرط يامازن
مازن : اشرط يابابا 
منصور : لا نورا ولا البنات يعرفوا اني هنا تمام
مازن : حاضر يابابا
خرج علي ومازن  خارج الغرفه واتكلموا شويه ف الوقت دا دخلت رغد الغرفه علشان تشوف نتيجة التحاليل الي عمالها
رغد: ها عامل ايه دلوقتي يا عم منصور.؟
منصور مرتاح اوي للدكتوره فيها براءه وبشاشه مش طبيعيه
منصور : الحمد لله يابنتي
رغد : طيب ياعم منصور حضرتك دلوقتي ف حد معاك لسه هيتكلم دخل مازن
منصور : ايوه معايا ابني الغالي المهندس مازن
طبعا رغد الخبيثه كانت شافتهم ف الاوضه وعرفت أن دا ابنوا مازن أفندي
رغد بكل هدوء : مهندس مازن انا الدكتوره رغد الدكتور علي كلفني اهتم بوالدك  اهتمام خاص لمعزتوا بيه وطبعا انا معنديش كدا كل المرضي واحد
رغد موجه كلامها لمنصور متزعلش مني يا عم منصور إن شاء الله مافيش تقصير لا مني ولا من المستشفي
منصور ضحك لها فاهم يابنتي لا للواسطه ههههه
رغد : شكلك فاهم يانصه.
منصور ومازن فتحوا بقوهم ايه مين نصه !
رغد اتكسفت للحظه نسيت نفسها وحاسة انها بتكلم امال
الله يكسفك يارغد
رغد ف محاوله منها للتعديل الكلام
رغد : قصدي حضرتك فهمت انا اقصد ايه ع الاذنكم دلوقتي
نرجع ل مازن دخل لقي رغد وقف معقول هي دي رغد الي بيحكوا عنها معقول دا هي نفس البنت الي ف الكافتريا
استغرب اكتر لما لاقها بتعرفوا على نفسها بكل هدوء ودا ايه بقي معقول ماافتكرتنيش مستحيل لو نسيت الموقف مستحيل تنساني دا انا مازن  كبرياء مازن اتهز وغضب جدا مافقش الي وهي بتنادي عليه
رغد : مهندس لو سمحت عاوزه حضرتك
مازن خرج معها
مازن : ايوه
رغد   ف محاوله منها لكتم ضحكتها أمام هذا الأسد الغاضب
رغد: باش مهندس التحاليل بتاعت والد حضرتك سيئه جدا ومحتاج عمليه ف اقصي سرعه لازم يتعلموا زرع كبد
مازن : انتي مش فهمه احنا بندور ع متبرع بقالنا سنين وبابا رافض ياخد من حد لمجرد أنه محتاج فلوس لو لقينا واحد وعرف أنه بيتبرع علشان الفلوس يعطي له ويسيبوا وهكذا
رغد : ع كد ماهي معجبه بإن ف انسان كدا ع الرغم ان هو صعبان عليه وان حالتوا ماعدتش تستحمل تأجيل
رغد: ع كلا احنا هنكمل علاج وانا بتواصل مع الدكتور علي
     ع أذنك .
مازن رجع لوالده
رغد راحت تركب عربتها علشان تروح بعد يوم استقبال ف المستشفي طويل لقيت عربيه ركن ورها
رغد بتنادي ع عمي حسن الحارس
حسن : ايوه يادكتوره
رغد : عامل ايه والاولاد عاملين اية ؟ محتاج حاجه ؟
حسن : كلنا تمام الحمد لله
رغد : الحمد لله طيب ممكن تحرك العربيه علشان اطلع؟
حسن : صاحبها ركنها وانا مش موجود
رغد : طيب يا عم حسن انا هتصرف
رغد ابتسمت ابتسامة شر وقالت يعني هي أول مره
ركبت عربتها ورجعت بيها لورا بسرعه عاااااليه
ف نفس الوقت مازن خارج من المستشفي لقي عربتوا
جري انت يامجنون انت ازاي تعمل كدا وخبط على العربيه بتاعت رغد جامد .
مازن: انت ياغبي انزل  ؟
رغد  فتحت عربتها ونزلت بكل هدووووء بس اكيد اتصدمت لما عرفت ان مازن صاحب العربيه
مازن : انتي ؟ استغفر الله العظيم  انتى ازاي تعملي كدا!!!
رغد ابتسمت ابتسامة جميله وضحكت ضحكه خفيفه ورفعت له حاجب واحد وهي بتتكلم مع ابتسامتها خالها تبان بنت شقيه مجنونه كدا  وقالت  ع خير هي ايجت من نصيبك.
مازن شافها قلبوا اتخطف وقد ايه بتسحر البنت دي بجد فيها حاجه مميزه بتشدني ليها لو حد غيرها كنت قتلتوا صدقا ولا كان يفرق معايا بنت ولا راجل بس رغد غير حتي وهو بينطق اسمها بينوا وبين نفسوا حاسه بحاجه غريبه .
رغد: تسمح لي امشي بقي
مازن : رجع تاني  للعالم بس لسه برضوا سرحان ف جمالها بس طبعا شخصيتوا ماتسمحش ان هو يتهز قدام اي بنت
مازن: لابجد  عايزه تمشي ودا اسمه ايه
رغد : اسمه ميزو هيسبني امشي علشان عندي  ميعاد وغمزت ليه بعينها وضحكت
مازن : تنح وماحسش الي وهي اخدت عربتها ومشيت
رغد ركبت العربيه وهي مبسوطة حاسه بفرحه غريبه كدا وشغلت أغنيه وتطلع
"باين حبيت لعمرو دياب
وانت معايا مايشغلنيش الناس .........
باين حبيت ايوه انا حبيت ....."
اقعدت تدندن مع الاغنيه وتقول معقول  باين حبيت باين