ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၂၆)ပိုမိုအားကောင်းလာလိုသော ဆန္ဒ

အပိုင်း(၂၆)ပိုမိုအားကောင်းလာလိုသော ဆန္ဒ

ကျန်းရီသည် ရီလင်းရွှယ်၏ ကမ်းလှမ်းမှုကို ပါးနပ်စွာ ငြင်းပယ်ခဲ့သည်။ သူ့တွင် သိုင်းခန်းမနှင့် ငါးနှစ်တာသဘောတူညီမှုရှိရုံသာမက သူသည် ကျန်းဂိုဏ်း၏ လူငယ်မျိုးဆက်တစ်ယောက်လည်း ဖြစ်သည်။ သူသည် ရီမိသားစုအတွက် အလုပ်လုပ်ပေးရန်မှာ မဖြစ်နိုင်ပေ။ သူသည် ရီမိသားစုနှင့် လက်မထပ်ချင်သလို ရီမိသားစုမျိုးရိုးနာမည်ကိုလည်း မယူချင်ပေ။

ရီလင်းရွှယ်သည် ကျန်းရီ၏ အမြင်ကို မေးရုံသာမေးခဲ့ပြီး ထပ်မံမတိုက်တွန်းတော့ပေ။ ထိုနေ့မှစ၍ သူမသည် ကျန်းရီနှင့် အစမ်းလေ့ကျင့်ရန် ဆက်လက်လာရောက်ခဲ့သော်လည်း ထိုကိစ္စကို ထပ်မံယူဆောင်မလာတော့ပေ။

ကျန်းရီသည် နေ့တိုင်းပင် လေးနာရီမှ ခြောက်နာရီအထိသာ အိပ်စက်သည်။ သူသည် အိမ်တွင် ကျန်းရှောင်နူတစ်‌ဦးတည်း အကူအညီမဲ့နေမည်ကို တွေးမိသောအခါတိုင်းတွင် သူ၏စိတ်သည် စိုးရိမ်ပူပန်မှုများဖြင့် ပြည့်နှက်လာခဲ့သည်။ သူသည် သဏ္ဌာန်သုံးဆင့်အသွင်ပြောင်းခြင်း စတုတ္ထအဆင့်သို့ မြန်မြန်ရောက်နိုင်ရန်သာ ဆုတောင်းမိသည်။ သို့မှသာ သူအိမ်ပြန်နိုင်ပေမည်။ ကျန်းရီမျှော်လင့်ထားသကဲ့သို့ပင် ဖန်းယွီဆောင်ကြာမြိုင်မှ အိမ်တော်ထိန်းသည် မကြာခင်မှာပင် သူနှင့် ကျန်းရှောင်နူ၏ အချက်အလက်များအားလုံးကို ရရှိသွားခဲ့သည်။ ခန့်မှန်းထားသကဲ့သို့ပင် မာဖေး၏အဖေသည် ဒေါသတကြီးနှင့် ကျန်းရီနောက်သို့ နောက်ယောင်ခံလိုက်ရန် လူများလွှတ်ရန် အိမ်တော်ထိန်းကို အမိန့်ပေးခဲ့သည်။ အခွင့်အရေးရလျှင် သတ်ပစ်ရန်လည်း မှာကြားခဲ့သည်။

သို့သော်လည်း ကျန်းရီ၏ ချက်ချင်းပျောက်ဆုံးသွားမှုသည် အိမ်တော်ထိန်းလျှိုကို တာဝန်ကျရှုံးသွားစေသည်။ သူရရှိသော သတင်းအားလုံးသည် ကျန်းရီသည် သုံးလကြာ ပျောက်ဆုံးသွားမည်ဟုသာ ဖြစ်သည်။ အိမ်တော်ထိန်းလျှိုသည် တာဝန်ကိုမစွန့်လွှတ်သေးဘဲ ဖန်းယွီဆောင်ကြာမြိုင်မှ အစောင့်များကို မြို့အနှံ့ရှာရန် အမိန့်ပခဲ့သည်။ ဆယ်ရက်လုံးလုံးကြာမြင့်သွားသော်လည်း ကျန်းရီ၏အရိပ်အယောင်ကို လုံးဝမတွေ့ရပေ။ ‌သူသည် လေထဲတွင် ပျောက်ကွယ်သွားသကဲ့သို့ပင်။