مساء الخير احبتي ❤
اتمنى لكم قراءة ممتعه
بقلم: زهراء البياتي
هدى..ابتسم وهزيت راسي وعفته ورحت
للصاله دانتظر ارجوان شوكت تخلص علمود نروح
وجان اشوف ايمن يمي بسرعه اخترعت
..انته شلون وياك ليش وين ماروح تجي يمي
..هدى
..همم
باوع عليه بعدين ابتعد وابتسم
..ماكو شي بس احب اتحارش بيج
وتخجلين وتصيرين حمره اطلعين كولش حلوه
جنت صافنه علي بس فززنا صوت سميره من وره
..هلاو هلاو شهل غزل هذا من الصباحيات
ايمن..وشكو غرتي لان محد يتغزل بيج
سميره..ايمن بلا لواكه
ايمن ضحك بصوت وعالي وبعدين كرص هدى
من خدودها وراح وبقت هدى جامده من تصرفه
سميره..والله خوش طلعتي مو هينه
هدى..شقصدج؟؟
..يعني دتحومين فوك راس اخويه
عبالج ماعرف سوالفج من تتحارشين بي
هههه بس حقج انتي منو معبرج اصلا و دتسحلين نفسج علمود اخويه يباوع عليج
..شوفي سميره انتي بعدج متعرفيني اني مو عبالج حوراء وماجاوب عليج ولا عبالج ارجوان وترزلج
لا اني ايدي والضرب يعني عندي قانون اذا اضوج من وحده امددها بطولها واخلي الكل يضحك عليها
باوعت علي وهزت بأيدها وراحت
اتمنيت الزمها واسحلها الصاله كولها اخخ يمكن بيومها ارتاح
ارجوان.. يلا امشو نروح اتأخرنه
نور..لا والله زين وتعرفين بنفسج وتعترفين انو انتي اخرتينه
ارجوان..يعني شسوي مو سويت ضفيره جديده
باعو اجنن عليه مووو؟؟
جنت ممسويه ضفيره عاديه لا ضفيره تشبهه الهنديه ومرتبه واني شعري طويل فطلعت كولش حلوه
هدى باست ايدها
..الحمدالله عل نعمت العقل يلا امشونا
حوراء.. البنات راحن واني بقيت يم بيبي وماما اساعدهن بالتنظيف
اني شاطره بهل سوالف بسرعه خلصت البيت للعشره
وبيبي وماما بالمطبخ سوالف ويطبخن
صعدت فوك بعد ماخلصت تنظيف
وجان اشوف عمو حسن كدامي اول مشافني ابتسم
اني دنكت وضحكت وهوه وكف ويحجي وياي
حسن..يكولون خطابه حتجي عليج
يا كاع انشكي وبلعيني من المستحه
لان ممتعوده عل عمامي يعني مو كولش وياهم اني
..ها اي
..ههههههه وشكو خجلانه شوفي بنيتي حوراء
اني نفس ابوج الثاني اعتبريني اذا تحتاجين شي بس كوليلي
..متقصر عمو
..يلا لعد اروح للشغل وبالوحده نجي علمود
نشوف ياهوه الراح ياخذ هل قمر منه
أنت تقرأ
فراشاتي والزمن (مكتمله)
Romanceقصه حقيقيه باللهجه العراقيه فراشات في زمن لا يرحم فماذا يكون مصيرهن؟!🌷
