الفصل العشرين
~~~~~
الدكتور: المدام مطلوب منها تعمل شويه تحاليل عشان نتأكد أن كل حاجه تمام
ريان: هو الموضوع صعب يا دكتور؟ ارجوك متخبيش عليا في ايه؟
الدكتور: خير أن شاء الله بس برضو نعمل تحاليل قبل ما أكتبلها أي برشام لصداع دلوقتي
ريان: خلاص نعمل تحب نبدا أمتي؟
الدكتور: أتمني بكرا عشان كل ما تسرع كل ما يبق لصالحكم
ريان وهو يسلم عليه: تمام تعبنا حضرتك يا دكتور عن أذنك
الدكتور: ولا تعب ولا حاجه والف سلامه علي المدام
ريان: الله يسلمك
خرج ريان وشاهنده لخارج المستشفي وهو يدعي بان يأتي بالخير ويخلف ظنه لتمسك شاهنده ايده ودموعها نازله جامد
شاهنده: ريان هو أنا ممكن يبق عندي ك
قاطعها وهو ياخدها لحضنه فهي مهما كان مراته.
ريان باطمانيه: متقوليس كدا ده شوية ضغط بس وتعب بسيط وهترتاحي بس التحاليل عشان خاطر يكتبلك علاج مناسب
شاهنده: بس أحساسي المرادي مش هيخيب
ريان: شاهندددده قولنا أتفائلي خير بلاش التشاؤم ده
شاهنده: عايزه اروح مصدعه ودايخه
ريان: ماشي يلا بينا
وصلوا لبيت لقوا كارمن قاعده قلقانه وجمبها أدم نايم علي رجليها وأول ما شافتهم سندت أدم علي الكنبه ووقفت قدامهم تسألهم
كارمن: عملتوا ايه؟
شاهنده: أنا تعبانه هدخل أنام
سابتهم ودخلت وبصت كارمن لـ ريان بقلق ليرد عليها بحزن
ريان : الدكتور شاكك في حاجه عشان كدا طلب تحاليل يتأكد الأول
كارمن. ياربي معقوله شاكك أن يكون عندها كانسر!
ريان: ربنا يستر بقي
كارمن: يااارب خش نام أنت بس وريح شويه والصباح رباح
ريان: هتنامي
كارمن : اه هدخل أدم أوضته وهدخل أنام انا كمان
ريان: ماشي
~~~~~~~~~~~~
في بيت كاميليا كانت قاعده بتتفرج علي كرتون توم وجيري ولبسه بجامه وبتأكل فشار وفاجئه الجرس رن أفتكرتها هاجر وجات أمها عشان تفتح وأول ما فتحت فضلت تسلم علي فادي وعائلته ونست أن كاميليا قاعده قدام التليفزون ..دخل فادي وأبوه وأمه لقوها بتأكل في الفشار وبتضحك ولا كأنه موجود وفاجئه أمها كحت عشان بنتها تأخذ بالها بدل منظرها ده
كاميليا وهي باصه لتليفزون : بقولك يا ماما كان في لحمه في التلاجه هي فين ؟
حنان بحده: طفي الزفت ده وقومي جه ضيوف يا فضحاني
كاميليا: ضيوف مين ...بصت ناحيتها وأصدمت لما لقت فادي قاعد علي كرسي هو وعائلته وام فادي بتتضحك بحب عليها لتجري بسرعه علي اوضتها وبعدين دخلت وراها أمها وخرج ليهم غسان
حنان: أتفضلي البسي واعدلي نفسك
كاميليا: مش تقولي يا ماما بدل ما كنت شبه المسجونه
حنان وهي تزقها قدام الدولاب: مخلفاكي اكفر عن ذنوبي فزي شوفي لبس واخلصي
كاميليا: متزوقيش طيب وهلبس اهو
حنان: بت عايزاكي تبقي هاديه ورقيقه مش جعفر يعني احترمي نفسك أهله برا مش ناقصين يقولوا مخلفه رد سجون
كاميليا: بابا بينادي
حنان : شوف اقول ايه وتقول ايه !
كاميليا: يلا يا حنون عايزه البس مش وقت حكمك كانتج فين الايام اللي فااتت
حنان: هخرج قبل ما أتشل
كاميليا: حبيبي يا حنون
خرجت وسيبتها محتاره تلبس ايه بما أنها بتكره الفساتين
~~~~~~~~~~~
في الشرقيه
كانوا قاعدين في الصاله كلهم سهرانين
رامي: جهزتي شطنتك يا رهف رهف ررررهف
رهف بخضه :ايه في ايه؟
رامي: في أنك بقالك كام يوم مش طبيعيه وسرحانه كدا مالك؟
رهف: مافيش بس مصدعه شويه مش اكتر
فريده: معرفش ليه مصممه تروحي وطالما تعبانه أقعدي في بيتك بقي ومتوجعيش دماغك أكتر
رهف: يا ماما أنا مشتكتش بقول مصدعه وشويه وهيروح لحااله
هاشم: سيبها يا فريده ما هي رايحه مع أخوها وهتشوف اخوها التاني أهدي وسيبها تفك
رامي : ماتيجي معانا يا ساره
ساره :لا روحوا انتو لازم أبقي موجوده عشان أساعدهم هنا
دخل عمان وقعد معاهم وده الأول مره يعملها أنه يقعد معاهم
مصطفي: أخيرا شرفت
هاشم: مصطفي!
مصطفي: هو أنا أتكلمت انا بسلم علي البيه أنه أفتكر أهله
عمان: دايما كدا مش عاجبك حاجه
مصطفي: ولا هيعجبني طول ما تصرفاتك مش عجباني
عمان: مطلوب مني ايه دلوقتي أقعد ولا أقوم؟
هاشم: اقعد يالا وسيبك من أبوك ..المهم عامل ايه في شغلك
عمان: أهي ماشيه والعماره قربت تتبني وتخلص
نجوي: ربنا يوفقك يارب ويسهلك الحال يارب
عمان: يارب يا ست الكل ..أومال فين حسام؟
ضرب رامي كتفه وهو يقول: أنت متعرفش ماهو سافر ايطاليا عشان يشتغل هناك أحسن من هنا
عمان: لا والله!
مصطفي: ما أنت تايه عن اهلك هتعرف ايه ولا ايه
عمان: أنا قايم أحسن
فريده: اقعد يا أبني ابوك مش قصده
عمان: عارف يا مرات عمي ..بس أنا عايز أنام شويه
ساره: ما تخليك يا عمان مش بنلحق نشوفك
أبتسملها وهو يبوس رأسها : تعبان يا حبيبتي والله ووجع رجلي رجع تاني
ساره: سلامتك لا خلاص ريح شويه
عمان: تصبحوا علي خير يا جماعه
كلهم: وأنت من الأهل الخير
هاشم: يلا يا رهف قومي عشان تعرفي تقومي وتسافري
رهف: ماشي يا بابا يلا يا ساره
ساره: يلااا
مصطفي: وأنا كمان قايم تعبان من الصبح يلا يا أم عمان
نجوي: يلا تصبحوا علي خير
هاشم: نقوم أحنا كمان
فريده: يلااا
~~~~~~~~~~~~
خرجت كاميليا بعد ما لبست بنطلون ترنج وبلوزه خروج سماوي وخرجت وكانت أمها هتصرخ من اللي هي لبساه كأنها رايحه النادي مش خطوبتها خالص وأبوها كان عايز يضحك علي ملامح أمها بس مسك نفسه وهي أول ما شافت أمها كانت هتهرب بس دخلت وكانت مكسوفه وقعدت جمب أم فادي
أم فادي: تعالي يا عروستنا كيف الجمر
أبتسمت كاميليا علي مديحها: والله أنتي اللي قمر يا طنط
ضحكت أم فادي : دمك شربات يا بتي والله
أبو فادي: يشرفني يا حاج غسان نطلب ايد كاميليا لولدي فادي
غسان: وأنا مش هلاقي زي فادي ده أبني وربنا يشهد أنا بحبه أزي ...بس الرأي رأي العروسه يا حاج
أبو فادي: ومالو نسيبهم قاعدين لوحديهم يقررروا
خنان: روحي يا كاميليا وخدي فادي في البلكونه
كاميليا: ومالها القاعده هنا هو أحنا لسه هنتعرف!
حنان بهمس لغسان: والله هقوم أجيبها من شعرها مقصوفة الراقبه اللي فضحانا ديه
غسان: هشششش...وبعدين بص لكاميليا بحده قومي من غير كلام
وبعد دقائق كانوا قاعدين في البلكونه بيشربوا الشاي
فادي:ايه؟
كاميليا: ايه؟
فادي: بسألك علي فكره بطلي أستعباط
كاميليا: أيوووه بتسألني علي ايه؟
فادي: نعمل فرحنا بعد كام شهر بما أننا عارفين بعض من زمان
سابت كاميليا كوباية الشاي علي طرف البلكونه وبصت ليه
كاميليا: حيلك حيلك فرح مره واحده ..وأنت بقي مين أقنعك أني ممكن اوافق؟
فادي بص في عينها جامد: وأنتي فعلا رافضه يا كاميليا؟
كاميليا بتنهيده: مش رافضه بس الموضوع جه بسرعه ولحد دلوقتي مش عارفه أستوعب...وكمان ايه اللي خلاك تغير شكلك كدا؟
فادي: كاميليا أنا لو بفرض نفسي عليكي تقدري ترفضي مافيش حاجه صعبه..وكمان انا متغير للاحسن ولا للاوحش؟
كاميليا: بس يا عم ..وكمان مالك قلبت جد كدا ليه ؟!لا لا خليك فرفوش كعادتك يا عمنا بقي..الاتنين حلوين
فادي: هههههه هتجوز صاحبي مش صاحبتي والله
حنان: ها يا ولاد ايه الأخبار؟
كاميليا: مالك يا حنون محسساني أني لسه بتعرف عليه ومحسساني كمان انك مش عارفه الأجابه
حنان: ياااارب صبرني ..يلا أنتي وهو أقعدوا معاهم برا
فادي: تسلميني يا ست الكل يلا بينا
خرجوا برا وأتفقوا الفرح بعد 7 شهور كان جايب الدبله وفاجئهم ولبسوا الدبل بعد ما قروا الفاتحه وقعدوا شوبه وبعدين مشوا وكاميليا اتصلت بهاجر وقالتلها وزعلت منها هاجر بس في الاخر صالحتها كاميليا وفهمتها ان هي كمان اتفاجئت بدبل وناموا وقررت تقول لكارمن الصبح
أنت تقرأ
قيود عشقها
Randomهي لم تجرم حين أحبته! !. أعطته الأمان والراحه والحب ..ليعطيها الحزن والدموع ليصبحا رفيقيها مدي الحياه! !. فلماذا تعاقبوها علي لقب المطلقه فهي لم تختر حياتها لتصبح ما عليها .. أحبته وجرحها ..أطعمته وغدرها ..كانت له الحضن فكان لها القسوه .. هل أخطأت...
