مساء الخير احبتي❤
أتمنى لكم قراءة ممتعه
بقلم: زهراء البياتي
ارجوان..كعدت يم حوراء واني صافنه عليهن وعل لبسهن
وهنه يباعن علينا من فوك ليجوه وجان وحده تحجي
..هههههه يلا بعد هوه الحض بس جنتي سمره وخواتها بيضات
حوراء اتسعت عيونها وشهكت بس اني لزمتها من ايدها خطيه حقها هاي اول كعده واول حجايه
ردت اجاوب عليها بس حوراء هزت راسها بمعنى اسكتي لخاطري
سكتت بس كولش انقهرت هاي اول شوفه وسمعوها حجي اذا تعيش وياهم شلون
عرفت الحجت هيج جانت مرت اخو عمر الجبيره
امبينه كولش حقيره وحيه اسمها نوال وبس ترجف
بس ام عثمان جانت حبابه وتضحك وتحجي وتسولف
وهم اثنين بنات جانن خوات عمر هذن جانن بس يتبسبسن ويباوعن
اتفقت ماما ويا ام عمر عل الذهب وعل الحفلات
همه رفضو يسون العرس بغداد يردون العرس برمادي يمهم والعقد والحنه هنا بغداد
ماما حاولت تسوي العرس هنا بغداد بس همه يكولون
احنه عدنا هواي ناس هناك ونريد عرس ابنه يمنه وهناك هم بيتها شكو مسويه العرس بغداد
بالاخير اخذنه رئي حوراء وانصدمت من قبلت
اوووف حوراء شكد فقيره اذا من هسه وماعندج لسان
من تعيشين يمهم شيسون بيج
جنت اباوع عل ايدهن عباره عن ذهب بس مبالغ بي
يعني متروسات من فوك ليجوه بس ذهب
وكل كلاده للبطن واصله بحيث من يمي اختنكت
هنه شلون يتحملن هلكد ذهب
بدينا نحجي ونسولف خواته جانن ميحجن بس يباوعن
ومرت اخو عمر هيه تحسوها القائده كولشي بأيدها
وكلساع تكول اني زوجي الجبير وجايبتله ٣ ولد
والكل يحترمه يعتبرو ابوهم
العرفته الاب ميت واخوهم الجبير ومرته عود مسيطرين والكل يحترمهم
بعدين كمنا وصبينا غده وحطينا عل الميز بالصاله
وكعدنا كلنا وبدينا ناكل وحوراء كولش مرتبكه
وهاي نوال كلساع وتباوع عليها ومعاجبها العجب
داكل واختنكت نفس كل مره بس مبينت كدامهم
كمت ورحت للمطبخ وكمت اكح حيل وبكل قوتي
اريد بس تروح الخنكه من صدري بس ماكو
كعدت عل كاع واني لازمه ركبتي ورافعه راسي
غمضت عيني واني اكح شديصير بيه ليش هيج داختنك فتحت عيني وجان اشوف علي لابس تيشيرت ومبين يريد يطلع بس عل صوتي اجه للمطبخ
وبس شافني انصدم واجه عليه ركض اني مكدرت اوخره لان حالتي متسمحلي اتعارك ويا
ضل يشربني مي وكولش خايف عليه
اني اختنكت كولش احس حموت هاهيه
لزمت التيشيرت وكلت بصوت شبه مسموع
..علي حموت
هوه بسرعه صاح عل بيبي وماما وهنه اجن ركض
وماما بس شافتني لطمت عل صدرها وتكول يمه بنتي شبيها وبيبي ترش عليه مي واني ماكو شوي وفقدت الوعي وبعد محسيت بأي شي
هدى..جنه دناكل وجان نسمع صوت علي
وهوه يصيح عل ماما وبيبي
اتعجبنه من سمعنا صوته لان جان بتركيا الظاهر راجع
بس شوي وماشوف غير ماما تعيط وصوت عالي
حوراء رادت تكوم اشرت الها تبقه يم النسوان واني اروح اشوفهن
رحت وجان اشوف ارجوان متخربطه بحضن علي
وهون يهز بيها وبيبي ترش عليها مي
بسرعه ركضت عليها بس علي عيط بوجهي وهون يكول
..روحي جيبي عبايه الها بسرعه بسرعه خل اوديها للمستشفى
أنت تقرأ
فراشاتي والزمن (مكتمله)
Romantikقصه حقيقيه باللهجه العراقيه فراشات في زمن لا يرحم فماذا يكون مصيرهن؟!🌷
