{ الحب الاعمي }
الجزء الثاني
تابع للحلقه 1️⃣2️⃣
إكرام: صبت من سرير لبست ديشمبر متاعها
وخشت للحمام
هيثم: صبا من سرير . ولبس تيشرت متاعا ع شرت
وخذا دخان متاعا . وفتح باب الفيراندا
وطلع سبسي وقعد يدخن
ويبحت في مكان وسارح بخيالا وتفكيرا
ويحس بروحا تعبان
كان سكران بس واعي لكل شي
لكن السكير خذها بيش يمنع روحا ان مايفكرش في ساره ويكون مع إكرام
تفكيرا في ساره كان حاجز يمنع فيه ان يقعد ويعيش مع إكرام
إكرام: طلعت من الحمام لبسا ديشمبر ولفا شعرها بمنشف
طلعت للفيراند .
هيثم كانا بتخش لداخل ادوش
هيثم: عزق سبسي. والتفت ع إكرام . وابتسم
اها حنخش اندوش
إكرام: خشت للدار ومشت للزيانه
هيثم: خش ورأ إكرام . وبحت في سرير
وحك رقبتا من لورا
ومشا شور تلفون متاع الغرفه وطلب رقم رسبشن
وطلب منهم
يغيرولا الفوطه وطلب منهم العشاء وفنجال قهوه مر
وحط سماعه
إكرام: امبكريكا مش نزلت وطلبت لعشي
هيثم: اها بس طولو تو أكدت عليهم
إكرام: ايه
هيثم: ابتسم . وخش للحمام وكذب ع إكرام لان هو ماطلبش العشاء امبدري نزل سكر وركب
إكرام: لبست دبشها . وابتسمت
وخذت موبايلها وقعدت تحكي مع بنت عمها ع مسنجر
هيثم: سكر باب الحمام . وسلح تيشرت متاعا . وصبا ع لمرايا
يبحت في روحا. وطبس يغسل في وجه
ويبحت في روحا مستغرب كيف وصل للدرجه هذي
وهو الي كان رافض كل شي من الاول ليش توا نادم ان ازوج وساره طول الوقت بين عيونا وكان يقدر يعيش معاها
خش للدوش فتح الدوش ودار حمام بميه مصقعا عشان يصحصح
كمل هيثم الدش متاعا
ولف المنشف ع خصرا وصبا ع حوض
وقعد يمشط في شعرا
وفتح هيثم باب الحمام وطلع
إكرام: بحتت في هيثم . وشافت جسما في ضي بلا دبش من فوق
هيثم: كراميل ممكن طلعيلي تيشرت وشرت اجدد
إكرام: ايه حاظر . ومشت إكرام لشنطة هيثم وقعدت طلعلا في دبشا وتبحت فيه من دون مايشوفها
وهو مصبي ع زيانه ويدير في مزيل
وعضلات ظهرا من لورا
وخصرا
صبت إكرام ومشت لهيثم . وحتطلا دبشا ع زيانه. اهو شوفا
هيثم: ابتسم لإكرام تمام
إكرام:ماتبيش نطلعو
هيثم: لاحنطلعو نتعشو ونطلعو تمام
إكرام. ابتسمت ايه
وخذا هيثم دبشا وخش للحمام لبس وطلع
شاف إكرام مسكا موبايلها ومكسدا عليه
مشا عند السرير حول الورغان والامخاد ع الارض وكر الفوطه ولمها وحطها في جنب
وخش هيثم للفيراندا يدخن سمع صوت باب يدق
مشا لباب وفتحا لقاه مرأ متاع خدمة الغرف
ورها هيثم الفوطه الي بتخذها
وحطتلهم فوطه جديده وحطت الامخاد والورغان ع سرير ورتباتا
هيثم: يحكي للمرأ بتركي
وقاللها تخش للحمام اتظما
وجا العشاء وخذا هيثم كروسة العشاء
من قرصون وخششها للإكرام في دار وين ما مقعمزا
