ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၃၆)စိတ်ပျက်ခြင်း

အပိုင်း(၃၆)စိတ်ပျက်ခြင်း

ကျန်းယွင်ရှန်သည် ကျန်းဂိုဏ်း၏ လက်ရှိ ဂိုဏ်းချုပ်ဖြစ်သည်။ သူသည် ခရမ်းရောင် နန်းတော်ရှင် အဋ္ဌမအဆင့်တွင် ရှိ၍ ကောင်းကင်တောင်ပံမြို့၏ လွှမ်းမိုးမှု အရှိဆုံးသော လူငါးယောက်မှ တစ်ယောက်ဖြစ်သည်။ သူ့စကားများတွင် အဆုံးမဲ့သော အင်အားတို့ပါဝင်နေပြီး ဟာသ လုံးဝမဟုတ်ချေ။

လှောင်ပြုံးတစ်ချက်သည် ကျန်းယွင်ရှဲနှင့် ကျန်းယွင်ရှစ်တို့၏ မျက်နှာထက်တွင် ပေါ်လာခဲ့သည်။ ကျန်းယွင်ရှန်သည် ထိုသို့ပြောလာမှတော့ သူတို့သည် အများကြီး ငြင်းခုန်နေစရာ မလိုတော့ပေ။ ဂိုဏ်းချုပ်၏ ဆုံးဖြတ်ချက်ကို မည်သူက မလိုက်နာဘဲ နေရဲမည်နည်း?

"ကျွန်တော် လိုက်နာဖို့ ငြင်းပယ်ပါတယ်!"

လူငယ်ဆန်သော အသံတစ်သံသည် ထွက်ပေါ်လာခဲ့သည်။ ကျင်းယွင်ရှဲနှင့် ကျန်းယွင်ရှစ်တို့၏ မျက်နှာများသည် ကြည်လင်နေရာမှ မည်းမှောင်သွားကြသည်။ ကျန်းယွင်ရှဲသည် ကျန်းရီ၏ စကားတတ်မှုကို သိရှိထားလေရာ သူ့ကို စကားပြောခွင့် ပြု၍ မဖြစ်ကြောင်း သိလေသည်။ သူသည် ဒေါသတကြီး အော်ပြောလိုက်သည်...

"မင်းပါးစပ်ကို ပိတ်ထားစမ်း!...မင်းက ဂိုဏ်းချုပ်ရဲ့ စကားကို အာခံရဲတယ်လား?...စည်းကမ်းထိန်းသိမ်းရေးဆောင်က အစောင့်တွေ ဘယ်မှာလဲ?...ဒီကောင့်ကို ဆွဲခေါ်သွားပြီး ဂိုဏ်းစည်းကမ်းအတိုင်း အပြစ်ပေးလိုက်ကြ!"

အစောင့်တစ်ယောက်သည် ကျန်းယွင်ရှဲ၏ မျက်ဝန်းထဲမှ အရိပ်အကဲကို ဖမ်းမိလိုက်သည်နှင့် သူဘာပြောချင်သည်ကို ချက်ချင်းနားလည်လိုက်သည်။ သူသည် ကျန်းရီကို ခုခံရန် အခွင့်အရေးပင် မပေးဘဲ ခေါင်းထက်သို့ လက်ဝါးတစ်ချက် ရိုက်ချလိုက်သည်။

"ဟား...ဟား...ဟား!"

ကျန်းရီသည် စိတ်မဆိုးပဲ ရယ်ချလိုက်လေသည်။ သူသည် အားရပါးရရယ်နေစဉ်တွင် ကျန်းယွင်ရှန်ကို စိုက်ကြည့်နေခဲ့သည်။ ထို့နောက် သူသည် ကျန်းယွင်ရှန်ကို ညွှန်ပြကာ အော်ဟစ်လိုက်သည်...

"ကျန်းဂိုဏ်းချုပ်?...ဒီလိုမျိုး ထိတ်လန့်စရာ အာဏာ!..သူက ကိစ္စတွေကို ရှင်းရှင်းလင်းလင်း သိအောင် မလုပ်သေးဘဲ လူတစ်ယောက်ရဲ့ သေခြင်းရှင်ခြင်းကို သူ့စကားနဲ့တင် ဆုံးဖြတ်တယ်လား?...ကျန်းဂိုဏ်းရဲ့ စည်းမျဉ်းတွေလား?...သောက်ရေးမပါတဲ့ စည်းမျဉ်းတွေ!...ဒါတွေက ဟန်ပြသက်သက်ပဲ!...ငါ့ကို သတ်လိုက်စမ်းပါ!...ငါက တရားမျှတမှုကို ကျန်းဂိုဏ်းရဲ့ ဘိုးဘေးတွေဆီ သွားပြီး ရှာဖွေမယ်...''