مساء الخير احبتي❤
أتمنى لكم قراءة ممتعه
بقلم: زهراء البياتي
هدى.. شلون تصعد رجاء وياك بالسياره هاا متستحي عل نفسك تلعب عل بنات العالم وتذبهن ها هاي رجولتك بس عل البنات المراهقات وتنزلها كدام نور وارجوان شنو متستحي تعرف حته نزلت من عينه
اني جنت احجي بعصبيه ومادري ليش هيج حجيت وليش عصبت اصلا
بس استغربت من جرني من ايدي ودخلني بغرفته وقفل الباب وقربني منه واخذ شفايفي
استغربت من باسني وحط ايده اليمنى عل راسي
واليسرى حاضني بيها مبادلته اي شي لان جانت اول مره وممستوعبه الديصير بعدين حسيت عل نفسي
وعقلي يكولي لا هدى لتضعفين كدامه
دفعته بكل قوتي من صدره وهوه رجع وجان هم مستغرب ونضرات عيونه مكدرت افسرهن
حجيت بعصبيه واني ارجف وبصوت عالي
..انته شلون تسوي هيج
ايمن..شوفي هدى ادري السويته غلط بس اهدي
شبيج دترجفين هدى بس اهدي
اتقرب مني ويريد يلزم ايدي بس بسرعه رفعت ايدي وحضرته وبصوت عالي
..ديريالك تجي يمي ديربالك تلمسني
ايمن..ماشي ماشي مراح اجي يمج وهم مراح الزمج
بس خل احجيلج وانتي اهدي باعي هدى اني اول مشفتج بيتنا عجبتيني اي مراح اجذب عليج عجبتيني وكولش هم شكلج حركاتج ضحكتج عصبيتج كولشي بيج ينحب بالبدايه جان بس اعجاب
بس بعدين صرت احب اشوفج صرت احب اتحارش بيج صرت احب اضوجج صرت احب اراقبج من بعيد
هسه تكولين احنه بالبيت صارلنه نص سنه وشبسرعه حبيتني ادري المده مو هواي بس الحب يجي بدون استأذان اني هواي عرفت بنات بس ولا وحده صار تجاهه مشاعر بس انتي حسيت بشي مادري شلون افسره بس اي احبج مو بس احبج اموت عليج
وعل سالفه البنيه تره المدرسه الانتي بيها هيه مدرسه اختي سميره وهاي رجاء اعرفها من زمان مجرد بس هيج ونسه وحته سميره تعرف يعني والله مجان قصدي غير شي ولا اجيتي عل بالي بحيث من حجيتي وعصبتي عليه يلا دريت انتي بنفس المدرسه جنت ناسي هل شي والله ولو اعرف ابد ما اسوي هيج وكدام ارجوان ونور بس صدكيني مجنت ادري
اخذت نفس وغمضت عيوني ودرت وجهي
اريد اطلع بس اجه وحط ايده عل باب وضهري صار عل صدره ويتنفس قريب من وجهي اني بسرعه ارتبكت وباوعت علي وهوه جان يباوع عليه وعل حلكه مرسومه ابتسامه خفيفه
..وخر ايمن اريد اطلع
ايمن..شو مجاوبتي
..شجاوب؟؟
..هدى تره اعترفتلج بحبي وانتي منطيتي اي رده فعل
واني متأكد ميه بالميه انتي هم تحبيني
باوعت عليه بعصبيه وكتله
..تره كولش واثق من نفسك انته لا احبك ولا شي
هوه ابتسم وسحبني من خصري ودارني علي وضل يلعب بشعري ويحجي بأذني
..لعد منو الغارت واجت جنها دبابه عليه وتهجم وتذب بالحجي لان جنت ويا رجاء وحته خدودها جانن حمر من العصبيه هااا منو
غمضت عيني بقوه ودفعته من صدره ورفعت اصبعي
وحجيت بعصبيه
..شوف ايمن اول واخر مره تمد ايدك عليه فاهم
ولا اغار ولا شي اني اجيت بس لان ماريد نور تشوفك هيج وحته لان عيب يعني لا اغار ولا شي عسا ما تروح تتزوج اني مالي دخل بيك وهل افكار والثقه شيلها من بالك لان ماكو هيج شي
أنت تقرأ
فراشاتي والزمن (مكتمله)
Storie d'amoreقصه حقيقيه باللهجه العراقيه فراشات في زمن لا يرحم فماذا يكون مصيرهن؟!🌷
