فى السياره...."""
نفين هامسه لتقى .... هو ماله طارق
تقى بعدم فهم... ماله؟!
نفين بغمزه.... انتى مكنتيش شيفاه عامل ازاى لما وقعتى ولا اي
تقى ... عادى يعنى
نفين .... والله
تقى ... فى ايه ماهو عمل زى اى حد ماكان هيعمل
نفين .... لا ي شيخه ده نط نطه ولا كأن روحه بتتسحب منه
تقى وقد ظهر توترها.... متأفوريش
نفين ... اقطع ايديا الاتنين لو ما كان واقع
تقى بارتباك .... واق..قع اى لا طبعاا
نفين بابتسامه جانبيه.... والله شكله مش هو لوحده اللى واقع ي توتو
تقى .... بت انتى اخرسى انا فيا اللى مكفينى
نفين ... ماشى ماشى اتهربى براحتك بس مسيرك هتقولى ي بطه
"ف منزل طارق"
طارق فى نفسه .... طب اتصل بيه اطمن عليها لالا ده انا كان شكلى زى المدلوق وكمان مروان بصته ليا متوحيش بالخير ... لا منا لازم اطمن عليها بس حتى معرفش هما راحو لدكتور مين طيب اعمل ايه ... خلاص هتصل وامرى لله
"رن هاتف مروان"
مروان ... السلام عليكم
طارق بتلعثم.... وعليكم السلام...احم انا كنت بتصل اطمن الانسه تقى عامله اى
مروان... كويسه
طارق .... طب الدكتور قالكم رجلها فيها حاجه
مروان .... لا قالها ترتاح
طارق وقد احس من ردود مروان المختصره انه يريد انهاء المكالمه.... طب الحمد لله انها بخير حمد لله على سلامتها
مروان... الله يسلمك
"اوصل مروان رقيه وسعاد وبعدها نوال ونفين وتوجه لكى يوصل تقى لبيتها"
ف السياره ...""
مروان... تقى
تقى... نعم ي مروان
مروان .... هو انتى فى حاجه بينك وبين طارق
تقى باندفاع... نعم... اى اللى انت بتقوله ده انت واعى لكلامك ي مرواان
مروان ... امال افسر رده فعله وخوفه ولهفته عليكى لما وقعتى دى بايه دنا اللى اخوكى معملتش زيه
تقى وقد بدأت الدموع تترقرق فى عينها وقالت بغضب .... فسرها زى م تفسرها ي بشمهندس انما انك تشكك ف اخلاقى وتربيتى لحد كده واقف وأظن انت عارف انا متربيه ازاى وانى عارفه حدودى كويس ومسمحلكش انك تقول عليا كده لأى سبب
مروان ... خلاص ي تقى
تقى ... لا مش خلاص ي مروان معدش ليك كلام معايا بعد النهارده ونزلنى من العربيه اركب تاكس
مروان .... ايه اللى انتى بتقوليه ده انتى اختى وانا خايف عليكى علشان كده بسالك
تقى ودموعها تنهمر بغزاره... تقدر تقولى لو نفين مكانى كنت قلت عليها كده ... اجاوبك انا لا عمرك م كنت تقول عليها كده عارف ليه لانها اختك لحمك ودمك ولو حد فكر مجرد تفكير فيها بالطريقه اللى انت فكرت فيا بيها كنت هتمحيه من على وش الارض ورغم انى المفروض اختك زى نفين لاننا اخوات ف الرضاعه بس عمرك م فكرت فيا زى نفين انا اللى غبيه وبقول ربنا عوضنى بيك علشان مليش اخ اتسند عليك بس طلعت غبيه عارف انا دلوقتى كنت اتمنى يبقى ليا اخ علشا اخليه ياخد حقى منك ي مروان وعلى اللى انت قلته
