فراشاتي والزمن (مكتمله)

البارت 13

مساء الخير احبتي ❤
اتمنى لكم قراءة ممتعة

بقلم: زهراء البباتي

ارجوان.. ردت احجي بس جرني من شعري وكعني بالكاع وكام يضرب بيه واني بس ابجي واشهك
وماما و بيبي يدكن عل بابا ويصيحن واني بس ابجي واشهك وهوه مخله مكان مضربني بي ويعيط ويحجي
..لا ودزيله صورج ولج كح.. شلوون تسوين هيج اليوم اله اربيج

وخر ايدي من وجهي وضل يضرب راشديات
ويروح يكعد عل قنفه يدخن ويرجع يضرب بيه
وبقيت بالساعه يمه وبس يحجي ويتوعد
..ولج ساقطه هاي تربيت اهلج ولج شكد لعد غبيه وتثقين بي هلكد ودزيله صورج
اني اعلمج وحق القران اذا ما اخليج تتندمين بكد شعر راسج ماطلع اسمي علي ولج ادبسزز تتمعشك وتحب وانتي بعدج سادس ممخلصه اذا ادخلين كليه شسوين
اني اعلمج

جنت منزله راسي ورجلي ساحبتها لوجهي
وابجي وماحجي ويا اي شي
بعدين هم ضل يدخن ويباوع عليه ويهز برجله
واسمع ماما ادك بالباب وتتوعد اله
..علي افتح الباب شدتسوي انته منو وتضرب بنتي افتتتتح الباب وطلع بنتي لك
وهم الاء سمعت صوتها وبتها وخواتي كولهن جانن يم الباب غمضت عيني وتمنيت بهل لحضه اختفي ويطلع هل شي حلم اني اني صوجي العفت تلفوني وهم بدون رمز اني شلون اعوفه اخخخ اني الحطيت نفسي بهل موقف

شمر الجكاره عل كاع وداسها برجله وفتح اول دكم من قميصه وضل ينافخ ويباوع عليه
بعدين فتح الباب وشافهم كلهم يم الباب ويردون يدخلون بس مخلاهم بس دخل ماما وبعدين عيط عل باقين
..امشوو كلكم لغرفكم يلاااااااااااااا
هوه عيط بصوت عالي هز البيت كوله كلهم عافو وراحو وبعدين قفل الباب ودار وجهه عليه
وماما اجت وتباوع عل وجهي وعكدت حواجبه وراحت وكفت كدامه وتعيط
..شلوووون تسوي هيج بنتي لك
علي..اول شي اسئلي بنتج شمسويه يلا تلوميني
دارت وجهه ماما بسرعه عليه واجت كعدت يمي وكالت بصوت ناصي
..شبيج ماما حبيبتي شبيج شصاير بيج شمسويه احجي كلشي بدون خوف
اني بسرعه حضنتها وكمت ابجي واشهك وهيه حضنتني وتهدي بيه رفعت راسي وباوعت عليها
وحجيت واني ارجف
..ماما انتي تعرفين بهادي ايريدني وامه حجت وياج مو
ماما هزت راسها بأي وبعدين عكدت حواجبها
..ماما اني لان داحجي بالتلفون ويا هادي
لان عل اتفاق امه وانتي كلتو خل نتعرف عل بعض اكثر ومن اخلص من السادس حيجي يخطبني مو
..اي حبيبتي صح شكو
..ماما علي شاف تلفوني واني احجي ويا هادي وضل يضرب بيه وبدون حته ميسأل اي شي حجيت اخر جمله وحضنتها واني ابجي

وجان علي صافن علينا وعاكد حواجبه وبعدين كام فاز من الحجي
..اوكفي لحضه يعني امج تدري بهادي شنو اوكفي شحجيتي انتي شنو تعارف شنو خطوبه

ارجوان..اني من اول محبيت هادي مقبلت احجي ويا ابد بالبدايه وجنت ويا كولش صعبه بعدين يلا تقبلته وبدت قصه حبنا بس من طولنا واحنه عل تواصل جنت دائما احس بنفسي داخذل ماما ولازم امي تعرف هل شي وهادي كلي قبل شهرين حته لتخافين خل امي تحجي ويا امج علمود هم احجزج وهم يصير الها علم
وصدك امه حجت ويا ماما وماما اتقبلت الموضوع واتفاجئت من عرفت بيه احب هادي ولامتني شلون مكتلها بس بعدين ام هادي خلت ماما ترتاح لان جانت امه تحجي عل عرس وخطوبه وكلتلها شوكت متردين كوليلنا اليوم واحنه نجي نخطب ومن خلال حجي ام هادي ماما ارتاحت وقبلت احجي ويا هادي وكالت تتعرفين علي هم اكثر بس اذا اشوف يأثر عل دراستج تنسي وصدك ماما شافتني نجحت ودرجاتي زينه بالامتحانات الشهريه فرتاحت اكثر وجنت دائما احجي لماما شنو يحجي وياي هادي ومرات هيه تلزم التلفون وتشوف حجيه وحته لبابا كالت وبابا اشر بعيونه وهوه يبتسم وهم بابا صار عنده علم بس كلنا بس نخلص سادس بسرعه يجي يخطبني