#نبي_نجوز_ياعالم😂😂

#نبي-نجوز-ياعالم

#الحلقة_الأولى

قاعده نتابع في المسامح كريم نشهق ونبكي الحلقه كانت بكل تقطع القلب اجوز وحده اخره غير حبيبته وتوا جايب حبيبته القديمه لبرنامج يصالحها😭😭

طبعاً لأني في وسط عيله راقيه وتتفهم في المشاعر وانا نبكي ونمسح في خشيمي يجيني شبشب على راسي

اه تي كنكم زفت مش شايفيني نتفرج😭

منى:صبي انعن وجع تبكي على عالم يهود امشي غيري للعيل له ساعه عاملها وليدي وانا واصله حدي ماعندي له جهد

صبيتلها
ونا شن دخلني بضنوتكم اسملا علي ياربي من دون البنات خواتي لي اصغر مني اجوزن وانا قاعده نغير لعويلهن توب عليا ياربي
نبييبيببيي نجووووووووووووز يااااااعالم
حتى سوداني راضيه بيه 😐

ويأتي شبشب لأخر ومعه تنتيشه شعر

اانإي يافرخه أحشمي على وجأ متأوليش الحوش في أجاله

الترجمه "انتي يافرخه تحشمي على وجك متقولش الحوش فيه رجاله"

رجاله ماتوا في الحرب يعني من بختي الاسود هل الحرب ماجت الا على زيزتي ماعقبتلي حتى فتفوتة راجل

وزاد يكر في شعري

اه شعري ييييي على معيشتي سوده حتى خوي لاصغر مني شاخ علي امشي يالخرص ماناقص غير وجك ماسد قعدتي من غير راجل

ويبدا في عمكن حسين تدليف لكن عد حتى نا ماسكتتله وهو معصعص ورقيق قريب مات بين إيدي😂😂

...

تعالوا نقوللكم انا من

اسمي ميمي عيوني عسليه عندي غمازات وشعري طويل وكل شهر صابغته بلون طولي وسط وفيا شدوق

وكنكم فيش ترجو؟

تبوا تعرفوا ايش اخره لا متسألوش على وزني لا لا لا😭😭💔

يابت خلك صادقه نبي نبدا في قصتك عطيهم وصفك صح😒

خلاص وانتي مامعك بصاره بكل لازم تخربي سوقي حتى لما قلت فرجها على ربي ويوصل صوتي للعالم وسع نزوز كي ها صبايا

هييييييي اختصري درهتي كبدي وانتي لووووكلووووك على الأبيض😒

تعالوا سيبكم منها هذي نكديه

انا ياجماعة الخير ضحية في اسمي وفي شبابي مالقوا مايسموني الا على اسم حنى

مكاسب اسرافيل شلاليف 😭😭💔

وعمري 24 سنه

وبعدين مكذبتش عليكم عندي شدوق وغمزتين وعيوني وسعات وعسليه لكن لنقاااني ياهو دبدوبه 🙄 وزني مدرعنا كم من كم سنه كان 90ونظني ناقصه توا 🤔

ايش ندير غاليه علي بطني اكثر من زيزه 😂لا لنقانها زيزه اكثر 🤔

مهم ياحناتي انا عندي اخين واحد خرص اسمه حسين نأنوأه مدرعنكم عرفتوا تنطقو لقبه ولا لأ مزال عازب وعوطلي وعلى قابيته خرص مامعقب بنت

هو هكي من ولاده

وعندي 3خوات اصغر مني وزوزن قبلي😭

ويجني نعاني فيهن وفي فروخهن

وخوي كبير متزوز وقاعد معانه

وبوي وامي عايشين

...

بعد ماتكينا هذيك العركه وماحوتك فكوه مني بركت عليه قريب تكسر القفص صدري 😂💪

يلا خلاص توا نبي نفطر

امي: عطك سم ماتوا كليتي باتك جاب40فرده قريب يكملن ومزال صبح

-ينعلي نا نموت من شر ولا ايش يعني لا راجل يزوزني ولا فطور

امي : تحشمي على وجك ياقليله الحياه وراجل يجي لوحده كرشته قدامها

رضيين بيها كرشه هم مغير كلا من الأسم لزرطتوني فيه يعني على الأثر مااسمي مكاسب على اثر مابوي اسرفيل وجدي شلاليف بالله عليه ظلمتوني من دون خواتي تقول طالعه من نجع😂😂

امي مسكتني من شعري

خشت منى تجري الحقي يامكاسب جاك الفرج جاك

يتبع