Sally 98

Part1:

Fatem_tam

Sally 98

كلنا نعرف عن الجن والشياطين والاشباح بس جان دائما عندي سؤال ليش سيئ جدا ان انشوفهم او نتكلم وياهم هل هم سيئن جدا لدرجة هذي جنت اسئل ماما اهواي وجانت ادكول حرام ولله سو هيج علمود يحمينا لينهم ايخوفون كلنا نذكر من انام وطنفي الضوة ونسمع اصوات يمكن من مخيلتنا او هم السبب دائما عندي فضول عنهم ونفسي اشوفهم صدك هم ايخوفون او ايئذون بس طبعا دينا مايسمح بهذا الشي لهذا بس جنت اقرى واطلع على افلام رعب اهواي لدرجة كمت اخاف من ضلي جنت بالبداية موكلش ملتزمة بصلاتي بس هسة احسن جنت افكر بالقرين وللشياطين والحوش وكلشي مخيف كئي عقل طفلة بعمر 11 حد ماكبرت وخسرت اعز شي عندي هم اهلي جانت صدمة بحياتي ماتوقعت فد يوم راح اخسر النفس الي اتنفسة اختي او الامان الي چان بابا يطينيا او الحب والدفة من امي للحضة حسيت الحياة غير عادلة جانوا اهلي ناس طيبة حيل ومتدينة ويخافون من المعاصي بوكته خسرت كلشي حتى ضحكتي واكثر شي اتمنينت مااخسرة هو ايماني بي الله بعد موت اهلي ابتعد عن الله اهواي وچنت اضن الشخص اذا چان زين ويخاف الله ايموت ابسرعة لين چنت اهواي اسمع عن ناس طيبة وتموت والناس السيئة تعيش ضليت الوم ربي ليش وين العدل وبتعد بعد وفات اهلي بي خمسة ايام اخذني خالي هو مرتة وبنتهم چانت طيبة وياي وذكرتني بطيبت اختي اخذوني وياهم الى نمسة دولة اجنبية لهذا ماجنت البس حجاب چان خالي عادي الشرب عدهم وهاي السوالف لين مسيح هم طبعا ماجنت اكره اي شخص ديانة غير ديانتي بالعكس احترمه لهذا وراى سنة خريت ديانتي للمسيح وجنت راضية شوي شوي كمت استرجع شخصيتي بعد الكئابة الي صاحبتني لسنة رجعت سالي المرحة والطيبة والضحك الي متفارق حلكي خالي ومرتة جنت احبهم اهواي جانوا طيبين وياية وخرجوني من حزني ورجعوني بس بعدي عن ربي زاد بس ماارتكبت شي سيئ يعني لااشرب او اشاهد شي سيئ ومااسوي اي معاصم بس جنت لااصوم ولااصلي وراى العطلة الصيفية دخلت للمدرسة جنت عمري ابوكته 12 سنة يعني بالثانوية اول متوسط دراستهم صعبة كلشي انكليزي بس دخلت دوارت وصرت زينة بي مرت السنوات وصار عمري 20 سنة يب ثاني سنة بكليتي اني اختصاصي طب نفسي احب هذا العمل وجنت متحمسة علمود اخرج تعرفت على صديقة بي اول يوم الي بالكلية وجانت حبابة كلش بس جانت تعشق الجن والعالم الاخر رجعت الفضول الي جان عندي من جنت اصغيرة وجنت استمع الى كلامه وعن الوحوش والشياطين وخصوصا القرين جان اكثر شي جاذبني الة بس ماجانت عندي الجراة علمود استحضرة غير اموت بي مكاني المهم مريم الي هية بنت خالي جانت مثل اختي بس جانت تكره صديقتي لينا بسبب حبه المخيف للعالم السفلي وجانت اتحذرني منه بس جنت استحي انو ابتعد عنه او اقطع علاقتي عنه مااحب هذا الشي يب من النوع الفطير بس جنت احاول اجاهله بحترام لحد يوم خلتني اسمع كلامه

سالي....كلت الج ميت مرة مستحيل اشوف هذا الفلم
مريم....يلة سو راح تبقين جبانة
سالي....اوفضل اكون جبانة على انو اشوف لعبة تكتل بالبشر (يب تشارلي)
مريم.....اقسم بالعذارء ميخوف اهواي
سالي....بالحلم اشوفة ماشي
مريم.....هيج يعني بس من تطلب منج ذيج المخبولة تسمعين كلامه
تقصد لينا
سالي.....الف مرة كلت اني ما اسمع كلامه بس احترام اله
مريم.....واني متحترميني
سالي.....انتي كلتيه
مريم......هيج يعني لعد ولي مراح احجي وياج بعد
اففف رجعت للدرامة تجاهلت موضوعه باجر الصبح راح تنسى صعدت الى غرفتي سديت الباب وطبعا شعلت كل الاضوية بالغرفة لين اخاف انام بالضلمة رحت لفراشي وخليت السماعة بذني احب اسمع صوت البيانو والكمان ونفسي اتعلم عليهم خمضت عيني ودخلت بحلامي

لثاني يوم صبح كعدت على صوت المنبه
سالي.....افففف كمت كمت

طفيت المنبه ورجعت لنومتي بس مانمت لين حسيت البطانية تنسحب اشوي اشوي اهنا اجمد دمي وقلبي وكف اني انام وحدي ومريم وحده وخالي ومرته سافروا منو الي يسحب حاولت مااضهر خوفي لهذا كمت ومسحت عيني ورحت للكنتور اخذ ملابسي ولاكئنوا صار شي ضليت افكر شنو البس بس صار شي خلاني اجمد مكاني جانت اكو جنطة محطوطة على ميز التواليت وفجة وكعت اهنا كلت لا مستحيل ابقى ابهاي الغرفة ثاني لهذا ادعيت الشجاعة بس اشوي فشلت

سالي....جنطتييي اقصد مريمممم سويتي الريوك
وطلعت من الغرفة ركض عايفة الشي الي صار ورحت الى غرفة مريم دكيت الباب وفتحته بس مالكيت احد رحت دورت البيت بس ماكو وين راحت

اهنا حسيت بي شي يتحرك وراية طبعا ماانداريت لي اني اجبنة من اشوف منو الي يتحرك حاولت امشي بس الصوت الي سمعته وكفني مكاني وفتحت عيني على اخره صوت مرعب واجش خلة دمي يجمد ابمكاني

1..2 اسرعوا
3..4 اختبوا
5..6لاتتنفسوا
7..8اغمضوا اعيونكم
9..10لن تفلتوا مني
غمضت عيني بقوة واني ادعي الله ايساعدني غريب صح نطلب مساعدة من نترك ونعوفة ونتمنى يساعدني ضليت ابجي وادعي واستغفر غريب اني اذكر ذني الاشياء بس ضليت احجي حتى...

مراح تنجحي

ضحك ضحكة خلتني اموت ابمكاني خلاني صدك افقد الامل كلامة صح بعد كل هاي السنوات واني اطلب من ربي ايساعدني بعد ماجنت الوم بي

اختفى الصوت وصار هدوء خريب اتشجعت وفتحت عين وحدة ببطء وياريتني مافتحت لكيت شخص واكف ابركن الهول كان رجل بشكل مرعب واكف بعينة السودة وابتسامته المخيفة متحملت صرخت وكمت اركض اركض اتحول البيت الى غابة مخيفة واشجار بكل مكان ودم موجود على الاشجار جنت اركض والتفت واري اذا يلحكني او لا تعذرت بغصن شجرة وكعت التوت رجلي
سالي....اه ه ه مؤلم
حاولت اكمش رجلي بس شي مسك رقبتي  وثبتني على الشجر جنت مغمضة عيني خايفة افتحه واني احرك رجلي الي صارت متلوح الارض اقترب من اذني نفسة ساااخن حسيت اذني ماعت اتكلم بهدوء واني الرعب ماكلني
مراح تهربي مني اهلا في جحيكم

كمت الهث حلم جان كابوس جبيني يتعرك ونفسي متكطع واحاول اجمع الهوة شكر الرب لين جان حلم التفتت على المنبه جانت الساعة 7:44

سالي.....شت اتئخرت
ركضت ابسرعة اخير ملابس وصلت للمراية امشط ابشعري لمحت شي اسود بالمراية التفتت البسرعة وماكو شي رجعت للمراية هم ماكو شي

سالي....شكلي مراح اخصل من الكابوس هذا

يتبع.....

*******Fatem _tam*******